Komunikazio teknologia berrien erabilpena aztertuko dute Ficoban
Akitaniako Informazio eta Komunikazio Teknologia Berrien agentziak eta Irungo Udalak elkarlanean, IKTak —Informazioaren eta Komunikazioaren Teknologiak— eta Gobernu Ona jardunaldia antolatu dute hilaren 27rako Ficoba erakustazokan. Hainbat hitzaldi...
Akitaniako Informazio eta Komunikazio Teknologia Berrien agentziak eta Irungo Udalak elkarlanean, IKTak —Informazioaren eta Komunikazioaren Teknologiak— eta Gobernu Ona jardunaldia antolatu dute hilaren 27rako Ficoba erakustazokan. Hainbat hitzaldik eta mahai-inguruk osatuko dute jardunaldia, eta mugaz gaindiko parte hartzea edukiko du. Hala, udalen eta herritarren arteko komunikazio kanal eta teknologia berriak aztertuko dituzte bertan.
Jose Antonio Santano alkateak azaldu duenez, “esperientzia ezberdinak partekatuz arlo publikoaren kudeaketa eranginkorragoa, sentikorragoa, parte hartzaileagoa eta gardenagoa” lortzea da jardunaldiaren helburu nagusia.
Pedro Alegre Gizarte Informaziorako eta Hiritarren Parte Hartzerako ordezkariak nabarmendu du Irunek “argudio interesgarriak” dauzkala, “batez ere, Internet bidezko kudeaketei dagokionez”.
