Asteburu erabakiorra Ereintzarentzat
Garrantzitsua izango da gaurko eguna Ereintza eskubaloi taldearentzat. Zilarrezko Mailara igotzeko gelditzen zaizkion bi partidetatik lehenengoa jokatuko baitu, eta irabaziz gero, igoera lortuko du. Horretarako, baina talde sendoari aurre egin beharko ...
Garrantzitsua izango da gaurko eguna Ereintza eskubaloi taldearentzat. Zilarrezko Mailara igotzeko gelditzen zaizkion bi partidetatik lehenengoa jokatuko baitu, eta irabaziz gero, igoera lortuko du. Horretarako, baina talde sendoari aurre egin beharko dio: PAN-Moguer (Andaluzia, Espainia). Lehia, 20:00etan hasiko da Galtzarabordako kiroldegian.
Helburua gaur ez badute lortzen, bihar, bigarren aukera izango dute toki berean. Gaurko igoera faseko beste lehiako galtzailearen kontra jokatu beharko du Ereintzak. Lau taldetatik hiru sailkatuko dira.
Gaurko beste lehia La Roca (Bartzelona, Herrialde Katalanak) eta Amenabar (Zarautz) izango da, 18:00etatik aurrera. Bihar, berriz, hirugarren eta laugarren postuak erabakitzeko partida 10:30ean izango da, eta finala, berriz, 12:45ean.
