Asiako liztorren erlauntzak kendu dituzte Oiartzunen
Bost kendu dituzte Elizalden, Iturriotzen eta Arraguan; baten bat ikusiz gero, udaltzainei abisatu behar zaie Asiako liztorren erlauntzak agertu dira berriro herrian azken asteetan. Eta udaltzainek, suhiltzaileek eta erlezainek bost kendu berri dituzte. Horietako bi Elizalden kendu dituzte, Karaez kalean. Beste bi, Iturriotzen, Garagartza baserrian eta Altamiran. Eta bosgarrena atzo kendu zuten Arraguan. Udalak gogorarazi duenez, «garrantzitsua da garai honetan erlauntzak harrapatzea, izan ere, liztor erreginak lehendabiziko kabia egin du orain eta hau harrapatuz gero, gehiago ez erreproduzitzea lortuko da». Izan ere, liztor mota hori inbaditzailea da, eta bertako erlea hiltzen du, «bertako espeziearen biziraupena eta euskal ekosistema arriskuan jarriz». 4.000-6.000 arrautza artean Liztor erreginak egiten duen hasierako kabia nahiko txikia izaten da: «Tenis piloten tamainakoa, eta babesean eraikitzen dute, teilatu azpitan, txabola barrutan…». Baina, ekaina izan ohi da habi hori uzteko garaia, eta bigarren bat egiten hasten dira, handiagoa. Bertan, erreginak arrautzak jartzen ditu (4.000 eta 6.000 artean). Gainera, kabi bakoitzean, 200 eta 400 erregina sortzen dira, hurrengo neguan erreproduzitzen jarraituko dutenak. Udalak gogorarazi duenez, lehenengo kabiak duela hiru bat urte agertu ziren Oiartzunen, Ergoienen eta Arraguan: «Hasiera hartan, baina, Asiako liztorra berria zen eta nola jokatu ez zegoen zehaztuta. Orain, ordea, gauza gehiago dakizkigu Asiako liztorren gainean eta [...]
Bost kendu dituzte Elizalden, Iturriotzen eta Arraguan; baten bat ikusiz gero, udaltzainei abisatu behar zaie
Asiako liztorren erlauntzak agertu dira berriro herrian azken asteetan. Eta udaltzainek, suhiltzaileek eta erlezainek bost kendu berri dituzte. Horietako bi Elizalden kendu dituzte, Karaez kalean. Beste bi, Iturriotzen, Garagartza baserrian eta Altamiran. Eta bosgarrena atzo kendu zuten Arraguan.
Udalak gogorarazi duenez, «garrantzitsua da garai honetan erlauntzak harrapatzea, izan ere, liztor erreginak lehendabiziko kabia egin du orain eta hau harrapatuz gero, gehiago ez erreproduzitzea lortuko da».
Izan ere, liztor mota hori inbaditzailea da, eta bertako erlea hiltzen du, «bertako espeziearen biziraupena eta euskal ekosistema arriskuan jarriz».
4.000-6.000 arrautza artean
Liztor erreginak egiten duen hasierako kabia nahiko txikia izaten da: «Tenis piloten tamainakoa, eta babesean eraikitzen dute, teilatu azpitan, txabola barrutan…». Baina, ekaina izan ohi da habi hori uzteko garaia, eta bigarren bat egiten hasten dira, handiagoa. Bertan, erreginak arrautzak jartzen ditu (4.000 eta 6.000 artean).
Gainera, kabi bakoitzean, 200 eta 400 erregina sortzen dira, hurrengo neguan erreproduzitzen jarraituko dutenak.
Udalak gogorarazi duenez, lehenengo kabiak duela hiru bat urte agertu ziren Oiartzunen, Ergoienen eta Arraguan: «Hasiera hartan, baina, Asiako liztorra berria zen eta nola jokatu ez zegoen zehaztuta. Orain, ordea, gauza gehiago dakizkigu Asiako liztorren gainean eta protokolo antzeko zerbait zehaztua dago».
Herritarren laguntza
Hain arriskutsua izanik, herritarren laguntza ere eskatu du udalak: «Erlauntza identifikatzen duten herritarrei Udaltzaingoarekin harremanetan jartzeko eskatu nahi diegu, 943 49 33 11 telefono zenbakira deituta».
