Josetxo Etxandin 15era arte eman dezakete izena gazteenek
Josetxo Etxandi Oroitaldiaren 38. ekitaldian parte hartu nahi duten helduek, asteartera arte daukate izena emateko epea. Txingurri tabernatik pasatu beharko dute, hamasei urtetik gora dituzten pilotariek. Gaztetxoek eta haurrek, berriz, abuztuaren 15er...
Josetxo Etxandi Oroitaldiaren 38. ekitaldian parte hartu nahi duten helduek, asteartera arte daukate izena emateko epea. Txingurri tabernatik pasatu beharko dute, hamasei urtetik gora dituzten pilotariek.
Gaztetxoek eta haurrek, berriz, abuztuaren 15era arte eman dezakete izena. Gaztetxoen Maila 1997 eta 1999 urteen artean jaiotakoek osatuko dute, eta haurrena, 2000. urtean edo hortik aurrera sortutakoek.
Aurten, baina, berritasun bat izango du oroitaldiak. Izan ere, parte hartzeko orain arte zeuden bi baldintzetako bat aldatuko da. Bikoteetako kide bat federatuta egon daitekeela jakinarazi du Allerru Pilota Taldeak. “Lezon gaur egun gazte federatu batzuk badira, eta jokatu gabe uztea gogorra iruditu zaigu. Baldintza hori aldatzea erabaki dugu”, esan du Xabi Askasibar antolakuntzako kideak. Beste baldintza lezoarra izatea da.
Guztira, bederatzi lagunek hartzen dute parte oroitaldiaren antolakuntzan.

