Irailaren 14tik 16ra bitartean Expogrow azoka izango da Ficoban. Egitaraua: Irailak 14: 11:00 Azokaren irekiera ekitaldia 11:00 Kannabia Graffiti Show, 20:00ak bitartean 11:00-13:30 Kannabisaren Nazioarteko I. Foroa: Kannabisa, gizartea eta zuzenbidea 12:00 Canna X-treme: Amateur, street eta aldapan. Aldi berean, Khalada Comic: Kinki Bwoyk komikiak sinatuko ditu 13:30 Artx Company Circ: malabaristak… 16:30 Artx Company Circ: monozikloak… 16:00-18:30 Kannabisaren Nazioarteko I. Foroa: Kannabisa eta osasuna 17:30 Khalada comic: Ariel Olivettik komikiak sinatuko ditu 17:30 Herri kirolak 18:30 Artx Company Circ: aireko dantza… 19:00 Kontzerturako ateen irekiera 20:00 Azokaren itxiera 21:00 Kontzertua: Mademoiselle K 22:15 Kontzertua: Los del gas 23:30 Kontzertua: Marea Irailak 15 11:00 Azokaren irekiera 11:00 Kannabia Graffiti Show, 20:00ak bitartean 11:00 – 13:30 Kannabisaren Nazioarteko I. Foroa: Esperientziak eta araupen moduak 12:00 Canna X-treme: Pro, street eta aldapan. Aldi berean, Khalada Comic: Jose Fonollosak komikiak sinatuko ditu 13:30 Artx Company Circ: malabaristak… eta Herri Kirolak 14:30 Kontzertua_ Guadalupe plata 16:00 Canna X-treme: Amateur finala, street eta aldapan. 16:00-18:30 Kannabisaren Nazioarteko I. Foroa: Ondorioak eta proposamenak 16:30 Artx Company Circ: aire dantza… 18:00 Herri kirolak eta Khalada Comic: Ariel Olvettik komikiak sinatuko ditu. Aldi berean, hidroponiari buruzko seminarioa 18:30 Kontzertua: Guadalupe Plata eta aldi berean, Artx Company Circ: malabareak, argia eta sua. 19:00 Kontzertuko ateen irekiera 20:00 Azokaren [...]
Ertzaintzak aste honetan jakinarazi duenez, iragan astean emakume bat bortxatzen saiatu zen 40 urteko gizona Martuteneko espetxean dago astelehenetik, hiru sexu delitu leporatuta. Epaileak larunbatean aske uztea erabaki zuen arren, Ertzaintzak berriz ere atxilotu zuen igandean. Izan ere, beste eraso baten ustezko egile gisa identifikatu zuen Irungo beste emakume batek. Eusko Jaurlaritzaren Herrizaingo Sailaren arabera, ostegun gauean 21:30ak aldera emakumea txakurra paseatzen ari zela hurbildu zitzaion gizona. Elkar ezagutzen zuten arren, gizonak sexu mailako irainak egin zizkion eta emakumea alde egiten saiatu zenean, ukituak egin zizkiola salatu du biktimak. Hiru eraso Irunen Azken salaketa horrekin hiru dira dagoeneko ustezko bortxatzaileari leporatutako sexu delituak. Izan ere, ostiral goizaldean emakume bat bortxatzen saiatzen ari zenean, beste emakume bati esker atxilotu zuen Ertzaintzak. Ustezko bortxatzaileak sexu delituengatik aurrekariak izan arren, hurrengo egunean bertan epaiketaren zain aske uztea erabaki zuen epaileak. Horiek horrela, azken salaketarekin hiru dira gizonak egindako ustezko delituak. Ertzaintzaren arabera, gizona Irungo bizilaguna da eta 40 urte ditu, bere pertsonaren inguruko datu gehiagorik azaldu ez duen arren. Herritarren kontzentrazioa Txingudi Antisexista (TAS) koordinadorak erasoa salatzeko helburuarekin kontzentrazioa deitu zuen astelehen arratsaldean. Hala, ostiral goizeko erasoa gertatu zen leku berean, Juan de la Cruz kalean —HAZ bulegoaren ondoan—50 lagun inguru bildu ziren. [...]
Lau denboraldi egin ditu Touringek Erregional Preferentean, eta maila hori ez dela bere tokia erakusteko ordua iritsi zaio. Maila berria, helburu berriak eta horri aurre egiteko aurpegi berriak izango ditu. Egoitz Mendizabal Touringeko Kirol zuzendariaren arabera, aurten helburua Ohorezko Mailan mantentzea izango da, eta gero hortik aurrera zer egin denboraldiak markatuko duela iritzi dio, helburuaren koska igo ala ez. Xede hori lortzeko jokalariak eta entrenatzailea dira gakoa. Aurten Manu Merino izango da entrenatzailea, Real Union Btik ekarria. Mendizabalek gustuko du bere lan egiteko modua: “Entrenamenduetan intentsitate asko sartzen du, eta taktikoki ere nire ideiak dituen entrenatzailea da. Taldean ondo integratzen bada lan polita egin dezake”. Bestetik, jokalariak daude. Hilabete hasieran aurkeztu zuten talde osoa, eta horien artean 11 dira Touringek fitxatu dituen jokalariak. Jokalari berriak Antiguoko, Reala, Pasaia zein Beti Onatik taldeetatik etorri dira, eta garrantzitsutzat jo du Kirol zuzendariak horiek taldera ondo moldatzea. Oro har, “bloke gaztea” mantendu dutela azaldu du Kirol zuzendariak: “Hiru beterano mantendu ditugu, laugarren bat Pasaiatik fitxatu dugu, eta gainontzeko guztiak 25 urtetik beherakoak dira”. Gaineratu duenez, “zailtasunak gainditu eta jokatzen zentratuz gero, taldea lehiatzeko prest egon daiteke”. Hain zuzen, zailtasun ugari izango dituzte maila berrian. Beste taldeen esperientzia izango da nagusiena: “Kanpora joan eta [...]
Larunbatean Treku jatetxean afaltzen dutenek, umorezko bakarrizketekin gozatzeko aukera izango dute. The Rolling Bufones hirukoteak eskainiko dizkie bakarrizketak bertaratzen direnei. Asun Serra, Freddy Serendipity eta Marcos Felixek osatzen dute hiruk...
Ana Konpañon eta Santi Angulo. Duela hilabete batzuk Oreretako Eroski supermerkatuko apaletan Euskal Herria esnea ikusi genuen eta huraxe probatzea erabaki genuen. Ona iruditu zitzaigunez, hainbat astetan esne hori kontsumitu genuen, bat-batean esne h...
Hainbat ekitaldi egingo dituzte egunean zehar, eta horien artean goizeko bizikleta martxa prestatu dute Oiartzungo Udalak eta Gipuzkoako Parketxe Sareak, Arditurri Bide Berdearen I. Eguna antolatu dute iganderako, hilaren 16rako. Hainbat ekitaldi izango dira egunean zehar, tartean bizikleta martxa. Herriko hainbat elkarteren laguntza izan du udalak jaia antolatzeko, hala nola: Girizia, Lartaun zikloturista taldea eta Ttak. Garai batean Arditurriko meategietatik Pasaiako portura mea garraiatzeko erabiltzen zen trenbidea murgilduko da jai giroan. Eguna hasteko, Arditurriko I. Bizikleta Martxa izango da. 10:00etan hasiko da, Doneztebe plazatik eta sei kilometroko bidearen ondoren, Arditurrin bukatuko da ibilbidea. Bizikleta martxan parte hartu nahi dutenek, hamabost minutu lehenago egon beharko dute plazan. Udalak zehaztu duenez, ibilbide erraza da, adin guztietako txirrindularientzako egokia, baina zenbait ohar eman ditu: «Kaskoa eramatea beharrezkoa da eta argia eramatea ere gomendagarria da». Helmuga Arditurriko meategian egongo da, eta bizikleta gordailu zerbitzua jarriko dute bertan. Plazan elkartzen diren lehen 250 lagunek pintxoa eta edaria doan izango dute gero helmugan. Eta parte hartzaileen artean hainbat opari zozkatuko dituzte 12:00etan. Martxaz gain, beste hainbat ekintza ere izango dira egunean zehar. Goizean, meategiak prezio murriztuan bisitatu ahal izango dira: «Oinarrizko bisita eta sakonekoa ere prezio murriztuan egin ahal izango dira». Gaztetxoek, hainbat jolasetan aritzeko aukera [...]
Irungo Udaleko Berdintasun Batzordeak emakumeen aurkako indarkeria gaitzesteko hileroko elkarretaratzea deitu du, larunbatean Zabaltza plazan (12:00). Batzordeak “herritarrek genero indarkeriaren biktima guztiekin bat egin dezaten” eskatu du, “jendaurrean erasotzaileekiko gaitzespena eta errefusatzea” erakusteko helburuarekin. Emakumeenganako indarkeriarik ez lelopean “tratu txar mota guztiak arbuiatu nahi dira, nola etxe barruan, hala bide publikoan” gertatzen direnak.
Bera Bera Patineskolak klaseak emango ditu ostegunero, Artaleku kiroldegian. Eskolatik jakinarazi dutenez, lau talde osatzeko aukera dago: 10 urte azpiko umeak alde batetik, eta heldu hasiberriak bestetik. Horrez gain, hobekuntza mailakoak eta 11-15 urte arteko gaztetxoak ere ikasteko aukera izango dute. Informazio gehiagorako: patineskola@berabera.com edo 605728412 telefonoan.
Helduei eta txikiei trikitixa eta panderoa jotzen ikasteko ikastaro berria abiatu du Auntxa Trikitixa Eskolak. Klaseak astean behin eta ordubetekoak izango dira eta klaseez gain, emanaldi bereziak prestatzeko taldekako saio bereziak izango dira. Horrez gain, ikasteko garaian metodologia desberdinak erabiltzen ditu eskolak ikasleen gaitasunak eta ezagutzak garatzeko asmoarekin. Hala, zenbakien bitartez, aurrez aurre edo solfeo bidezko metodoak erabiltzen dira. Izena emateko interesa dutenak 943 618839 edo 615790510 telefono zenbakietara dei dezakete.
Bihar, Errenteriako Udalak Errepublikako azken Udalbatza omenduko du, 19:00etan udaletxeko areto nagusian. Tartean, Serapio Mendarte EAJko zinegotzia izandakoa dago. Bere alaba Miren Mendarteri (Errenteria, 1929) egindako elkarrizketa argitaratuko du b...
Jose Luis Insaustiren bildumako erraldoien eta buruhandien errepliken zein argazkien erakusketa Kultura Aretoan egongo da ikusgai, hilaren 14ean hasita eta 28ra arte egongo da zabalik, 11:00etatik 14:00etara eta 17:00etatik 20:00etara.
Mendebaldeko Saharako herritarrei elkartasuna adierazteko, igandean lasterketa egingo dute: Sahara Korrika. Udalak gogorarazi duenez, hiru hamarkada daramatzate erbestean sahararrek, Marokok euren lurraldea militarrek okupatu zuenetik, eta euren eskubi...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
