Asteazkenetan ez ezik, larunbatetan ere egingo dute baserritarren azoka
Asteazken goizetan Damarri plazan duela bi urte egiten hasi ziren nekazaritza azoka: orain larunbat goizetan ere egingo dute, udan. Duela zenbait urte azoka egiteko saiakerak egin eta aurrera atera ez ziren arren, Hondarribiko 11 ekoizle inguruk parte hartzen dute asteazken goizetan egiten duten baserritarren azokan. Azoka horien helburua da bertako produktuak ezagutaraztea eta Hondarribiko baserritarrei salmenta errazteko tresna ematea. Herrian badira Irunera eta inguruko beste herrietako azoketara saltzera joan ohi diren baserritarrak, baina badira ere bertako denda txikien bitartez produktuak merkaturatzen dituzten ekoizle txikiagoak. «Tamalez, denda horiek desagertzen ari dira pixkanaka, eta orain astean bitan egingo diren azokak salmentarako bideak izan daitezke ekoizle horientzat», esan zuen atzo goizean, Damarri plazan egin zuten agerraldian, Gregorio Berrotaran Udaleko Landa zinegotziak. Uda sasoiko produktuak Azoka egiten hasi zirenetik, salmenten kopurua bikoiztu egin zuten baserritarrek, eta horregatik, ekoizleak gehitzen joan dira. «Larunbatetan ere azoka egitea polita izango da, jende gehiagok eguna libre dauka, eta kanpotik ere jende asko hurbiltzen da Hondarribira uda garaian. Honako itxaropena dugu: larunbatetan asteazkenetan baino jende gehiago hurbiltzea azokara», gehitu zuen Landa zinegotziak. Larunbateko azoketan parte hartuko duten baserritarrak asteazkenetako berberak izango dira, eta horiekin batera, beste baserri bat ere izango da: Pantxilenea. Gainera, Bidezko Merkataritzako produktuak saltzen dituen postu [...]
Bertako produktuak ezagutaraztea eta baserritarrei slamenta errazteko tresna izatea dute helburu.
Asteazken goizetan Damarri plazan duela bi urte egiten hasi ziren nekazaritza azoka: orain larunbat goizetan ere egingo dute, udan. Duela zenbait urte azoka egiteko saiakerak egin eta aurrera atera ez ziren arren, Hondarribiko 11 ekoizle inguruk parte hartzen dute asteazken goizetan egiten duten baserritarren azokan.
Azoka horien helburua da bertako produktuak ezagutaraztea eta Hondarribiko baserritarrei salmenta errazteko tresna ematea. Herrian badira Irunera eta inguruko beste herrietako azoketara saltzera joan ohi diren baserritarrak, baina badira ere bertako denda txikien bitartez produktuak merkaturatzen dituzten ekoizle txikiagoak. «Tamalez, denda horiek desagertzen ari dira pixkanaka, eta orain astean bitan egingo diren azokak salmentarako bideak izan daitezke ekoizle horientzat», esan zuen atzo goizean, Damarri plazan egin zuten agerraldian, Gregorio Berrotaran Udaleko Landa zinegotziak.
Uda sasoiko produktuak
Azoka egiten hasi zirenetik, salmenten kopurua bikoiztu egin zuten baserritarrek, eta horregatik, ekoizleak gehitzen joan dira. «Larunbatetan ere azoka egitea polita izango da, jende gehiagok eguna libre dauka, eta kanpotik ere jende asko hurbiltzen da Hondarribira uda garaian. Honako itxaropena dugu: larunbatetan asteazkenetan baino jende gehiago hurbiltzea azokara», gehitu zuen Landa zinegotziak.
Larunbateko azoketan parte hartuko duten baserritarrak asteazkenetako berberak izango dira, eta horiekin batera, beste baserri bat ere izango da: Pantxilenea. Gainera, Bidezko Merkataritzako produktuak saltzen dituen postu bat ere egongo da.
Etzi egingo dute larunbateko lehenengo azoka, eta iraila arte egingo dituzte asteburura begirako feriak. Ordutegia 08:00etatik 13:00etara izango da, eta azokan eros daitezkeen produktuak uda sasoikoak izango dira: tomateak, letxugak, tipulak, porruak, kalabazinak…
