Harrobiak estabilizatutako zabor fardoen biltegi gisa ez erabiltzeko EAJren mozioak aurrera egin du
EAJk herriko hainbat harrobi eta meategi estabilizatutako zabor fardoen biltegi kontrolatu gisa ez erabiltzeko aurkeztutako mozioak aurrera egin zuen atzoko plenoan PSE-EE, PP eta EAJren aldeko botoekin. Bildu koalizioko zinegotziek eta Errenteriako Ezkerrakoak abstentzioa bozkatu zuten. Mozioak, joan den hilabetean Ingurumen diputatuak eta Gipuzkoako Hondakinen Partzuergoko presidenteak Batzar Orokorretan, degradatutako guneak berreskuratzeko estabilizatutako zabor fardoen biltegi kontrolatuak sortzeko egindako proposmenari erantzun nahi diola azaldu zuen EAJren bozeramaile Maite Peñak. Mozioaren alde egiteko hiru arrazoi eman zituen ondoren: “Indarrean dagoen hondakinen kudeaketa sistemarekin ados izatea, izango litzateke gure taldeak aurkeztu duen mozioarekin bat egiteko lehenengo arrazoia. Batzar Orokorretan egindako propsamenak Europako araudia betetzen ez duela litzateke bigarrena,eta azkena,eta gure taldearentzat garrantzitsuena,Errenteriak San Marko zabortegiarekin zegokion kupoa sobrea bete duela uste dugula litzateke”. Errenteriako Ezkerra taldeko zinegotzi Jose Manuel Ferradasen ustez, “kirats elektorala” zuen EAJren mozioak . “Bosgarren aldia da hondakinen gaineko mozioa azatertzen dugula eta hemendik azarora bitartean ordurako aurreikusten baitira hauteskundeak , gehiago izango ditugula argi dago”, gaineratu zuen. Ferradasen iritziz,gaiaren gainean aurrera egitea litzateke gakoa,”adostasunak aurkitze aldera”. Horren harira, gaiaren gainean hitz egiteko deia luzatu zien alderdi politikoei eta baita herritarrei ere. Garazi Lopez Etxezarreta Bilduko bozeramaileak ildo beretik egin zuen eta hondakinen gaiaren “erabilera politikoa” egin nahi dela [...]
EAJk herriko hainbat harrobi eta meategi estabilizatutako zabor fardoen biltegi kontrolatu gisa ez erabiltzeko aurkeztutako mozioak aurrera egin zuen atzoko plenoan PSE-EE, PP eta EAJren aldeko botoekin. Bildu koalizioko zinegotziek eta Errenteriako Ezkerrakoak abstentzioa bozkatu zuten.
Mozioak, joan den hilabetean Ingurumen diputatuak eta Gipuzkoako Hondakinen Partzuergoko presidenteak Batzar Orokorretan, degradatutako guneak berreskuratzeko estabilizatutako zabor fardoen biltegi kontrolatuak sortzeko egindako proposmenari erantzun nahi diola azaldu zuen EAJren bozeramaile Maite Peñak. Mozioaren alde egiteko hiru arrazoi eman zituen ondoren: “Indarrean dagoen hondakinen kudeaketa sistemarekin ados izatea, izango litzateke gure taldeak aurkeztu duen mozioarekin bat egiteko lehenengo arrazoia. Batzar Orokorretan egindako propsamenak Europako araudia betetzen ez duela litzateke bigarrena,eta azkena,eta gure taldearentzat garrantzitsuena,Errenteriak San Marko zabortegiarekin zegokion kupoa sobrea bete duela uste dugula litzateke”.
Errenteriako Ezkerra taldeko zinegotzi Jose Manuel Ferradasen ustez, “kirats elektorala” zuen EAJren mozioak . “Bosgarren aldia da hondakinen gaineko mozioa azatertzen dugula eta hemendik azarora bitartean ordurako aurreikusten baitira hauteskundeak , gehiago izango ditugula argi dago”, gaineratu zuen. Ferradasen iritziz,gaiaren gainean aurrera egitea litzateke gakoa,”adostasunak aurkitze aldera”. Horren harira, gaiaren gainean hitz egiteko deia luzatu zien alderdi politikoei eta baita herritarrei ere.
Garazi Lopez Etxezarreta Bilduko bozeramaileak ildo beretik egin zuen eta hondakinen gaiaren “erabilera politikoa” egin nahi dela nabarmendu zuen: “Eseri eta gai honek behar duen irtenbide integralari buruz hitz egin behar dugu, gizartearekin partekatu eta ez mozio puntualekin arazoen konponbideari ateak itxi. Udalbatza honen ardura da alderdi politikoen eta gizartearen arteko eztabaida prozesua zabaltzea hondakinen gaiaren gainean”.
EAJk mozioan aipatutako hainbat harrobi Errenterian ez daudela eta horietako beste batzuk dagoeneko “berrituta” daudela nabarmendu zuen bestalde Julen Mendoza alkateak: “Izan ere Arkaitz handi berrituta dago, Irisa ere, eta Txoritokieta eta Arkaitz txiki berriz, Astigarraga eta Donostian kokatuta daude, hurrenez hurren”. Halako mozioekin “alarmismoa” sortzen dela gaineratu zuen Mendozak bestalde, eta gaiaren gainean egiten den erabilera politikoa nabarmendu zuen berak ere, eta “zuhurtasuna” eta “ardura” eskatu zien alderdiei. Amaitzeko,gogora ekarri zuen Ingurumen Aholku Kontseiluak, Ingurumen zinegotziak proposatuta, hondakinen gaia landuko duen eztabaidarako ekimena abiatuko duela irailean.

