
Sanjoanetan izaten dira jaiak Fanderian, eta aurten ostiralez hasiko dira, eta hiru egun iraungo dute igandera arte. Erdiko Erreka auzo elkartean beste behin egitarau mardula prestatu du, eta urtero bezala, haur eta helduen danborrada izango da ekitaldirik esanguratsuena. Igandean izango da, 19:30etik aurrera. Aurreko egunean, San Joan bezperan, sua egingo dute, 22:00etan. Horrez gain, txapelketek ere edukiko dute garrantzia: etzi, patata tortilla txapelketa egingo dute, hurrengo egunean, futbolin, futbol nahiz toka eta bote txapelketak, eta azken egunean, berriz, argazki lehiaketa. Antolatzaileek herritar zein auzotar guztiei parte hartzeko deia zabaldu diete. Egitaraua Etzi, ostirala 17:30: Haurrentzako merienda (Telepizza, Pizza Sprint, Mc Donald’s eta Todo-todo supermerkatuaren eskutik). 19:00: Haurrentzako merienda (Telepizza, Pizza Sprint, Mc Donald’s eta Todo-todo supermerkatuaren eskutik). 19:00: Buruhandiak auzoan zehar. 19:15: Patata tortilla txapelketa (partaide bakoitzak hiru txartel jasoko ditu pintxo poteoan erabiltzeko, eta irabazlearentzat Txikote jatetxeak emandako afari bat lortuko du). 19:30: Pintxo poteoa Errota plazan. 23:30-02:00: Dantzaldia, Albertok girotuta. Etzidamu, larunbata 10:00: Buruhandiak auzoan zehar, Gabierrotako Laguntasuna elkarteak lagunduta. 11:00-12:30: Haur jolasak, Errota plazan. 12:00: Moto erakusketa. 12:30-14:00: Futbolin txapelketa Sport kafetegian. 16:00-20:30: Futbol txapelketa San Joan Sua dagoen zelaian (hiru maila: 6-8 urte, 9-11 eta 12-14) 17:00: Toka eta bote txapelketa. 18:00-20:00: Oliber eta Eureka taldearen [...]

Bernat Etxepare kalea autoentzako ireki dute, eta hala, Portuko lanen bigarren zatia bukatu dute: Matxin Artzu eta Bernat Etxepare kaleak. Bigarren zati hori irailean hasi ziren berritzen, eta aurreikusitakoa baino bi aste lehenago bukatu dituzte lanak. Horiek egiteko 2,7 milioi euroko aurrekontua erabili dute. Bigarren fasea bukatuta, kaleetan aldaketak egin dituzte. Portua auzotik ateratzeko, Bernat Etxepare kaleak noranzko bakarra izango du. Portuan sartzeko, aldiz, eskuinera bira egin behar da Irun kalerantz, Roteta jatetxearen parean, eta Bidasoa ibilbidetik jarraitu behar da, Matxin Artzu kalera iritsi arte. Euri uren eta ur zikinen hodiak banatu, eta bi kaleak berritu dituzte, oinezkoei lehentasuna emanez. Espaloi zabalagoak jarri dituzte, eta bizilagunek hala eskatuta, aparkalekuak ilaran jarri dituzte. Eserleku berriak eta kontsumo baxuko argiak ere jarri dituzte. Irailean hirugarren zatia Portuko lanen lehenengo zatian Almirante Alonso kalea eta honen hiru perpendikularrak berritu zituzten: Domingo Egia, Irailak Zazpi eta Beleztarren Markes kaleak. Portua auzoko lanekin bukatzeko hirugarren fasea irailean hasiko dute, eta Itsasargi eta Zuloaga kaleak berrituko dituzte. Orain arte egin duten bezala, euri uren eta ur zikinen hodiak banatu, eta bi kaleak berrituko dituzte. Oinezkoari lehentasuna emateko espaloi zabalagoak egingo dituzte, eserleku berriekin, eta kontsumo txikiko argiekin. Kaleen itxura Almirante Alonso kalearen antzekoa izango da. Juan [...]

Udako denboraldirako prestatzen ari da pixkanaka herria, eta horren harira Sabino Arana kaleko igogailuak eta Portua auzoa Donostia kalearekin elkartzen dituzten eskailera mekanikoek udako ordutegia izango dute, irailaren 15a arte. Astelehenetik igandera 07:00etatik goizaldeko 01:00etara izango dira martxan bi zerbitzuak. Hala, zerbitzua bi orduz luzatuko dute: 23:00etan itxi ordez, 01:00etan itxiko dute.

Gaur, 10:30ean, Muliateko bi etxebizitza zozkatuko dituzte, udaletxeko areto nagusian. Esleitu gabe gelditu diren hiru logelako bi etxebizitza dira. Eskaera egileek ez zuten egiaztatu Hondarribian 15 urtez bizitzen izan zirela.

Joan den larunbatean egin zuten Gaztañoko I. Herri Krosa auzoko jaien egitarauaren barruan. Balorazio “ezin hobea” egin dute antolaketa lanetan aritu diren Gabri Mauriz eta Iñaki Artolak. Guztira, 43 lagunek hartu zuten parte lasterketan,...

Maizago izango dira topoak Oiartzun eta Donostia artean, udan. Dagoeneko udako ordutegia jarri du martxan EuskoTrenek. Hala, larunbat, igande eta jai egunetan, Amara eta Oiartzun arteko trenak 15 minuturo izango dira: 15:15etik 21:15era Amaratik Oiartzunera, eta 15:50etik 21:50era, alderantzizko norantzan.

Emakumeen nazioarteko futbol partida izango da larunbatean Donostiako Anoeta estadioan, Euskal Herria-Eslovakia, 16:30ean. Goizetik, gainera, musika, Txan magoa, Irrien Lagunak… izango dira estadioaren inguruan. ESAITek deia egin du partidara zei...

Leporatzen dizkiotenak ez dira ezagutzen, sumarioa sekretupean dagoelako, eta operazio zabalik. Gizon bat atxilotu du Guardia Zibilak Antxon. Operazioa gaur goizean izan da, Axular plazan. Polizia han bertaratu, atxilotutakoaren etxebizitza miatu, eta handik hainbat materiala eramatearekin batera etxeko jabea atxilotuta eraman dute. Lekukoek adierazi dutenez, ordenagailu bat eraman du Guardia Zibilak.

Lezoko Jai Batzordeak bilera egingo du gaur arratsaldean, udaletxeko pleno aretoan. 19:30ean hasiko da bilera, eta bertan santakrutzak prestatuko dituzte. Horrez gain, eskatu dute jaietako proposamenak gaur eguerdirako aurkez ditzatela herritarrek, uda...

Urteko egunik luzeena izango da larunbatekoa, eta San Joan bezpera ospatzeko ekitaldi bereziak egingo dituzte Hondarribiko txoko ezberdinetan. Udako solstizioko gaurik motzenean ospatuko dute San Joan bezpera eta uda garaiari ongi etorria emango diote. Astea eguraldi kaxkar antzean pasa badute ere, aurreikuspenen arabera eguraldiak nabarmen hobera egingo du larunbaterako Hondarribian, eta udako denboraldiari ongi etorria merezi bezala emateko aukera izango dutela dirudi. Herrian egingo duten ekitaldi nagusia Kai Zaharrean izango da, arratsaldeko zortzietatik aurrera. Ekitaldiari hasiera emateko Meakako Adixkideek aurreskua dantzatuko dute, geroago San Joan sua piztuko duten gunearen alboan. Gainera, Bentako aparkalekuan jarriko duten txosnan, lumagorri oilaskoa eta Gernikako piperrak dastatu ahalko dira. Jarraian, San Joan sua piztuko dute, eta Meakako Adixkideak Dantza Taldeak dantza giroa jarriko du. Hala, bertaratzen direnak animatuko dituzte elkarrekin dantzatzera. Kai Zaharrean suaren inguruan dantzan dabiltzan bitartean, Hondarribiko Musika Bandak herriko hainbat tokitan San Joaneko zortzikoa jotzen ibiliko da. Gainera, beste hainbeste su piztuko dituzte han hemenka egun argitan, festa iluntasunean bukatu arte. Besteak beste, hondartza inguruan, auzoetan eta inguruko baserrietan.

Zazpigarren urtez Hondarribiko liburutegiak literatura tailerrak antolatu ditu. Horrela, hiru tailer antolatu dituzte, literaturzaleek esperientziak trukatzeko. Bihar, osteguna, Liburuarekin hitzordua izenburuko tailerra egingo dute, 15:30etik aurrera,...

Urtebete darama alkate karguan Ainhoa Zabalok (Lezo, 1974). Epe horretan guztian «guztien gustukoak ez diren erabakiak» hartu dituztela onartu du, baina “arduraz” jokatu dutela esan du. Datozen erronkei ere gogoz helduko die Zabalok zein gobernu taldeak. Zein balantze egiten duzu legealdiaren lehenengo urtebetea pasatu ondoren? Balorazio oso positiboa egiten dugu. Egia da erabaki gogorrak hartu ditugula, baina azkenean arduraz jokatu dugu, egin beharrekoak egin dutugu. Sartu eta berehala lau administrarien lan eskaintza publikoa egin genuen, eta orain probatan ari dira. Udalaren funtzionamenduari dagokionez, hilero sailetako buru diren teknikariekin bilerak egiten ditugu. Oso garrantzitsua da, bestela badirudi sail bakoitzak bere aldetik funtzionatzen duela. Herritarrei zerbitzu ona emateko, eta ez mareatzeko, koordinatuta egoteko egiten dugu. Horrez gain, beste hainbat ordenantza ere aurrera eraman ditugu: terrazak, gazte lokalak, hilerria, merkatu txikia eta ura. Orain arte egin ditugun ordenantzak arau zaharkituak eguneratzeko izan dira. Arautzea izan da, gehienbat. Agintaldi hasieran azaldu zenuten udalaren egoera ekonomikoa txarra zela, eta herritarrei jakinarazi zenieten hori. Neurri batzuk hartu zenituzten horren harira, udaltzainen gaueko zerbitzua kentzearena kasu. Azaroan esan genuen zer zen guk pentsatzen genuena —uztailean jada udaltzainekin bildu ginen, egoera azaltzeko—. Orduan ez zen ezer ere ez entzun, ezta abenduan… Arazoa urtarrilean etorri zen, jendea [...]

Asteazkenero zine saioa egiten dute Olaberria auzoko Bitamine Espazioan. Zinema komertzialetan programatzen ez dituzten filmak ikusteko aukera izaten da asteazkeneroko Bitazine programan. Gaur Doris Dorrie zuzendari alemaniarraren Cerezos en flor (2008...

Gaur, 20:30etik aurrera entseatzera bilduko dira larunbatean San Joan suaren inguruan dantzatu nahi duten guztiek. Alkartasuna dantza taldean antolatu du entsegua, nahi duen herritar orori irekia. Urdiain eta Alpargata erakutsiko dituzte.

Etzi, 20:00etan, Kukai Dantza Konpainiak errenteriarrak eta Tanttakak Hnuy Illa ikuskizuna emango dute Itsas Etxeko auditorio berrian. Sarrerak zortzi eurotan salduko dituzte gaur eta bihar artean Arma plaza eta kirol kaiko turismo bulegoetan. Ikuskizu...

Errenteria Musikalek CD berria aurkeztu du: Kantu kantari. Hirrugarren lana du herriko musika eskolak, eta oraingoa, kantu tradizionalekin osatu du. Hamalau abesti ditu, eta 11, pot-pourriak dira, “betiko” 43 kanturekin eginak. Bi abesti be...

Ttur-tturrek, udalak eta bertso eskolak antolatu dute, Euskaltzaleon Bilgunearen 10. urteurrenaren harira Etzi, Gazta zati bat dokumentala ikusteko aukera izango da, 19:00etan, udaletxeko areto nagusian, doan. Ttur-ttur Euskaltzaleon Bilguneak, Oiartzungo Bertso Eskolak eta Oiartzungo Udalak antolatu dute emanaldia, Ttur-tturren 10. urteurreneko egitarauaren barruan. Ttur-tturrek zehaztu duenez, «autodeterminazio eskubidea, burujabetza politikoa ardatz du dokumentalak, eta Idiazabalgo herria, eta Idiazabalgo gazta protagonista dira, besteak beste, dokumentalean». Euskaraz egindako dokumentala izateaz gain, «burujabetza politikoaren aldeko urratsak egitea hizkuntza burujabetza lortzeko aurrerapausoa» direla iritzi dio Ttur-tturrek. Dokumentala amaitzean solasaldia izango da Jon Maia zuzendariarekin. 10. urteurrena eta elkarlana Ttur-ttur Euskaltzaleon Bilgunea hainbat ekintza antolatzen ari da, 10. urteurrena ospatzeko: urteurrenerako irudia, Facebookeko kontua, barne gogoeta, Sagardo Eguneko txotxa, Gartxot filmaren emanaldia… Bestalde, Ttur-tturrek hainbat egitasmo lantzen ditu Oiartzunen, horien artean Euskara Elkartera egitasmoa, «elkarteetan euskararen erabilera indartzea helburu duena». Egitasmoko elkarteei gonbita egin die Ttur-tturrek urteurreneko ospakizunetan, «ekarpenak egiteko, eta elkarlanean ekintzak antolatzeko». Gonbidapen horren lehen emaitza da etziko film emanaldia Oiartzungo Bertso Eskolarekin batera antolatu izana: «Izan ere, elkarte hori egitasmoko kide da eta elkarte eredugarria da, euren jarduna euskaraz egiten dutelako». Parrandako abestien CDa osatu nahi du Ttur-tturrek Udari begira, parrandarako abestien CDa osatzeko asmoa du Ttur-tturrek, eta horretarako lehiaketa jarri du [...]

Estadea literatura aldizkariaren aurkezpenarekin hasiko da gaur Galiziako kultura, folklorea eta gastronomia astearen hogeita hirugarren ekitaldia. Hitzaldiak izango dira protagonista datozen hiru egunetan. Asteburuari begira, berriz, folkloreak eta ga...