Dendak itxita daude Errenteria-Oreretan
Errenteria-Orereta geldirik dago ELA, LAB, EILAS, ESK, Hiru, EHNE, CNTk deitutako gaurko greba egunean. ELA eta LABeko ordezkarien arabera, greba espero baino oihartzun zabalagoa eta jarraipen zabala izaten ari da. Herriko saltoki gehienek bat egin dute egindako deialdiarekin, eta denda itxi dute. Lantegien kasuan, handi gehienek itxi egin dute. Papresaren kasuaren, goizeko txandakoek greba egin dute. Mugimendua bakarrik piketeen eskutik etorri da, eta horiek hurbiltzearekin batera, erdiraino igota zeuden pertsiana batzuk erabat jaitsi dira. Erdialdean ertzainek gertutik jarraitu dituzte, eta Iztietan tentsio une batzuk ere izan dira, baina ezer larririk gabe. 11:00etan Donostiara alde egin dute eguerdirako deituta dagoen manifestaziorako. Arratsalderako ere hainbat ekimen prestatu dituzte. 16:00etan auto karabana abiatuko da Gaztañotik; 18:00etan, batzar ireki bat egingo dute Herriko Plazan, herritarrek krisiaren gainean duten iritzia botatzeko, eta 19:00etan, manifestazioan irtengo dira toki horretatik bertatik.
Errenteria-Orereta geldirik dago ELA, LAB, EILAS, ESK, Hiru, EHNE, CNTk deitutako gaurko greba egunean. ELA eta LABeko ordezkarien arabera, greba espero baino oihartzun zabalagoa eta jarraipen zabala izaten ari da. Herriko saltoki gehienek bat egin dute egindako deialdiarekin, eta denda itxi dute. Lantegien kasuan, handi gehienek itxi egin dute. Papresaren kasuaren, goizeko txandakoek greba egin dute.
Mugimendua bakarrik piketeen eskutik etorri da, eta horiek hurbiltzearekin batera, erdiraino igota zeuden pertsiana batzuk erabat jaitsi dira. Erdialdean ertzainek gertutik jarraitu dituzte, eta Iztietan tentsio une batzuk ere izan dira, baina ezer larririk gabe. 11:00etan Donostiara alde egin dute eguerdirako deituta dagoen manifestaziorako.
Arratsalderako ere hainbat ekimen prestatu dituzte. 16:00etan auto karabana abiatuko da Gaztañotik; 18:00etan, batzar ireki bat egingo dute Herriko Plazan, herritarrek krisiaren gainean duten iritzia botatzeko, eta 19:00etan, manifestazioan irtengo dira toki horretatik bertatik.
