Stop Kaleratzeei, sinadura bila
Hondarribiko San Pedro kalean eta Butroi pasealekuan mahaiak jarriko dituzte bihar Bidasoko Stop Kaleratzeei herri plataformak sinadurak bilduko ditu bihar, goizez eta arratsaldez, Hondarribian. Prozedura Zibilen Legea aldatzeko sinadurak bildu nahi di...
Hondarribiko San Pedro kalean eta Butroi pasealekuan mahaiak jarriko dituzte bihar
Bidasoko Stop Kaleratzeei herri plataformak sinadurak bilduko ditu bihar, goizez eta arratsaldez, Hondarribian. Prozedura Zibilen Legea aldatzeko sinadurak bildu nahi dituzte, izan ere, lege hori aldatzeko aukera badago, baina aldaketa eskaera egiteko herritarren sinadurak behar dituzte. Goizean, San Pedro kalean jarriko dute sinadurak biltzeko mahaia, 12:00etatik 14:00etara. Arratsaldean, berriz, Butroi pasealekura mugituko dute ekimena: 17:30etik 21:00etara izango dira bertan.
500.000 sinadura
Espainiako Estatu osoan aurrera eramaten ari diren ekimena da Prozedura Zibilen Legea aldatzea eskatzen duena. Hala, aldaketa eskatzeko 500.000 sinadura bildu nahi dituztela iragarri dute, hiru helburu nagusirekin, Bidasoko Stop Kaleratzeei herri plataformako kideen arabera: «Ohiko etxebizitza batetik jabea kaleratu nahi dutenean, beti geldiaraztea; ordainketa eza bat-batean gertatu denean eta borondatezkoa ez denean, etxea banketxeari ordainetan ematea eta zorra kitatzea; eta kaleratutakoen etxebizitzetan alokairu soziala ezartzea, diru sarreren %30 baino baxuagoa».
