Patroi onenaren saria bitan irabazten lehena izan daiteke Ioseba Amunarriz
Ioseba Amunarriz hondarribitarrak TKEk antolatzen duen San Miguel Ligako Patroi Onenaren saria irabaz dezake asteburuan, 2009an lortutakoa errepikatuz. Horretarako, duen aldeari eutsi egin behar dio Bermeo eta Portugaleteko estropadetan. Amunarrizek 3 ...
Ioseba Amunarriz hondarribitarrak TKEk antolatzen duen San Miguel Ligako Patroi Onenaren saria irabaz dezake asteburuan, 2009an lortutakoa errepikatuz. Horretarako, duen aldeari eutsi egin behar dio Bermeo eta Portugaleteko estropadetan. Amunarrizek 3 puntuko aldea ateratzen dizkie San Pedroko Juan Carlos Fontan eta Kaikuko Cristian Garma eta Jon Arroquero patroiei —24 puntu ditu Amunarrizek eta 21 Fontan eta Garma/Arroquerok).
Estropada bakoitzean epaileek sei puntu banatzen dituzte, hiru patroi onenari, bi bigarrenari eta puntu bat hirugarrenari. Orain arte azaldu duen erregulartasuna berretsiz gero, igandean maillot gorria jantziko du Ama Guadalupekoa traineruko patroi hondarribitarrak.
2008tik ospatzen da patroi onenaren saria. Orain arte inork ez du bitan saria irabazi; hortaz, Amunarriz izan daiteke bitan irabazten lehena. Saridunen artean beste hondarribitar bat dago, Aitor Carrillo; Orio Arraun Elkartearen ontziko gidari bezala lortu zuen Carrillok patroi onena izatea, 2010ean.
Patroi onenaren sariko orain arteko irabazleak
- 2008: Irakoitz Etxeberria (Orio).
- 2009: Ioseba Amunarriz (Hondarribia).
- 2010: Aitor Carrillo (Hondarribia).
- 2011: Asier Zurinaga (Kaiku).
