Haurrek hasi dute festa
Bihar emango zaie hasiera ofiziala Hondarribiko Jai Nagusiei, baina haurrek ez dute nahi izan biharko egunaren zain egon eta, nagusiei aurrea hartuz, txupina bota eta festan murgildu dira. Goizeko hamaiketan hasi da txikien zoramena, udaletxeko balkoit...
Bihar emango zaie hasiera ofiziala Hondarribiko Jai Nagusiei, baina haurrek ez dute nahi izan biharko egunaren zain egon eta, nagusiei aurrea hartuz, txupina bota eta festan murgildu dira. Goizeko hamaiketan hasi da txikien zoramena, udaletxeko balkoitik hamarnaka puxika askatu eta konfetiak jaurti dituztenean.
Ondoren entzierroa korritzeko aukera izan dute, hori bai, tradizioak agintzen duen bezala, hiru aldiz abestu diote San Fermini lehenik. Hirugarrenez “Gora San Fermin” oihukatu dutenean, askatu dituzte sei zezenak. Nafarroatik etorritako animaliek izua eragin dute Kale Nagusian gora hasitako ibilbidean zehar, baina, osasun arduradunek ez dute adarkadaz zauritutako inoren berri eman.
Arratsaldean gazteen txanda izango da. Gazte Asanbladak antolatuta Bikingoen lehorreratzea izango da Bidasoan. 10:00etan hasiko da, baina bi ordu lehenagotik muntaketa tailerra jarriko dute Uxoa tabernaren pareko hondartzan, besteak beste, bikingo koadrilek sortutako ontzien flotagarritasuna handitzen eta azken unean izena eman nahi dutenei laguntzeko.
