Koruaz gain, ikastaroak ere Beti Bizkorren
Joan den astean eman zuen Beti Bizkorrek Maialen koruaren gaineko informazioaren berri, baina horrez gain, 2012-2013ko ikasturtean eskainiko dituen ikastaroak ere zeintzuk izango diren jakinarazi du: antzerkia, kantua, areto dantzak, frantsesa, ingeles...
Joan den astean eman zuen Beti Bizkorrek Maialen koruaren gaineko informazioaren berri, baina horrez gain, 2012-2013ko ikasturtean eskainiko dituen ikastaroak ere zeintzuk izango diren jakinarazi du: antzerkia, kantua, areto dantzak, frantsesa, ingelesa, euskara, adimena lantzeko eskolak, marrazketa artistikoa, sortze pintura, soinekogintza, joste lanak, saskigintza, mantenu gimnasia, joga, tai chi, wing chun eta informatika.
Ikastaroetara joan ahal izateko izena eman beharko da Beti Bizkorren bulegoan, astelehenetik ostiralera, 11:00etatik 13:00etara. Iaz izan ziren bazkideei automatikoki zerrendaratuko dituzte.
Halaber, aurten ikastaroak merkeagoak izango direla jakinarazi du, horiek Gizarte Zerbitzu Sailak diruz lagunduko baititu.
Bingo saioak
Eskaintza gehiago zabaldu du, eta asteartero ere bingo saioak izango dira egoitzan bertan, 18:30ean 20:30era. Horrez gain, hamabost egunean behin, irteerak egingo dituzte inguruko txokoetara. Azkenik, zibergelak ere ikastaroak martxan jarri dituela jakinarazi du.
