Ostegunean jarriko da martxan Errenteria Musikal
Errenteria Musikal musika eta dantza eskolak ostegunean hasiko du ikasturtea, baina bihar bertan, ikasleek bakoitzak aukeratu duen musika tresnaren klasearen ordua finkatzera joan beharko dute 17:00etatik 20:00etara. Bestalde, dantzako, musika hizkuntz...
Errenteria Musikal musika eta dantza eskolak ostegunean hasiko du ikasturtea, baina bihar bertan, ikasleek bakoitzak aukeratu duen musika tresnaren klasearen ordua finkatzera joan beharko dute 17:00etatik 20:00etara. Bestalde, dantzako, musika hizkuntzako eta musika eta mugimenduko ordutegiak ekainean argitaratu zituzten, eta ikastetxean bertan ikus daitezke.
Berritasunei dagokionez, 12 orduko txalaparta ikastaroa prestatu dute. Ixiar Jauregik emango du eta urriaren 2tik abenduaren 18ra arte izango da. Hilaren 21era arte dago izena emateko aukera eskolako bulegoan, astelehen, asteazken eta ostiraletan, 07:00etatik 14:30era eta astearte eta ostegunetan 07:00etatik 17:30era.
