Urte eta erdiko bidaia Zure Abenturaren Bila programan, euskaraz
26.000 kilometroko ibilbidea laburtuko du Joanes Gibelalde abenturazale tolosarrak Amaia KZn, gaur, 19:30etik aurrera. Joanes Gibelalde tolosarrak 26.000 kilometroko bidaia egin zuen 2007 eta 2008 urteen artean, bizikletaz. 29 herrialde zeharkatu zitue...
26.000 kilometroko ibilbidea laburtuko du Joanes Gibelalde abenturazale tolosarrak Amaia KZn, gaur, 19:30etik aurrera.
Joanes Gibelalde tolosarrak 26.000 kilometroko bidaia egin zuen 2007 eta 2008 urteen artean, bizikletaz. 29 herrialde zeharkatu zituen eta, oro har, ezkutuko lekuen bila aritu zen. Hamazazpi hilabete eman zituen abentura hartan, eta gaur horren berri emango du Amaia Kultur Zentroko hitzaldi aretoan, Zure Abenturaren Bila programaren barruan.
Hitzaldia euskaraz izango da, eta Gibelalde berak eskainiko du, 19:30etik aurrera; bidaian eginiko hamarnaka argazkiz osatuko du saioa.
Oihanetatik basamortuetara
Tolosako abenturazaleak Alaskan hasi zuen bidea, eta hartzez beteriko baso amaigabeetan barrena ibili zen hasieran. Ondoren mendi garaietan ibili zen, Mendi Harritsuetan eta Andeetan, eta basamortuak zeharkatu behar izan zituen: Behe Kaliforniakoa (Mexiko), Atacama (Txile)… Amazonian ere ibili zen.
