Gutuna: “Irailak 26 denok grebara!”
Gaur egun bizi dugun krisi ekonomikoak gogorki astindu du mundu osoko ekonomia. Merkatu pribatu zein inbertsore pribatu batzuen diru ase-ezintasunak sekulako zuloak eragin ditu eta zulo hori diru publikoz estali nahi dituzte. Gainera, banketxeek sorturiko diru zulo hori estaltzeko dirua emateaz gain erabat zentzugabeak diren azpiegitura erraldoietan (AHT, Supersur…) milaka milioi euro gastatzen dabiltza. Baina administrazio publikoaren kaudimentasuna ez da mugagabea, behiari esnea amaitzen zaion moduan, administrazioa ez da gai zulo hori ordaintzeaz gain bere beste betebeharrei aurre egiteko. Beraz, hemen kokatu behar dugu merkatuek erabaki eta estatu espainola aplikatzen ari diren hainbat neurri eta murrizketa. Haiek sortutako zuloa langileok eta gizarteko biztanle txiroenek ordaintzea nahi dute. Aspalditik esaten gabiltza haien helburua estatu ongizatearekin amaitzea dela, eta antza denez bide horretan lehen pausuak ematen hasiak dira. Urte askotako borroken ondorioz lortutako eskubide zibilak ezabatu nahi dituzte! Oiartzuarrak ere tamalez gurpil honen barnean gaude. Azken urteetan eman den enplegu suntsitzea izugarria izan da. Datuei begiratu ezkero Oiartzunen 2007ko abuztuan 291 langabe zeuden, 5 urte ondoren, 2012ko abuztuan hain zuzen ere, 532 langabe daude, ia bikoitza. Enpresei dagokionez daukagun argazkia oso kezkagarria da. Hainbat enpresek itxi egin behar izan dute (Iberemec, Dimp, Molpo, Oiarplas, Aramar, Sogefi…), hauen artean garrantzitsuena Ramon Vizcaino izan [...]
Gaur egun bizi dugun krisi ekonomikoak gogorki astindu du mundu osoko ekonomia. Merkatu pribatu zein inbertsore pribatu batzuen diru ase-ezintasunak sekulako zuloak eragin ditu eta zulo hori diru publikoz estali nahi dituzte. Gainera, banketxeek sorturiko diru zulo hori estaltzeko dirua emateaz gain erabat zentzugabeak diren azpiegitura erraldoietan (AHT, Supersur…) milaka milioi euro gastatzen dabiltza.
Baina administrazio publikoaren kaudimentasuna ez da mugagabea, behiari esnea amaitzen zaion moduan, administrazioa ez da gai zulo hori ordaintzeaz gain bere beste betebeharrei aurre egiteko. Beraz, hemen kokatu behar dugu merkatuek erabaki eta estatu espainola aplikatzen ari diren hainbat neurri eta murrizketa. Haiek sortutako zuloa langileok eta gizarteko biztanle txiroenek ordaintzea nahi dute. Aspalditik esaten gabiltza haien helburua estatu ongizatearekin amaitzea dela, eta antza denez bide horretan lehen pausuak ematen hasiak dira. Urte askotako borroken ondorioz lortutako eskubide zibilak ezabatu nahi dituzte!
Oiartzuarrak ere tamalez gurpil honen barnean gaude. Azken urteetan eman den enplegu suntsitzea izugarria izan da. Datuei begiratu ezkero Oiartzunen 2007ko abuztuan 291 langabe zeuden, 5 urte ondoren, 2012ko abuztuan hain zuzen ere, 532 langabe daude, ia bikoitza.
Enpresei dagokionez daukagun argazkia oso kezkagarria da. Hainbat enpresek itxi egin behar izan dute (Iberemec, Dimp, Molpo, Oiarplas, Aramar, Sogefi…), hauen artean garrantzitsuena Ramon Vizcaino izan delarik, bere itxieraren ondorioz 300 langile baino gehiago kalean geratu baitira. Irekiak mantentzen diren enpresa askoren egoera ere ez da batere ona. Hauetako askotan soldata jaitsierak, hitzarmenen aplikazio eza, ere-ak… oso ohikoak izaten ari dira.
Azkenik, ezin ahaztu herriko komertzio txiki eta tabernak. Multinazional eta kate handiei begira hartzen ari diren hainbat neurrik eta biztanleriari begira hartutako erabakiek (BEZaren igoera, murrizketak…), herritarren txirotasuna ekarriko dutenak, zuzenean eragiten baitiete. Gure herriari bizia ematen dioten hainbat denda eta taberna egoera oso zailean aurkitzen ari dira.
Aski da! Gure eskubide sozial eta lan eskubideak bermatzeko murrizketa hauek onartezinak dira. Hori dela eta gaur egun Euskal Herriarentzat ezinbestekoa da burujabetza ekonomikoa edukitzea, krisi honetatik ateratzeko alternatiba sozioekonomiko errealak indarrean jarriz gizarte eredu justuago bat eraikitzeko bide bakarra baita. Horretarako Irailak 26ko Greba Orokorra inflexio puntu garrantzitsua da, erantzun sendo eta trinkoa emateaz gain alternatiba berriak eraikitzeko ordua baita. Beraz badakizue: Irailak 26an denok kalera!
Jexux Olaziregi. Oiartzun, greba komiteko kidea.
