«Guztiek badute zer eskertu, baina aldaketa noiz etorriko den zain daude»
Hondarribiko hiru ikasle Kubara abiatu ziren iragan asteko astelehenean, Elan Euskadi gobernuz kanpoko erakundearen lankidetzarekin irlako kanpamentu batean laguntza ematera. Telmo Basterretxea, Imanol Ilzarbe eta Aitor Lozano dira gazte hondarribiarrak. Elan Euskadik Kubara hainbat gai eramaten ditu, jostailuak eta liburuak besteak beste, kontenedoreetan. Mundu osotik ere proiektuak garatzen dituzte. Oraingo honetan Hondarribiko hiru gazteri Kubako kanpamentu batera laguntzera joateko aukera eman diete: «Asko pentsatu gabe baiezkoa eman genuen», esan dute. Ilusioa eta gogoa nabari da ikasleen hitzetan, eta gainera, mundu osotik hurbildutako brigadistekin esperientziak partekatzeko aukera izango dute hilabete batez. Aurreiritzi kontrajarriak Aste eta lau egun daramate hondarribiar gazteek Kuban. «Orri bat eman digute kanpamentuko egutegiarekin. Goizeko seiretan altxatu gara egunero landa eremuetan zitrikoak biltzeko. Gainera, eskola baten informea osatu behar dugu», azaldu dute. «Hemengo egoerak ez du hango aurreiritziekin bat egiten. Kubako herria asko estimatzen dugu eta jendea oso jatorra da. Guztiek badute zer eskertu, baina aho batez esanda, aldaketa noiz etorriko den zain daude. 1950eko hamarkadan gaudela dirudi», azaldu dute gazteek, irlan lehenengo egunak pasatu eta gero. Kubako dokumentala Hondarribiko Udalak, Elan Euskadirekin, hainbat proiektu garatzen ditu munduan zehar, eta Kubakoa gauzatzeko diru laguntza jasotzea espero dute, beka gazte solidarioen izenean ematen baitute. Hilabete pasata, Kubatik bueltan, ikusitakoa [...]
Hondarribiko hiru ikasle Kubara abiatu ziren iragan asteko astelehenean, Elan Euskadi gobernuz kanpoko erakundearen lankidetzarekin irlako kanpamentu batean laguntza ematera. Telmo Basterretxea, Imanol Ilzarbe eta Aitor Lozano dira gazte hondarribiarrak. Elan Euskadik Kubara hainbat gai eramaten ditu, jostailuak eta liburuak besteak beste, kontenedoreetan. Mundu osotik ere proiektuak garatzen dituzte.
Oraingo honetan Hondarribiko hiru gazteri Kubako kanpamentu batera laguntzera joateko aukera eman diete: «Asko pentsatu gabe baiezkoa eman genuen», esan dute. Ilusioa eta gogoa nabari da ikasleen hitzetan, eta gainera, mundu osotik hurbildutako brigadistekin esperientziak partekatzeko aukera izango dute hilabete batez.
Aurreiritzi kontrajarriak
Aste eta lau egun daramate hondarribiar gazteek Kuban. «Orri bat eman digute kanpamentuko egutegiarekin. Goizeko seiretan altxatu gara egunero landa eremuetan zitrikoak biltzeko. Gainera, eskola baten informea osatu behar dugu», azaldu dute.
«Hemengo egoerak ez du hango aurreiritziekin bat egiten. Kubako herria asko estimatzen dugu eta jendea oso jatorra da. Guztiek badute zer eskertu, baina aho batez esanda, aldaketa noiz etorriko den zain daude. 1950eko hamarkadan gaudela dirudi», azaldu dute gazteek, irlan lehenengo egunak pasatu eta gero.
Kubako dokumentala
Hondarribiko Udalak, Elan Euskadirekin, hainbat proiektu garatzen ditu munduan zehar, eta Kubakoa gauzatzeko diru laguntza jasotzea espero dute, beka gazte solidarioen izenean ematen baitute.
Hilabete pasata, Kubatik bueltan, ikusitakoa eta egindakoa ikus-entzunezko batean erakusteko asmoa dute: «Oraindik ez daukagu oso argi nola izango den, baina ziur aski dokumental txiki baten forma izango du».


