Otxote Topaketa egingo dute etzidamu, Niessen elkartearen eskutik
Otxote Topaketa egingo dute bigarrenez etzidamu Errenteria-Oreretan, Niessen elkarte gastronomikoak antolatuta. Atzo egin zuten agerraldian eman zituzten topaketaren nondik norakoak Agustin Makazaga Niessen elkarteko presidenteak eta Alberto Mendigutxia elkarte horretako kide eta Karnaba Otxoteko partaideak. Makazagak aurreko urtean topaketak izandako “arrakastak” bigarren aldia antolatzera animatu dituela azaldu zuen. Aurten, sei otxotek hartuko dute parte topaketan, “joan den urtean baino bat gehiago”, azaldu zuen Mendigutxiak. Donostiako Gaztelupe, Ozenki eta Ertizka; Baionako Aizkoa; Arrasateko Txorbela, eta Errenteria-Oreretako Karnaba dira otxote horiek, eta guztira, ehun abeslari izango dira herrian, antolatzaileek zehaztu dutenez. Egitarauari dagokionez, bi zati bereizi behar direla esan zuen Mendigutxiak: “Eguerdi partean, 12:45etik 14:00ak arte, De Cyne Reyna, Leku Zarra, Batzokia, Maite, Desira eta Juli tabernetan abestuko dugu poteo giroan, basoerdia edaten dugun bitartean”. Kontzertu polifonikoa Arratsaldean, berriz, eta Niessen elkartean denek batera bazkaldu ondoren, “kontzertu polifonikoa” emango dute sei otxoteek Errenteria Hiria Kulturgunean. Azken hori “eguerdikoa baino serioagoa” izango dela azaldu zuen Mendigutxiak: “Hurbiltzen direnek kontzertu polita ikusteko aukera izango dute”. Otxote bakoitza oholtza gainetik pasatu ondoren, denek elkarrekin bat egin eta Euskal Herriko kanta batera abestuko dutela zehaztu du, bestalde. Kontzertua 18:00etan hasiko da, eta sarrera doan da. Ohiturak berreskuratu Garai bateko ohiturak galtzen ari zirela ikusita, horiek berreskuratzeko [...]
Otxote Topaketa egingo dute bigarrenez etzidamu Errenteria-Oreretan, Niessen elkarte gastronomikoak antolatuta. Atzo egin zuten agerraldian eman zituzten topaketaren nondik norakoak Agustin Makazaga Niessen elkarteko presidenteak eta Alberto Mendigutxia elkarte horretako kide eta Karnaba Otxoteko partaideak.
Makazagak aurreko urtean topaketak izandako “arrakastak” bigarren aldia antolatzera animatu dituela azaldu zuen. Aurten, sei otxotek hartuko dute parte topaketan, “joan den urtean baino bat gehiago”, azaldu zuen Mendigutxiak. Donostiako Gaztelupe, Ozenki eta Ertizka; Baionako Aizkoa; Arrasateko Txorbela, eta Errenteria-Oreretako Karnaba dira otxote horiek, eta guztira, ehun abeslari izango dira herrian, antolatzaileek zehaztu dutenez.
Egitarauari dagokionez, bi zati bereizi behar direla esan zuen Mendigutxiak: “Eguerdi partean, 12:45etik 14:00ak arte, De Cyne Reyna, Leku Zarra, Batzokia, Maite, Desira eta Juli tabernetan abestuko dugu poteo giroan, basoerdia edaten dugun bitartean”.
Kontzertu polifonikoa
Arratsaldean, berriz, eta Niessen elkartean denek batera bazkaldu ondoren, “kontzertu polifonikoa” emango dute sei otxoteek Errenteria Hiria Kulturgunean. Azken hori “eguerdikoa baino serioagoa” izango dela azaldu zuen Mendigutxiak: “Hurbiltzen direnek kontzertu polita ikusteko aukera izango dute”. Otxote bakoitza oholtza gainetik pasatu ondoren, denek elkarrekin bat egin eta Euskal Herriko kanta batera abestuko dutela zehaztu du, bestalde. Kontzertua 18:00etan hasiko da, eta sarrera doan da.
Ohiturak berreskuratu
Garai bateko ohiturak galtzen ari zirela ikusita, horiek berreskuratzeko saiakera izan da Otxote Topaketa, antolatzaileen esanetan, “elkarte giroan geroz eta zailagoa izaten baita jendea abesten entzutea”. Iaz bezala, aurten ere erantzun “bikaina” espero dutela gaineratu zuen Mendigutxiak.
