Alemaniako Chistophorus eta Andra Mariko harrobiko abesbatzen kontzertua igandean
Alemaniako Chistophorus eta Andra Mariko harrobiko abesbatzen kontzertua igandean
Andra Mari Abesbatzak bultzatutako elkartrukaketa baten barruan, gaur arratsaldean udalerrira helduko dira Alemaniako Chistophorus Kinder Und Jungendchor abesbatzako 47 abeslariak. Hamabi eta hamabost urte arteko gazteak dira eta gaurtik hasita, Andra Mariko harrobiko Orereta Txiki, Orereta eta Oinarri abesbetzetako haur eta gazteekin astebetez egonaldi musikala egingo dute Errenteria-Oreretan. Ekimenaren barruan, kontzertua antolatu dute datorren iganderako, hilak 8, Fatimako Andra Mari elizan eta bertan bakoitzak bere errepertorioa lantzeaz gainera Richard Straussen Tritsch Tratsch Polkan oinarritutako abestia, Francisco Escuderoren Izar Ederra, eta Eva Ugalderen Kuku Ué kantatuko dituzte elkarrekin.
Chisthophorus abesbatzako kideak Errenteriako familien etxeetan hartuko dituztela zehaztu dute Andra Mariko kideek udalerrian diren bitartean, eta musika elkarrekin lantzeaz gainera, Euskal Herria ezagutzeko aukera ere izango dutela nabarmendu dute, “besteak beste, Hondarribia, Bilbo eta Donostiara egingo dituzte irteerak”.
Abenduan, berriz, Orereta Abesbatza izango dela Alemaniako abesbatzaren gonbidatua jakinarazi du Andra Mari Abesbatzak: “Abenduaren 4a eta 9a artean, Altensteig herrian (Oihan Beltza, Alemania) izango da Orereta Abesbatza Gabon kontzertuko gonbidatu gisa”

