Mugikortasun iraunkorraren aldeko astea abiatu da
Irungo Udaleko Mugikortasun eta Ingurumen ordezkariak, Cristina Laborda eta Miguek Angel Paez hurrenez hurren, Europako Mugikortasun Iraunkorraren Astea aurkeztu dute gaur goizean. Kanpaina irailaren 17tik 23ra bitartean luzatuko da eta Labordak ziurtatu duenez, “egunerokoan pauso garrantzitsuak” eman diren arren, “kontzientziazio orokorra bultzatzea beharrezkoa da”. Horiek horrela, hilaren 17tik 21era bitartean Eskola Bidea ekimena bultzatuko da. Horren arabera, hitzordu bat finkatzen da eta umeak oinez joaten dira eskolara, aldez aurretik hitzartutako ibilbidea jarraituz eta arduradun batek lagunduta. Udaleko ordezkarien arabera, “era horretan autonomia, ardura eta sozializazioa garatu ahal dute”. Hamaika ekimen Larunbatean hilaren 22an bestalde, helduei zuzendutako bizikletan segurtasunez ibiltzen ikasteko ikastaroa izango da, Osinbiribileko bidegorrian (10:00). Arratsaldean aldiz, haurrentzako marrazki lehiaketa antolatu dute, 16:30etik aurrera Zabaltza plazan. Halaber, 16:00etatik 19:00ak bitartean informazio gune bat izango da eta horrekin batera, Hiri Mugikortasun Iraunkorrerako Planaren inguruko erakusketa bat ere. Bukatzeko, bizikleten mantenua egiten ikasteko tailer bat antolatu dute eta bertan, konponketa txikiak egiteko aukera ere izango da. Ibilaldiak azken egunean Europako Mugikortasun Iraunkorraren Asteari bukaera emateko asmoz, hilaren 23an igandearekin txirrinda ibilbidea antolatu du udalak. Hala, goizeko 10:00etan abiatuko dira interesatuak Zabaltza plazatik eta bidegorrietan eta oinezkoentzat lehentasuna duten 30km orduko guneetan ariko dira. Era berean, errepide heziketarako zirkuitua izango da Colon [...]
Irungo Udaleko Mugikortasun eta Ingurumen ordezkariak, Cristina Laborda eta Miguek Angel Paez hurrenez hurren, Europako Mugikortasun Iraunkorraren Astea aurkeztu dute gaur goizean. Kanpaina irailaren 17tik 23ra bitartean luzatuko da eta Labordak ziurtatu duenez, “egunerokoan pauso garrantzitsuak” eman diren arren, “kontzientziazio orokorra bultzatzea beharrezkoa da”.
Horiek horrela, hilaren 17tik 21era bitartean Eskola Bidea ekimena bultzatuko da. Horren arabera, hitzordu bat finkatzen da eta umeak oinez joaten dira eskolara, aldez aurretik hitzartutako ibilbidea jarraituz eta arduradun batek lagunduta. Udaleko ordezkarien arabera, “era horretan autonomia, ardura eta sozializazioa garatu ahal dute”.
Hamaika ekimen
Larunbatean hilaren 22an bestalde, helduei zuzendutako bizikletan segurtasunez ibiltzen ikasteko ikastaroa izango da, Osinbiribileko bidegorrian (10:00). Arratsaldean aldiz, haurrentzako marrazki lehiaketa antolatu dute, 16:30etik aurrera Zabaltza plazan.
Halaber, 16:00etatik 19:00ak bitartean informazio gune bat izango da eta horrekin batera, Hiri Mugikortasun Iraunkorrerako Planaren inguruko erakusketa bat ere.
Bukatzeko, bizikleten mantenua egiten ikasteko tailer bat antolatu dute eta bertan, konponketa txikiak egiteko aukera ere izango da.
Ibilaldiak azken egunean
Europako Mugikortasun Iraunkorraren Asteari bukaera emateko asmoz, hilaren 23an igandearekin txirrinda ibilbidea antolatu du udalak. Hala, goizeko 10:00etan abiatuko dira interesatuak Zabaltza plazatik eta bidegorrietan eta oinezkoentzat lehentasuna duten 30km orduko guneetan ariko dira.
Era berean, errepide heziketarako zirkuitua izango da Colon ibildean, 10:00etatik 14:00ak arte. Bestalde, motor eta bizikleta elektrikoen gaineko erakusketa ikusgai egongo da Zabaltza plazan, Hiri Mugikortasun Iraunkorrerako Planaren gaineko erakusketarekin batera.
Igandeko ekimenak medio, Gipuzkoa hiribidearen eta Iparralde etorbidearen arteko Colon ibilbideko zatia itxita egongo da, 09:00etatik 15:00etara bitartean.
