
Jarrera "alderdikoiak" alde batera uzteko eskatu du Errenteria-Orereta Bizirik taldeak

Ziklomotorren azterketa teknikoa egiteko aukera izango da uztailaren 18an Lezon bertan. Hiru urteko antzinatasuna duten ziklomotorrek pasatu beharko dute. Hitzordua hartzeko 943 52 40 03 telefono zenbakira deitu beharko da.

Eleak-ek eskubide zibil eta politikoen alde aurkeztutako mozioa aurrera atera zen Bildu, EAJ eta Ezker Anitzaren botoekin. PSE-EEk eta PPk kontra bozkatu zuten. Moziorik eztabaidatuena izan zen, eta batez ere PSE-EEk eta PPk kritikatua. Santi Angulo aurkeztu zuen Eleak-en izenean. Gogorarazi zuen milaka euskal herritarren eskubideak “murriztuak” izan direla. Hala, egoera politikoa aldatu arren, eta bake iraunkorrerako aukera dagoen arren, Alderdien Legea oraindik indarrean dagoela aipatu zuen, eta “halako egoerak errepika daitezkeela”. Edonola ere, pertsona zein proiektu guztiek eskubide guztiak izan behar dituztela aldarrikatu zuen. Juan Carlos Arbelaitz Sonia Jacintoren bikotekideak ere hartu zuen hitza, eta bai Jacinto eta baita Idoia Arbelaitz ere “politika egiteagatik” espetxeratu dituztela. Arbelaitz egun baldintzapeko askatasunean dago. Jacintok espetxean jarraitzen du. Hala, bere kasua ere aipatu zuen, eta 4 urteko haur bat daukatela, ama hilabetean behin ikus dezakeela, eta horretarako milaka kilometro egin behar dituztela azaldu zuen. Alderdien errondan, Jose Manuel Herzog PPko zinegotziak sufrimendua “ulertzen” zuela esan zuen, baina udalbatzarra gai horiek eztabaidatzeko tokia ez zela. Era berean, galdetu zuen euskaraz: “Zamarreño non dago? Caso non dago?”. Legeak “direnak dira”, gaineratu zuen. Jose Angel Rodriguez PSE-EEko bozeramaileak oraindik “urratsak emateko” dituztela esan zuen, eta “demokraziaren arauak” errespetatu behar dituztela. Eztabaida sortu zuen beste gaia [...]

Eusko Jaurlaritzako Etxebizitza, Herri Lan eta Garraio Sailak antolatuta, Muliateko gizarte alokairuko 25 etxebizitzak gaur, 12:00etan, zozkatuko dituzte Jostaldi pilotalekuan. 320 izan dira eskaera guztien artetik onartutakoak, eta etxebizitzak lau mu...

Udalak Hondarribiko garapen iraunkorrerako Agenda 21aren plana neurtu eta balorazioak egiteko Hiritar Foroa deitu du gaurko. Bilera 19:00etan egingo dute udaletxeko areto nagusian, eta bertara deituta daude Agenda 21aren gainean interesa duten hiritar ...

Euskadiko SOS Haur Lapurtuak elkarteko ordezkariak izango dira gaur Emeki elkartean. Jaioberrien desagertze kasuen ikerketak eta erantzukizunak landuko dituzte arratsaldeko bostetatik aurrera, Emekin bertan.

Bigarren urtez jarraian Zuketz taberna izan da presoen aldeko III. Pintxo Lehiaketako irabazlea. Epaimahaiak pintxoaren zaporea eta batik bat, dekorazioa nabarmendu ditu, Herrirak, lehiaketaren antolatzaileak, jakinarazi duenez. Pintxoa lata batean aur...

Bilduk adierazi du “enfrentamendura baino eramaten ez duten akusazio eta ezeztatze dinamika batean” ez dela sartuko. PSE-EEk aurkeztu berri duen Noski aldizkarian azaltzen diren baieztapenen harira egin ditu Bilduk adierazpen horiek. Alderdi sozialistak Errenteria-Oreretako postontzi guztietan banatu du aldizkaria, eta “asmo elektoral argia” duela, eta “errealitatea” ez duela islatzen salatu du Alkatzetzan den alderdiak. Horren harira, “manipulatuta dauden datuak, testuingurutik kanpo nahita kokatutako adierazpenak, eta hainbat irudi helburu propagandistikoetarako bakarrik” erabili izana leporatu dio Bilduk PSE-EEri. Ikuspegi eta ardura politikoa Orain urtebete Alkatetzara heldu zenetik, “herria agertoki berri batera eramateko, maila guztietan eragiten duten oinarrizko arazoei erantzuna emateko, udal gobernuak egiturazko aldaketak” egin dituela gaineratu du Bilduk: “Hala nola, maila ekonomikoan, sozialean, politikoan, kulturalean eta elkarbizitzan”. Aurrera eramandako proiektuen artean, Errenteria 2025 Plan Estrategikoa aipatu du. Errenteria-Oreretan “beharrezkoa den aldaketa politikoak, ikuspegi eta ardura politikoa” eskatzen dituela esan du Bilduk. Horrenbestez, eta azken urteetan “elkarbizitzaren bidean eta politika egiteko modu berrietan izandako aurrerapausoak ikusita», alderdi politiko guztiei “bide horretan jarraitzeko” deia egin die, “hori delako gizarte honek eskatzen diguna”. Ezker Anitza, ildo beretik Ildo beretik mintzatu da gobernu taldeko beste alderdia, Ezker Anitza. “Errealitateak ez du bat egiten enplegu plana edo Gaztañoko babes ofizialeko etxebizitzei buruz esan dutenarekin”, esan du. [...]

Ke+Da eta Anonimos taldeek kontzertua emango dute larunbat honetan, hilaren 30ean, Txerrimuño etxe okupatuan. Kontzertua 22:00etan hasiko da, eta sarrerak hiru euro balio du.

Hiru mozio aztertuko ditu gaur Udalbatzak. Batetik, Eleak mugimenduak eskubide zibil eta politikoak aldarrikatzeko aurkeztu duen mozioa landuko du. Bestetik, PSE-EEk herrian publizitate panelak jartzeko aurkeztu duena aztertuko dute zinegotziek, eta az...

Agustinetako auzo elkarteak antolatuta emanaldia egingo dute gaur Schola Gregorianista Donosti Ereski eta Donosti Ereski abesbatza mixtoak. Jokin Otamendi eta Jon Aizpururen zuzendaritzapean ariko dira, hurrenez hurren. San Agustin elizan izango da gau...

Agintaldiaren lehenengo urtearen errepasoa egin du alkateak. Momentu onak eta gogorrak bizi izan ditu Udal Gobernu Taldeak epe horretan. Aiora Perez de San Roman (Oiartzun, 1978) lehen alkate emakumea izan da Oiartzunen. Urtebete darama karguan, ekainaren 11n bete zuen urtea, eta denbora tarte horretan berak eta Udal Gobernu Taldeak egindako lanaren errepasoa egin du. Urtebete pasatu da legegintzaldia hasi zenetik. Zer nolako balantzea egiten duzue urte honi buruz? Balantze positiboa egiten dugu. Nik uste dut kontuan eduki behar dela talde berria izan garela. Herrigintzan, euskalgintzan… esperientzia baduen jendea bazegoen, baina udalgintzan ez genuen esperientziarik. Egia da ere, udaletxeak sekulako erritmoa daukala, oso azkar doa, eta orain, egokitzen hasi garenerako, ohitzen erritmo horretara, urtebete pasatu da. Hala ere, ez dugu ukatuko momentu txarrak izan ez direnik. Momentu gogorrak ere pasatu ditugu. Momentu gogor horietako batzuk, ziur, krisiaren eraginez sortutakoak izan direla. Nola dago egoera? Egia esan krisiak eragina izan du. Aurreko legegintzaldiko kudeaketa jarraitzen hasi ginen. Izan ere, haiek hasi ziren legegintzaldi bukaeran murrizketak egiten. Guk hori jarraitu genuen, eta nahikotzat genituen haiek hartutako neurriak, baina ez zen nahikoa izan. Hala, 2012rako aurrekontuetan murrizketak egin behar izan ditugu. Murrizketa horiek aplikatzea eta jendeari azaltzea gogorra izango zen, ezta? Bai, bai. Garaiak [...]

Etzi, ostirala 18:00. Txupinazoa eta traka. 18:05. Brindisa, Altzibarko Jai Batzordearen kontura. 18:30. Sabel-dantza erakustaldia. 20:00. Kartelada. 20:30. Afari-merienda. Tortilla etxetik eraman behar du norberak, eta Jai Batzordeak sardinak jarriko ditu. Afarian zehar itsaski-jana zozkatuko dute. 21:30. Dantzaldia, Modestorekin. 23:00. Kontzertuak, Gaztelekuko txosnan: Mil Demonios, Basura eta Ghetto Boys. Ondoren. DJ Festa: DJ Txely Inziart eta DJ uVe. Etzidamu, larunbata 10:30. Altzibarko Haur eta Gaztetxoen III. Duatloia. Bidegorriko sarreran. 12:00. Soinuenea Herri Musikaren Txokoaren kontzertu didaktikoa, familientzat. 13:00. Toka Txapelketa. 14:00. Erretiratuen bazkaria, Anixetan. 16:30. XXVII. Truk Txapelketa, Esku Garbia elkartean. 12 euro bikoteko, eta izen-ematea 16:15ean itxiko dute. 16:30. I. Futbito Txapelketa, gaztetxoentzat. 17:00. Haur jolasak, Ttaken eskutik. 18:00. Danborreroen txupinazoa eta poteoa, txaranga, erraldoi eta buruhandien laguntzarekin. 20:00. Haur eta helduen danborrada. 21:30. Afaria: plater konbinatuak, kazulatxoak, oilasko hanburgesak, txerrikumea… 00:00. Zezensuzkoa. Ondoren. Dantzaldia, Ostadar taldearekin. 03:30. Kantu jira DJ Altziren eskutik eta zizka-mizkak. Igandea, uztailak 1 09:00. Diana. 10:30. Meza, auzoko hildakoen omenez. 11:30. Altzibarko I. Pintxo Txapelketa. Partaide bakoitzak pintxo bereko bost razio eraman beharko ditu. Saria: bazkaria bi lagunentzat, Matteo jatetxean. 12:00. Euskal dantza eta mutxikoak, Haurtzaro Dantza Taldea eta Helduen Tailerren eskutik. 12:30. Idi-dema: Jexux Garaiar Mixiyua eta Eneko Artola. 14:00. Bazkaria plazan: plater [...]

Udan murgildu gara jadanik, eta Altamira auzoan ongi etorri ekitaldia egiteko asmoa daukate. Horretarako, paella jate erraldoia antolatu du Altzate auzo elkarteak larunbaterako. Auzoan inoiz egin den otordurik handiena egiteko asmoarekin antolatu dute larunbateko paella jatea. “Eta hala izango da”, esan du Nahia Mitxelena auzo elkarteko lehendakariak. Izan ere, jada 120 txartel saldu dituztela esan du: “Altamira bezalako auzo batentzat asko da hori. Orain arte egin den bazkaririk handienera 80 lagun joan dira… eta gaur [atzo] arte 120 saltzeak gure aurreikuspenak gainditu ditu”. Kopuru hori handitu daiteke oraindik. Izan ere, oraindik txartelak salgai daude, auzo elkartearen tabernan, bost euroren truke. 250 lagunentzako paellera Udari ongi etorria emateaz gain, beste arrazoi batzuk baditu auzo elkarteak paella jatea antolatzeko. “Altzatek erakutsi nahi du ez ditugula bakarrik auzoko jaiak antolatzen eta kitto. Urteko beste garaietan ekimen batzuk egiten ditugula erakutsi nahi dugu, eta aldi berean, auzoan giro pixka bat sortzea”, azaldu du Mitxelenak. Bazkari handi bat antolatzeko ideia elkarteko bazkide batek izan zuela esan du. Auzo elkarteko kideei jakinarazi zien, eta Altzatek ahal ziren baliabide guztiak jartzeko konpromisoa hartu zuen. Horrela, 250 lagunentzako edukiera zuen paellera handi bat erosi zieten sanjuandar batzuei, 1,8 metroko diametrokoa. Mitxelenak onartu du lehendabizi paellera erosi zutela [...]

Lezoko Udal Liburutegia udako ordutegiarekin hasi da martxan, aste honetan bertan. Abuztuaren 6ra bitartera arte iraungo du ordutegi horrek. Horrela, astelehenetan goizez eta arratsaldez egongo da irekita: 10:00etatik 13:00etara, eta 17:00etatik 20:00e...

Gazta zati bat dokumentala eman zuten ostegunean udaletxean, Ttur-tturren 10. urteurrenaren harira. Bertan izan zen Jon Maia zuzendaria ere. Jendea gauzak egiteko gogoz atera zen aretotik.

Azken eskola eguna ospatzeko, Elizaldeko ikasleek 7. Ibilaldi Neurtua egin zuten ostiral goizean. Jarraian freskagarriak banatu eta apar festa egin zuten, musikarekin lagunduta.

Ostiralean 28 urteko mutil bat atxilotu zuen Ertzaintzak, autoa lapurtzea eta matrikulak faltsutzea leporatuta. Herrizaingo Sailak jakinarazi duenez, ostiral goizean geldiarazi zuen Ertzaintzak gaztea, eta autoa Frantzian lapurtutakoa zela egiaztatu zu...

Herritar talde batek Nexo senidetze elkartea sortu du. Ostiralean aurkeztu zuten taldea, eta hala nola, elkartearen helburuez hitz egin zuen Juan Carlos Merino Nexoko presidenteak: “Asmoa da senidetzeen alde eta senidetzeetan lan egitea”. G...