Olazabal parkeko lanak datozen asteetan hasiko dituzte
Olazabal parkea berritzeko lanak martxan jarriko dituzte datozen asteetan. Enpresa eraikitzaileari egitasmoa esleitzeko arazo bat izan zen, eta horregatik atzeratu egin da lanen hasiera. Orubearen indusketa arkeologikoa ere egingo dute, Miren Aierbe ud...
Olazabal parkea berritzeko lanak martxan jarriko dituzte datozen asteetan. Enpresa eraikitzaileari egitasmoa esleitzeko arazo bat izan zen, eta horregatik atzeratu egin da lanen hasiera. Orubearen indusketa arkeologikoa ere egingo dute, Miren Aierbe udaleko arkeologoaren zuzendaritzapean.
Hamar asteko epean bukatu beharko dituzte lanak. Parkea berritzeko zuhaitz batzuk kendu behar dituzte, eta ondoren, beste 23 zuhaitz landatuko dituzte. 540 metro koadroko gune berdea egingo dute, eta beste 125 metro koadrotan haurrentzako jokotarako eta aisiarako gunea prestatuko dute.
Proiektuaren diseinua Harresi elkarteko bizilagunekin egindako zenbait aldaketen ondorioa da. «Alde Zaharreko bizilagunei eta Kultur Etxeko erabiltzaileei begira egindako parkea da, eta uste dugu oso eremu berezi eta beharrezkoa izango dela Alde Zaharrean», azaldu du Aitor Kerejeta alkateak.

