Ohorezko Mailan mantentzeko xedea
Lau denboraldi egin ditu Touringek Erregional Preferentean, eta maila hori ez dela bere tokia erakusteko ordua iritsi zaio. Maila berria, helburu berriak eta horri aurre egiteko aurpegi berriak izango ditu. Egoitz Mendizabal Touringeko Kirol zuzendariaren arabera, aurten helburua Ohorezko Mailan mantentzea izango da, eta gero hortik aurrera zer egin denboraldiak markatuko duela iritzi dio, helburuaren koska igo ala ez. Xede hori lortzeko jokalariak eta entrenatzailea dira gakoa. Aurten Manu Merino izango da entrenatzailea, Real Union Btik ekarria. Mendizabalek gustuko du bere lan egiteko modua: “Entrenamenduetan intentsitate asko sartzen du, eta taktikoki ere nire ideiak dituen entrenatzailea da. Taldean ondo integratzen bada lan polita egin dezake”. Bestetik, jokalariak daude. Hilabete hasieran aurkeztu zuten talde osoa, eta horien artean 11 dira Touringek fitxatu dituen jokalariak. Jokalari berriak Antiguoko, Reala, Pasaia zein Beti Onatik taldeetatik etorri dira, eta garrantzitsutzat jo du Kirol zuzendariak horiek taldera ondo moldatzea. Oro har, “bloke gaztea” mantendu dutela azaldu du Kirol zuzendariak: “Hiru beterano mantendu ditugu, laugarren bat Pasaiatik fitxatu dugu, eta gainontzeko guztiak 25 urtetik beherakoak dira”. Gaineratu duenez, “zailtasunak gainditu eta jokatzen zentratuz gero, taldea lehiatzeko prest egon daiteke”. Hain zuzen, zailtasun ugari izango dituzte maila berrian. Beste taldeen esperientzia izango da nagusiena: “Kanpora joan eta [...]
Lau denboraldi egin ditu Touringek Erregional Preferentean, eta maila hori ez dela bere tokia erakusteko ordua iritsi zaio. Maila berria, helburu berriak eta horri aurre egiteko aurpegi berriak izango ditu.
Egoitz Mendizabal Touringeko Kirol zuzendariaren arabera, aurten helburua Ohorezko Mailan mantentzea izango da, eta gero hortik aurrera zer egin denboraldiak markatuko duela iritzi dio, helburuaren koska igo ala ez.
Xede hori lortzeko jokalariak eta entrenatzailea dira gakoa. Aurten Manu Merino izango da entrenatzailea, Real Union Btik ekarria. Mendizabalek gustuko du bere lan egiteko modua: “Entrenamenduetan intentsitate asko sartzen du, eta taktikoki ere nire ideiak dituen entrenatzailea da. Taldean ondo integratzen bada lan polita egin dezake”.
Bestetik, jokalariak daude. Hilabete hasieran aurkeztu zuten talde osoa, eta horien artean 11 dira Touringek fitxatu dituen jokalariak. Jokalari berriak Antiguoko, Reala, Pasaia zein Beti Onatik taldeetatik etorri dira, eta garrantzitsutzat jo du Kirol zuzendariak horiek taldera ondo moldatzea.
Oro har, “bloke gaztea” mantendu dutela azaldu du Kirol zuzendariak: “Hiru beterano mantendu ditugu, laugarren bat Pasaiatik fitxatu dugu, eta gainontzeko guztiak 25 urtetik beherakoak dira”. Gaineratu duenez, “zailtasunak gainditu eta jokatzen zentratuz gero, taldea lehiatzeko prest egon daiteke”.
Hain zuzen, zailtasun ugari izango dituzte maila berrian. Beste taldeen esperientzia izango da nagusiena: “Kanpora joan eta ikusten dituzunean jokalari horiek zu baino helduagoak direla, beldurra izan dezakezu, baina espero dut horrelakorik ez gertatzea”.
Hala ere, aldeko alderdiak ere izango ditu Touringek, batetik maila bat gorago jokatzeko motibazioa, eta batik bat, zelaia: “Fanderiak, gure zelaiak, izan behar du gure puntu indartsuetako bat. Iaz, maila bat baxuagoan egonda, ikusleen batez bestekoa 400ekoa bazen, aurten handitu egin behar da hori. Horrez gain, zelaiaren dimentsio eta belarrera eginda gaude”. Egun ia 500 bazkide ditu Touringek.
Aurrera Ondarroa
Denboraldia ongi hasteko lehenengo partida irabaztea komeni zaio Touringi: “Iaz 30 partidetatik 23 irabazi genituen, eta aurten ere lehen partida irabazita psikologikoki aurrerapauso handia litzateke. Hala ere, galdu edo berdinduz gero ere ez da izango munduaren amaiera”.
Lehen partida etxean izango du Aurrera Ondarroaren kontra, larunbatean, 16:30ean, Fanderian. Mendizabalen arabera, azken urteetan eta baita denboraldi honetan ere hainbat jokalari joan zaizkie taldetik, baina ez dakite nolako taldea izango duten aurrean.
Harrobia
Erregional Preferentean egon den urteetan harrobiak “beherakada garrantzitsua” izan duela onartu du Mendizabalek, baina iaz zuzendaritzaren aldaketarekin arlo horretan lan handia egin zutenez, pixkanaka indarra hartzen ari dela esan du. Iaz futbol eskolan 80 gaztetxo ibili ziren, eta aurten kopuru hori gainditzea espero dute. “Etorkizun hori ondo zaindu behar dugu”, zehaztu du.
Bigarren Erregionalean eta Gazteen Lehen Mailan eta Gazteen Ohorezko Mailan asmoa maila ona ematea da, eta lehenengo talderako jokalariak sortzea. Gainontzekoei dagokionez, Kadete Mailan itxaropena daukate taldea mailaz igotzeko.
Neskak, berriz, aurten lehenengoz Gazteen Euskal Ligan egongo direla azaldu du, eta Oiartzun erreferentea den arren, eurekin lehiatzen saiatuko direla.
