«Erabilera desegokia dela eta», lurpeko edukiontziak kendu egingo dituzte
Lurpeko edukiontziak erabili dituzten bizilagunek aportazio guneak erabiliko dituzte aurrerantzean Oiartzungo Udalak jakinarazi duenez, aste honetatik aurrera ez da lurpeko edukiontzirik izango Oiartzungo udalerrian. Behemendi Landa Garapenerako Agentziak eta udalak sei edukiontzi kenduko dituzte, «horien erabilera desegokiarengatik eta atez ateko hondakinen bilketa hobetzeko». Udalak gogorarazi duenez, lurpeko edukiontziak herrigunetik urrutien bizi diren landa inguruneko bizilagunei zerbitzua emateko prestatuta zeuden. Baina horien erabilera desegokiak kentzeko erabakia hartzera behartu du: «Lurpeko edukiontzi batzuetan errefusa kantitatea igo egin da, langile autonomo askok hondakinak hauetan bota dituztelako». Gainera, lurpeko edukiontziek ez zuten hondakinak gaika bereizteko aukerarik eskaintzen. Orain arte lurpeko edukiontziak erabili dituzten herritarrek, aurrerantzean, landa inguruko gainerako bizilagunek bezala, aportazio guneak erabiliko dituzte: «Izan ere, landa ingurunean urrutien bizi ziren bizilagunek orain arte ez dute aukerarik izan hondakinak bereizteko eta birziklatzeko. Zero zabor politikaren bidean, ezinbestekoa da herritar guztiei hondakinak zuzen banatzeko aukerak eta erraztasunak ematea». Hori dela eta, Atez Ateko Informazio Bulegotik pasatzeko eskatu dei udalak bizilagun horiei. Mendiburu kaleko 5 zenbakian dago, eta astelehenetik ostiralera, 08:00etatik 15:00etara dago irekita. Bertan jaso ahal izango dute dagokien aportazio guneko giltza, dohainik, eta aportazio guneen funtzionamenduaren berri.
Lurpeko edukiontziak erabili dituzten bizilagunek aportazio guneak erabiliko dituzte aurrerantzean
Oiartzungo Udalak jakinarazi duenez, aste honetatik aurrera ez da lurpeko edukiontzirik izango Oiartzungo udalerrian. Behemendi Landa Garapenerako Agentziak eta udalak sei edukiontzi kenduko dituzte, «horien erabilera desegokiarengatik eta atez ateko hondakinen bilketa hobetzeko».
Lurpeko sei edukiontzi kenduko dituzte udalak eta Behemendik.
Udalak gogorarazi duenez, lurpeko edukiontziak herrigunetik urrutien bizi diren landa inguruneko bizilagunei zerbitzua emateko prestatuta zeuden. Baina horien erabilera desegokiak kentzeko erabakia hartzera behartu du: «Lurpeko edukiontzi batzuetan errefusa kantitatea igo egin da, langile autonomo askok hondakinak hauetan bota dituztelako». Gainera, lurpeko edukiontziek ez zuten hondakinak gaika bereizteko aukerarik eskaintzen.
Orain arte lurpeko edukiontziak erabili dituzten herritarrek, aurrerantzean, landa inguruko gainerako bizilagunek bezala, aportazio guneak erabiliko dituzte: «Izan ere, landa ingurunean urrutien bizi ziren bizilagunek orain arte ez dute aukerarik izan hondakinak bereizteko eta birziklatzeko. Zero zabor politikaren bidean, ezinbestekoa da herritar guztiei hondakinak zuzen banatzeko aukerak eta erraztasunak ematea».
Hori dela eta, Atez Ateko Informazio Bulegotik pasatzeko eskatu dei udalak bizilagun horiei. Mendiburu kaleko 5 zenbakian dago, eta astelehenetik ostiralera, 08:00etatik 15:00etara dago irekita.
Bertan jaso ahal izango dute dagokien aportazio guneko giltza, dohainik, eta aportazio guneen funtzionamenduaren berri.
