Alex de la Iglesia zinegilea sorgin bila etorriko da astelehenean Hondarribira
Las brujas de Zugarramurdi (Zugarramurdiko sorginak) filmerako 40 eta 70 urte bitarteko emakumeak behar ditu Alex de la Iglesia zuzendari bilbotarrak eta, horretarako, pelikulako taldeak casting-a antolatu du datorren astelehenerako Zuloaga Etxean. Hala, interesa duten emakumeek liburutegiko eraikinetik pasa daitezke, 11:00etatik 14:00etara eta 16:00etatik 19:00etara. Nortasun Agiriaren eta Gizarte Segurantzaren txartelaren kopia eta, badaezpada, bankuko libretaren lehen orriaren kopia edota kontu korrontearen zenbakia eraman behar dira. Informazio gehiago nahi duenak Arma Plaza Interpretazio Zentrora (telefonoz eska daiteke, 943 64 36 77 zenbakian) edota BAZ bulegora (943 11 12 13) jo dezake. Zugarramurdiko sorginak film luzerako grabaketa urriaren 1etik 13ra egingo da, Zugarramurdiko kobazuloetan eta inguruko herrietan. Hondarribia ez da filmerako jendea hautatzeko casting-a jasoko duen herri bakarra. Izan ere, aste honetan estren aukeraketa handia egin dute Zugarramurdin bertan. 500 lagunek baino gehiago eman zuten izena.
Las brujas de Zugarramurdi (Zugarramurdiko sorginak) filmerako 40 eta 70 urte bitarteko emakumeak behar ditu Alex de la Iglesia zuzendari bilbotarrak eta, horretarako, pelikulako taldeak casting-a antolatu du datorren astelehenerako Zuloaga Etxean. Hala, interesa duten emakumeek liburutegiko eraikinetik pasa daitezke, 11:00etatik 14:00etara eta 16:00etatik 19:00etara.
Nortasun Agiriaren eta Gizarte Segurantzaren txartelaren kopia eta, badaezpada, bankuko libretaren lehen orriaren kopia edota kontu korrontearen zenbakia eraman behar dira. Informazio gehiago nahi duenak Arma Plaza Interpretazio Zentrora (telefonoz eska daiteke, 943 64 36 77 zenbakian) edota BAZ bulegora (943 11 12 13) jo dezake.
Zugarramurdiko sorginak film luzerako grabaketa urriaren 1etik 13ra egingo da, Zugarramurdiko kobazuloetan eta inguruko herrietan. Hondarribia ez da filmerako jendea hautatzeko casting-a jasoko duen herri bakarra. Izan ere, aste honetan estren aukeraketa handia egin dute Zugarramurdin bertan. 500 lagunek baino gehiago eman zuten izena.
