
Herenegun egin zuen Allerru Mendi Taldeak ikasturteko azken txangoa. Taldeari izena ematen dion tontorrera igo ziren, eguraldi grisak lagunduta. Hamaiketakoa egin, eta eguzki printzek lagunduta abiatu ziren herrira. Bertan, merezitako dutxa hartu zuten, eta Uztarri tabernan bazkaldu zuten, haurrek lehendabizi, helduek ondoren. Asebeteta, 17:00etan sari banaketarekin hasi ziren, herriko plazan. Irteera gutxien egin dituztenek udalak emandako elastiko bat jaso zuten, zazpi edo zortzietan parte hartu dutenek finalisten kopa bat eta Kutxabanken oroigarria jaso zuten. Plenoa egin dutenek, oroigarriaz gain, lo zaku bat jaso zuten. Ondoren, aulkiaren jokoan eta eltze apurtzean ibili ziren.

Estresa izango dute hizpide gaur arratsaldean Donibane kaleko Kultura Aretoan, 18:00etatik aurrera. Hitzaldian estresak garunean eragiten dituen kalteez ariko dira, eta arazoak kudeatzeaz solastuko dira. Horrez gain, emakumeen eta gizonen garunen artek...

Pasaia-Lezo Lizeoko Lehen Hezkuntzako ikasleek primeran pasatu zuten iragan ostiralean. Kulki-ko partaideekin bisita jaso zuten eta primeran pasatu zuten herri kirol probetan. Euskaraz jolastea eta ongi pasatzea izan zen ekintzaren helburua, baita txikienek landa edo nekazaritza eremuko tresnak ezagutzea ere.

Etzidamu arratsaldeko zortzietan, Kukai dantza taldearen eta Tanttakaren eskutik, Hnuy Illa ikuskizuna eskainiko dute Itsas Etxeko auditorio berrian. Sarrerak zortzi eurotan salduko dituzte ostegun arte Arma Plaza eta Kirol Kaiko turismo bulegoetan et...

Motorren IAT azterketa teknikoa egin ahal izango da Kontzejupean, gaur eta bihar. Azterketa egin ahal izateko, aurrez ordua eskatu behar da Udaltzaingoan, 943 49 33 11 telefono zenbakian. Hiru urte baino gehiago dituzten motorrak legez behartuta daude ...

Larunbatean (hilak 13), Herri Triatloia egingo dute Pasai San Pedron, Astarloza Taldeak antolatuta. Sanpedroen atarian urtero ospatzen duten kirol proba hau, aurten berritasunik badu:” San Joan bezpera dela aprobetxatuz, arratsaldean egitea erabaki dugu, horrela parte hartzea handiago izatea espero dugulako”, adierazi dute antolatzaileek. Aurreko urteetan bezala, proba banaka edo taldeka egiteko aukera egongo da. Taldeak gehienez 3 pertsonek osatuko dute. Aurrenak proba burutzen, taldeka aterako direnak izango dira. Ondoren banaka lehiatuko direnak hasiko dira irteten. Ibilbidean ere bada berritasunik. Hainbat aldaketa egin dituzte aurten. Aurtengo ekitaldian, bizikletan eta korrikan dorrean hasi eta Proisaraino joan beharko dute parte hartzaileek arraunlari kaletik. Ondoren, Morales Oliver kaletik Pasamanen alarguna kalea hartu eta alde zaharretik Dorreiraino joan beharko dute. Bizikletan 3 itzuli osatu beharko dituzte parte hartzaileek eta korrikan bakarra. Igerian aritzeko proban, aldiz, ez da aldaketarik izango: Kalparratik hasi Dorreraino tartea osatu beharko dute igerian. Materiala, hau da bizikleta, bainujantzia eta beste, parte hartzaile bakoitzak eraman beharko du etxetik. Sariei begira banakako lehia lehenetsiko dute antolatzaileek, sariak hobeak izanik norbanakoentzat, taldeentzat baino. Triatloia arratsaldez ospatzen dutenez, kirol proba bukatuta, indarrak berreskuratzeko aukera izango da, gauerako antolatu duten herri parrilladarekin. San Pedroko koadrila bakoitzak parrillara botatzeko bere janaria eraman behar du. Proba 18:00eta hasiko [...]

Axular plazako etxebizitza bat maiatzen ari da Guardia Zibila. Lekukoek aditzera eman dutenez, poliziak hainbat materiala eraman du etxebizitzatik. Dispositiboa nahiko handia dela diote lekukoek.

«Etorrerarako, harrerarako, kokapenerako eta elkarbizitzarako» programa da Jatorri askotarikoak, herri bakarra. Egitasmo horren barruan, bi laguntza talde sortu dira Pasaian, «familiaren barruan emakumearen rola zein den aztertzeko, eta migrazio-prozesuaren kultura arteko talka lantzeko». Ikasturtean zehar bildu diren lagunak, lehengo asteazkenean agurtu zuten ikasturtea, alkateak eta teknikariek Arizabalon egin zieten harrerarekin

Hondakinak biltzeko sistemaren gaineko herritarren kezkak, ekarpenak eta zalantzak bildu nahi ditu udalak Hondakinak atez ate biltzeko sistemaren inguruan herritarrek «kezkak, ekarpenak eta zalantzak» argitzeko aukera izan dezaten, batzar irekiak ant...

Mutiletan San Pedrok irabazi du estropada, Hondarribia, Orio eta San Juanen aurretik; nesketan, San Juanek Allotzeko (Nafarroa) urtegian jokatutako banderak Pasaian dira. Neskena San Juanera ekarri dute, eta San Pedrora mutilena. Aritzalekuko kanpinaren I. Bandera jokatu zuten han herenegun arratsaldean. Mutiletan, San Pedrok estropadaren lehen luzetik hartu zuen aurrea. Hasieran Orio eta Donibane izan zuten atzetik Libia-koek, baina hirugarren luzean Hondarribiak hartu zuen bigarren postua. Orio izan zen hirugarrena eta laugarrena San Juan. Nesketan, aldiz, lehen unetik gailendu ziren arrosak. Oriori 16 segundoko aldea atera zioten.

Udal Gobernu Taldeak agintean egin duen urtearen irakurketa egin ondoren, Errenteriako PSE-EEk ere bere balorazioa egin du. Hala, udalak denbora horretan aurkeztutako “hobekuntzen %90″ sozialistek martxan jarritako “edo ongi bideratutako proiektu eta obrei” dagozkiela adierazi du. Adibide bezala aipatu ditu Kaputxinoetako igerilekuak, Gaztañoko babes ofizialeko 30 etxebizitzak, eta Lurraldebus txartela. Udalak nabarmendutako parte hartzearen gainean, “auzo elkarteekin biltzeaz harro daude, aurretik ere egingo ez balitz bezala”, adierazi du. PSE-EEk ez du jakin ahal izan bizilagunen eskaerak beti dituzten ala ez, “nahiz eta talde politiko guztiek galdetu duten”, eta gaineratu du: “Hori da udalaren gardentasun politika famatua”. Alor ekonomikoan ere kritikatu du gobernu taldea, eta egindako kudeaketak Oarsoaldea “baliabiderik gabe” utzi duela iritzi dio, “udalak krisiari eta langabeziari aurre egiteko duen tresna eraginkorrena”. Zentzu horretan, egungo gobernua aurrekoaren atzetik dabilela aipatu du. Hala ere, enpleguaren arloan elkarlanean lan egiteko prest azaldu da PSE-EE. Herri Biziaren gainean ere jardun da, eta “publizitatean, plan estrategikoetan eta hondakinen gaineko ikerketetan 300.000 eurotik gora” gastatu duela esan du. “Errenteriako biztanleek benetan behar ez dituzten lehentasun” gisa jo ditu horiek Errenteriako PSE-EEk. Azkenik, hiri mantenua eta garbiketaren arloa erdipurdikoak direla iritzi dio: “Errenteriako kaleak ezker abertzalearen kartelez eta pintaketez josita edukitzea baimentzen dute, nahiz eta hori [...]

Aurtengo xanistebanak Eneko Salaberriaren kartelak iragarriko ditu, hala erabaki du epaimahaiak, lehiaketara aurkeztutako 42 lanak jaso ondoren. Horien arteko 14 haurrek egindakoak dira. Hauen arteko onenak, Margosoro eskolan 2012/2013 ikasturterako matrikula dohainik irabazi du.

Udaleku irekietan parte hartuko duten haurren gurasoei zuzendutako bilera egingo dute bihar, 17:00etan, udaletxeko areto nagusian. Ttirukiko arduradunek (antolatzaileek) gurasoei uztaileko udaleku irekien gaineko azalpen guztiak emango dizkiete: plangi...

Ikasturtea amaitzeko, aurten Eskolatik Kaleraren ekimena ez da jaia izango, topaketa baizik. Hala, gaur, Eskolatik Kalera I. Topaketa aurkeztu du Lau Haizetara Euskaldunon Elkarteak. “Egitasmoa bera indartu eta ekimen berriekin osatze aldera, eta...

Ostegunean bluesik onena entzuteko aukera izango da De Cyne Reynan Edu Manazas & Whiskey Tren Madrilgo taldearekin. Kontzertua 22:30ean hasiko da eta dohainik da. Ibilbide luzeko laukotea da, eta askok Espainiako Estatuko blues talderik onena dela diote. 1.300 emanaldi egin ditu, eta jaialdirik esanguratsuenetan parte hartu dute: Kordobatik hasi eta Hondarribiraino. Maila handiko artistekin jo dute: Johnny Winter, Lurrie Bell, Sonny Rhodes, Skeeter Brandon, John Primer, Phil Guy, Phillip Walker, Tony Coleman, John Myall, Mojo Bufford eta Raimundo Amador.

Lau gai hartuko dituzte hizpide bihar goizean, Portu Agintaritzaren Administrazio Kontseiluan. Batetik, Pasai San Pedroko arrandegi berriaren behin betiko diseinuaren gainekoak erabaki behar dituzte. Jakina denez, Udalak eta Portuak desadostasunak ditu...

Bernat Etxepare autoentzat ireki dute eta hala, Portuko lanen bigarren zatia bukatu dute: Matxin Artzu eta Bernat Etxepare kaleak. Bigarren zati hau irailean hasi ziren berritzen, eta aurreikusitakoa baino bi aste lehenago bukatu dituzte berritze lanak. Gauzatzeko 2,7 milioi euroko aurrekontua erabili dute. Euri urak eta ur beltzak banatu eta bi kaleak berritu dituzte, oinezkoari lehentasuna emanez. Espaloi zabalagoak jarri dituzte eta bizilagunek hala eskatuta, aparkalekuak ilaran jarri dituzte. Eserleku berriak eta kontsumo baxuko argiak jarri dituzte. Bigarren fasea bukatuta, kaleetan aldaketak egin dituzte. Portua auzotik ateratzeko, Bernat Etxepare kaleak noranzko bakarra izango du. Portuan sartzeko aldiz, eskuinera bira egin behar da Irun kalerantz, Roteta jatetxearen parean, eta Bidasoa ibilbidetik jarraitu behar da, Matxin Artzu kalera iritsi arte. Irailean hirugarren zatia Portuko lanen lehenengo zatian Almirante Alonso kalea eta honen hiru perpendikularrak berritu zituzten: Domingo Egia, Irailak Zazpi eta Beleztarren Markes kaleak eta Portua auzoko lanekin bukatzeko hirugarren fasea irailean hasiko dute, eta Itsasargi eta Zuloaga kaleak berrituko dituzte. Orain arte egin duten bezala, euri urak eta ur beltzak banatu eta bi kaleak berrituko dituzte. Oinezkoari lehentasuna emateko espaloi zabalagoak egingo dituzte, eserleku berriekin, eta kontsumo txikiko argiekin. Kaleen itxura Almirante Alonso kalearen antzekoa izango da. Juan Mari Altunak, Zerbitzuetako [...]

Udako denboraldirako prestatzen ari da pixkanaka herria eta Sabino Arana kaleko igogailuak eta Portua auzoa Donostia kalearekin elkartzen dituzten eskailera mekanikoek udako ordutegia izango dute, irailaren 15a arte. Astelehenetik igandera goizeko zazpietatik gaueko ordubatetara izango dira martxan bi zerbitzuak. Hala, zerbitzua bi orduz luzatuko dute egunean, eta zerbitzua gaueko hamaiketan bukatu ordez, ordubatetan bukatuko dute.

Bihar 10:30ean Muliateko bi etxebizitza zozketatuko dituzte, Udaletxeko areto nagusian. Esleitu ezin izan diren hiru logelatako bi etxebizitza dira. Eskaeragileek ez zituzten Hondarribian 15 urte bizitzen zeramatzatela egiaztatu.

AMA Berripaperak, 5. zenbakian, otsailean, Manuel Lekuona Saria Jose Luis Ansorena Andra Mari Abesbatzaren sortzaileak jasoko duela iragarri zuen. Orain, berriz, sari hori noiz jasoko duen jakinarazi du: etzi, Musikaren Nazioarteko Egunean, Gipuzkoako ...