Hondarribiko industriaguneak geldirik daude grebaren lehen orduetan
Goizeko seietan hasi da lanean Txiplao industriagunean gehiengo sindikalak deitutako greba deialdiaz informatzeko xedea zuen pikete informatiboa. Hamabost lagun inguruk osatu dute taldea, horietatik gehienek soinean LAB sindikatuaren pegatinak zituztelarik. Lanean hasi dira, baina ez dute lan handia izan, Ekialdebuseko kotxeretara zerbitzu minimoak betetzera agertu diren autobus gidariak salbu, lehen orduan ez baita beste inor agertu Txiplaon lanera. Bidasoa eta Oarsoaldean aritzen den Ekialdebus konpainiak zerbitzu minimoak eskaintzen hasi da. Enpresako arduradunak zerbitzu minimoen berri eman die piketean bildutakoei eta hauek eskuorriak utzi dituzte zerbitzu minimoak betetzera abiatu diren ibilgailuetan. Metro gutxira Ertzaintzaren ibilgailu bat zegoen zain, baina, piketearen eta enpresako arduradunaren artean adostasuna zegoenez, ez dira gerturatu. Enpresako arduradunak azaldu duenez, gutxi gorabehera %30ekoak dira greba jardunaldirako ezarritako zerbitzu minimoak. Hala, 06:00etan Hondarribia-Irun linea egiten duen autobus bat abiatu da, eta zazpiak eta gero Errenteria-Donostia (E20) ibilbidea egiten duen beste bat eta Unibertsitateetara doan beste ibilgailu bat. Atera diren autobusak zerbitzu minimoak zirela zehazten zuen kartel bat jarrita zuten kristalean, goizeko seietakoa salbu —enpresako arduradunak jarri ditu oharrak eta ordu horretan ez zegoen arduradunik—.
Zerbitzu minimoak betetzera soilik agertu dira Ekialdebuseko langileak kotxeretara
Goizeko seietan hasi da lanean Txiplao industriagunean gehiengo sindikalak deitutako greba deialdiaz informatzeko xedea zuen pikete informatiboa. Hamabost lagun inguruk osatu dute taldea, horietatik gehienek soinean LAB sindikatuaren pegatinak zituztelarik. Lanean hasi dira, baina ez dute lan handia izan, Ekialdebuseko kotxeretara zerbitzu minimoak betetzera agertu diren autobus gidariak salbu, lehen orduan ez baita beste inor agertu Txiplaon lanera.
E20 lineako autobusa, zerbitzu minimoetako kartelarekin
Bidasoa eta Oarsoaldean aritzen den Ekialdebus konpainiak zerbitzu minimoak eskaintzen hasi da. Enpresako arduradunak zerbitzu minimoen berri eman die piketean bildutakoei eta hauek eskuorriak utzi dituzte zerbitzu minimoak betetzera abiatu diren ibilgailuetan. Metro gutxira Ertzaintzaren ibilgailu bat zegoen zain, baina, piketearen eta enpresako arduradunaren artean adostasuna zegoenez, ez dira gerturatu. Enpresako arduradunak azaldu duenez, gutxi gorabehera %30ekoak dira greba jardunaldirako ezarritako zerbitzu minimoak.
Hala, 06:00etan Hondarribia-Irun linea egiten duen autobus bat abiatu da, eta zazpiak eta gero Errenteria-Donostia (E20) ibilbidea egiten duen beste bat eta Unibertsitateetara doan beste ibilgailu bat. Atera diren autobusak zerbitzu minimoak zirela zehazten zuen kartel bat jarrita zuten kristalean, goizeko seietakoa salbu —enpresako arduradunak jarri ditu oharrak eta ordu horretan ez zegoen arduradunik—.
