‘Irtenbidea badago’ proposamena aurkeztuko dute gaur Reinan
Ezker abertzalea, EA, Aralar eta Alternatibaren proposamen sozioekonomikoa aurkezten ari dira herriz herri, eta gaur, Errenteria-Oreretan izango da, 19:00etan, Reina aretoan: Irtenbidea badago. Krisi eraldaketa soziala eta burujabetza dira proposamen h...
Ezker abertzalea, EA, Aralar eta Alternatibaren proposamen sozioekonomikoa aurkezten ari dira herriz herri, eta gaur, Errenteria-Oreretan izango da, 19:00etan, Reina aretoan: Irtenbidea badago. Krisi eraldaketa soziala eta burujabetza dira proposamen horren oinarri nagusiak, eta “krisi ekonomiko nahiz sozialetik eta baloreen krisi larritik irtetera” zuzenduta daude.
Oiartzungo ezker abertzaleak ere deialdi horri erantzutera animatu ditu herritarrak. Krisiak Euskal Herria “gogorki kolpatu” duela adierazi du: “Gero eta langabe gehiago daude eta Espainiako Gobernuak hartutako neurriek etorkizuna are beltzagoa utzi dute”. Era berean, arlo sozialerako dirurik ez dagoen bitartean, banku handiak diru publikoz lagundu dituela adierazi dute.
Egoera horri buelta emateko, baina, “aukerak” ikusten ditu, eta hori da, hain zuzen, proposamen sozioekonomikoa. Bertan “egungo ereduarekin kontrajarria dagoen beste eredu bat” biltzen dela esan du. Eredu hori bururaino eramateko, baina, Euskal Herriaren burujabetza ezinbestekotzat jo du, eta “gaur egungo instituzioetatik harago independentzia politiko eta instituzionalaren aldeko apustua” egiten duela proposamenak.
