PSE-EEk herrian bertan erostera animatu ditu errenteriarrak
Krisia gogor jotzen ari da azkenaldian, eta Errenteria-Oreretari “ahalik eta gutxien eragiteko” hainbat neurri proposatu ditu PSE-EEk. Hala nola, herritarrei “ahal duten neurrian” euren erosketak “herrian bertan edo eskual...
Krisia gogor jotzen ari da azkenaldian, eta Errenteria-Oreretari “ahalik eta gutxien eragiteko” hainbat neurri proposatu ditu PSE-EEk. Hala nola, herritarrei “ahal duten neurrian” euren erosketak “herrian bertan edo eskualdean” egiteko eskatu die Jose Angel Rodriguez bozeramaileak, “merkataritza jarduera eta lanpostuak mantentzen laguntzeko”.
Udal gobernuarengana ere zuzendu da, eta lehiaketa publikotik kanpo dauden materialak zein zerbitzuak erosterako garaian herriko enpresetara jotzeko eskatu dio, “beti ere prezioak kontuan izanda”.
Merkataritza eta herriko enpresen alde egiteko ere galdegin dio, eta elkarrekin hainbat ekintza berritzaile egiteko proposatu dio, horren bidez “herriko merkataritza sustatu, indartu eta dinamizatzeko”. Izan ere, “garapen sozio-ekonomiko eta enplegu garapenerako iturri garrantzitsua” dela iritzi dio.
Elkarlana
Era berean, herriko enpresa eta merkatariei elkarlanerako deia egin die, “batik bat lanpostuak mantentzerako garaian”. Horrekin batera, formula “berritzaileak eta erakargarriak” bilatzeko eskatu die Rodriguezek.
