Euskal Herritik Joseba Tapia, eta Andaluziatik Trasiego, Udako Kontzertuan
Etzi izango da, 18:30ean, Ergoiengo Auzokalte elkartean; sarrerak bost euro balio du eta afariarekin 20 Soinuenea Fundazioak antolatuta (Herri Musikaren Txokoak) Udako Kontzertua etzi izango da, Auzokalte elkartean, 18:30ean. Sarrerak bost euro balio d...
Etzi izango da, 18:30ean, Ergoiengo Auzokalte elkartean; sarrerak bost euro balio du eta afariarekin 20
Soinuenea Fundazioak antolatuta (Herri Musikaren Txokoak) Udako Kontzertua etzi izango da, Auzokalte elkartean, 18:30ean. Sarrerak bost euro balio du.
Batetik, Trasiego taldeak Behe Andaluziako herri musika eskainiko die bertaratzen direnei. Soinueneako kideek jakinarazi dutenez, «hirukote honen izatea hobekien definitzen duena Behe Andaluziako folklorearen didaktika da».
Bestetik, Joseba Tapiak bosgarren diskoa aurkeztuko du: Eta tira eta tunba. Bilduma batean bildu ditu bigarren karlistada garaian idatzi ziren hainbat abesti.
Ondoren, afaria
Kontzertua bukatuta, areto berean, afaria egingo dute. Bertan musikariekin egon, jan, kantatu, jo eta dantzatzeko aukera izango da. Izena emateko komeni da lehenbailehen deitzea (943 49 35 78), lekua mugatua baita. Afarira eta kontzertura joaten direnek 20 euro ordaindu behar dituzte.
