Ekaitza eta Illunbe izango dira aurtengo karmenetako protagonista nagusiak
20 urte bete ditu aurten Ekaitza Aisialdi Taldeak, eta 25 urte Trintxerpe Illunbe Arraun Elkarteak Gaur arratsean hasiko dira karmenak, eta astelehena bitartean murgilduko dira jaietan trintxerpetarrak. Aurtengo festetan barrutiko gizarte bizitzan eragile oso garrantzitsuak diren bi elkarte omenduko dituzte. Ekaitza Aisialdi Taldeak 20. urteurrena du, eta mende laurdena ospatzen ari da Trintxerpe Illunbe Arraun Elkartea. Horregatik protagonismo berezia izango dute aipatu bi elkarteek aurtengo karmenetan. Baina horiek biak ez dira izango omendutako bakarrak. Gaurko txupina jaurtitzeko ohorea Carmen Garcia Blanco eta Marcelo Costillas Nuñez senar emazteei egokitu zaie. Biak ariko dira alkate jardunean jaiak iraun bitartean. Protagonista gehiago badaude. Azken 25 urteetan emakumeen danborrada zuzendu duen Gema Truebak aurten hartuko du erretiroa, eta Maribel Mujikak hartuko dio lekukoa. Mister papera Iñaki Perezi, Xabi Goienetxeari eta Iñigo Olanori egokitu zaie aurten, eta Azkueneko damak Rebeca eta Lara Coentrao ahizpak, eta Paula Da Silva izango dira. Guztiei aitortza egingo diete gaur, 19:00etatik aurrera, alkateordetzan. Txupinazoa eta presoen aldeko karteladaren ondotik, jaietako lehen danborrada irtengo da kalera: danborrada tradizionala. Trintxerpeko karmenetan egunero daude danborradak. Bihar, esaterako, Azkueneko danborrada eta familia danborrada irtengo dira; etzi, berriz, emakumeen danborrada; eta etzidamu, arrantzaleena. Bihar, herri kirolak Bihar, berriz, euskal giroa nagusituko da Euskadi etorbidean. Trintxer [...]
20 urte bete ditu aurten Ekaitza Aisialdi Taldeak, eta 25 urte Trintxerpe Illunbe Arraun Elkarteak
Gaur arratsean hasiko dira karmenak, eta astelehena bitartean murgilduko dira jaietan trintxerpetarrak.
Aurtengo festetan barrutiko gizarte bizitzan eragile oso garrantzitsuak diren bi elkarte omenduko dituzte. Ekaitza Aisialdi Taldeak 20. urteurrena du, eta mende laurdena ospatzen ari da Trintxerpe Illunbe Arraun Elkartea. Horregatik protagonismo berezia izango dute aipatu bi elkarteek aurtengo karmenetan.
Baina horiek biak ez dira izango omendutako bakarrak. Gaurko txupina jaurtitzeko ohorea Carmen Garcia Blanco eta Marcelo Costillas Nuñez senar emazteei egokitu zaie. Biak ariko dira alkate jardunean jaiak iraun bitartean.
Protagonista gehiago badaude. Azken 25 urteetan emakumeen danborrada zuzendu duen Gema Truebak aurten hartuko du erretiroa, eta Maribel Mujikak hartuko dio lekukoa.
Mister papera Iñaki Perezi, Xabi Goienetxeari eta Iñigo Olanori egokitu zaie aurten, eta Azkueneko damak Rebeca eta Lara Coentrao ahizpak, eta Paula Da Silva izango dira. Guztiei aitortza egingo diete gaur, 19:00etatik aurrera, alkateordetzan.
Txupinazoa eta presoen aldeko karteladaren ondotik, jaietako lehen danborrada irtengo da kalera: danborrada tradizionala.
Trintxerpeko karmenetan egunero daude danborradak. Bihar, esaterako, Azkueneko danborrada eta familia danborrada irtengo dira; etzi, berriz, emakumeen danborrada; eta etzidamu, arrantzaleena.
Bihar, herri kirolak
Bihar, berriz, euskal giroa nagusituko da Euskadi etorbidean. Trintxer Elkarteak antolatuta, herri kirolak izango dira Azoka parean. 10:30ean, toka eta bote txapelketak izango dira eta 12:30etik aurrera aizkolariak. Ruben Saralegik, Rekondok eta Muguerzak erakustaldia egingo dute.
18:30etarako, berriz, sardina jatea eta sagardo dastaketa prestatu ditu Trintxerrek.
Etzi, krosak
Iganderako, ohikoa den bezala, Atletismoko XXIII. Julio Montoya Oroitaldia antolatuko du Klub Atletiko Trintxerpek. Helduen lasterketa bukatuta, haurren lasterketa egingo dute laugarrenez, Tratu ona nahi dut, pasa hitza lelopean. Haurren Eguna izango da igandekoa Trintxerpen.
Azkena, Karmengo Amarena
Pasaiako barrutiaren zaindariaren egunez bukatuko dira aurtengo Trintxerpeko jaiak. Arrantzaleak meza nagusian bilduko dira astelehen eguerdian, eta arratsaldean, ohi bezala, danborrak jotzen itsasoratuko dira arrantzaleak eta haien emazteak, Karmengo Amaren irudia beraiekin dutela.
Oharra. Jaietako egitaraua osorik ikusteko oarsobidasokojaiak.hitza.info webgunera sartu, edota Boga aldizkarira jo.


