Mendekosteak: alkatearen agurra
Mendekosteetako egitarauaren barruan Ainhoa Zabalo Lezoko alkateak agurra egin du. Hona, hitzez hitz, alkateak esandakoak: “Zabarre pirataren itzulerarekin batera aurten ere hemen ditugu Mendekosteak. Urtero bezala lezoarron artean azken urtean b...
Mendekosteetako egitarauaren barruan Ainhoa Zabalo Lezoko alkateak agurra egin du. Hona, hitzez hitz, alkateak esandakoak:
“Zabarre pirataren itzulerarekin batera aurten ere hemen ditugu Mendekosteak. Urtero bezala lezoarron artean azken urtean batutako altxorra banatzera dator Zabarre. Baliteke aurtengoan bere kutxan besteetan baino txanpon gutxiago izatea, baina hala eta guztiz beste motatako altxorrez gainezka du kutxa: zoriontasunaz, alaitasunaz, euskaraz, eta auzolanaz beteta dago. Eta hau guztia lezoar guztiokin gozatzera dator.
Honen adibide dugu aurtengo jaiak antolatzeko jai batzordea osatzen duten elkarte eta eragile ezberdinek egin duten elkarlana eta ahalegina. Eskerrik asko eta zorionak guztioi!! Aurtengoan ere lortu duzue adin eta gustu ezberdineko herritarrentzako izango diren jaiak antolatzea. Biba zuek!!
Euskal Herriak bizi duen haize berriaren laguntzarekin iritsiko da Beltza itsasontzia Lezoko kaira baina oraindik badira haize berriaren ukitua sentitzerik ez duten herritarrak. Atzerrian eta espetxean urrun ditugunak. Ez zaituztegu ahazten eta gure bihotzean zaudete. Lehenbailehen gurekin nahi zaituztegu!
Saiatu gaitezen egun hauetan kezka, ezberdintasun eta ardurak alboratzen eta murgil gaitezen hiru eguneko festa eta jai giroan. Merezi dugu eta!”

