Kiroldegiko ikastaroetan izena emateko epea zabalik dago
Donibaneko Kiroldegiak ikastaroak antolatu ditu aurtengo ikasturterako, eta bertan izena emateko epea zabalik dago jadanik. Donibane Eskubaloiak —kiroldegiaren kudeatzaileak— esan duenez, prezioak “oso baxuak” izango dira. Horrela, ohik...
Donibaneko Kiroldegiak ikastaroak antolatu ditu aurtengo ikasturterako, eta bertan izena emateko epea zabalik dago jadanik. Donibane Eskubaloiak —kiroldegiaren kudeatzaileak— esan duenez, prezioak “oso baxuak” izango dira.
Horrela, ohiko jarduerez gain, beste batzuk eskainiko dituzte astegunetan. Aerobica astelehen, asteazken eta ostiraletan egiteko aukera izango da, goizez zein arratsaldez. Sabel dantza ostiral arratsaldean egingo dute, eta euskal dantzak asteazkenetan.
Pilates, berriz, astelehen eta asteazken arratsaldetan emango dute, baita astearte eta ostegun goizetan ere. Asteartetan saloi dantzen txanda izango da, eta ostegunetan jogarena. Horrez guztiaz gain, haurrenk judoa edota aerobica egin dezakete.
Bazkide direnek 15,10 euro ordaindu beharko dute hilero (21,60 euro ez direnek). Kiroldegiko kudeatzaileek jakinarazi dutenez, interesatuek saio bat izango dute proba egiteko, inolako konpromiso eta ordainketarik gabe.
Berritasun modura, Donibaneko Kiroldegiko bazkideek Lezo, Oiartzun zein Errenteria-Oreretako igerilekuetan doan sartzeko aukera izango dute urritik abendura. Horretarako izena ematean emango zaien txartela erakutsi beharko dute.
Izena emateko edo informazioa jasotzeko, kiroldegitik pasatu daitezke interesa dutenek. Bestela, 943 34 04 23 telefono zenbakira deitu daiteke bestela, edo kiroldegia@hotmail.com posta elektronikora mezu bat bidali daiteke. Pasaiako Udal Kiroldegiaren Facebook orrialdean ere jaso daiteke informazioa.
