San Joan bezperan hainbat ospakizun egingo dituzte
San Joan suaren bueltan, hainbat ospakizun izango dira herrian etzi arratsean. Egunik luzeena eta gaurik motzena ospatzeko, datozenak izango dira nagusienak. Ugaldetxon, 20:30ean elkartuko dira Atamitxen. Norberak jatekoa eramanda, sagardoa kafea eta g...
San Joan suaren bueltan, hainbat ospakizun izango dira herrian etzi arratsean. Egunik luzeena eta gaurik motzena ospatzeko, datozenak izango dira nagusienak.
Ugaldetxon, 20:30ean elkartuko dira Atamitxen. Norberak jatekoa eramanda, sagardoa kafea eta giroa Ugaldetxo Kultur Taldeak jarriko ditu.
Altzibarko Gaztelekun, sardina jatea egingo dute, 21:00etan. Auzotarrei agertzeko deia egin diete.
Doneztebe plazan, ohi bezala, sua eta dantza uztartuko dituzte, 20:00ak aldera.
Eta Kataxulo Gaztetxiak antolatuta, 19:00etan jolasak izango dira Landetxen. 20:30ean piztuko dute sua, eta gero afari merienda egingo dute, norberak zerbait etxetik eramanda. Ondoren, gazteak elkarrekin aterako dira parrandan Hernanira. Izan ere, bertan sanjoanak ospatzen dituzte.
