Oreretako Herrira: “Etxera bakoitzak duenetik emanaz ekarriko ditugu”
Ostiralean aurkeztu zuten Oreretako Herrira herri bilgunea. Ehundik gora lagunen aurrean, Niessen aretoan eman zituen lehen urratsak euskal preso eta iheslariak etxeratzeko helburua duen ekimenak, ekitaldi xume bezain hunkigarriarekin. Bideo emanaldiarekin hasi zen, eta ondoren lau dantzarik hartu zuten taula, aulki zuri hutsaren inguruan. Lau piezetako puzzlea eraiki zuten ondoren, publiko artetik altxa eta oholtzara igo ziren hainbat lagunek, eta bertan eskuak, babesa, hitza eta kalea irakur zitezkeen. Oreretako Herrira bilguneko kide batek hartu zuen hitza ondoren. Presoekin, erbesteratuekin eta iheslariekin zer gertatuko den galdetuta, “atzerriak” bidaltzen duen mezua argia dela salatu zuen: “Belauniko nahi ditugu,umiliatuak nahi ditugu, errendituak ala hilak. Hori da mezua. Ez dago erantzunik atzerritik, eskarnio hutsa ez bada. Horren aurrean,ordea, herri honek zerbait erakutsi badu amore ez duela ematen da”. Horrenbestez, “berdinketa” apurtzeko garaia dela eta ezin dela “ezein soluzio ustekaberen” zain egon gaineratu zuen Herrirako kideak: “Preso, erbesteratu eta iheslariak guk ekarriko ditugu, guk ekarri behar ditugu. Bakoitzak duenetik emanaz”. Horren harira, deia egin zien herritarrei, Oreretako Herrira bilgunearekin “bat egin” eta guztien artean euskal preso, erbesteratu eta iheslariak etxeratzeko. Ekitaldiaren unerik hunkigarriena, senideak oholtza gainera igo zirenean bizi zen. Txalo zaparrada artean hartu zituzten bertaratu zirenek, Kalera borrokalari kanta abesten zuten bitartean, eta aulki [...]
Ostiralean aurkeztu zuten Oreretako Herrira herri bilgunea. Ehundik gora lagunen aurrean, Niessen aretoan eman zituen lehen urratsak euskal preso eta iheslariak etxeratzeko helburua duen ekimenak, ekitaldi xume bezain hunkigarriarekin. Bideo emanaldiarekin hasi zen, eta ondoren lau dantzarik hartu zuten taula, aulki zuri hutsaren inguruan. Lau piezetako puzzlea eraiki zuten ondoren, publiko artetik altxa eta oholtzara igo ziren hainbat lagunek, eta bertan eskuak, babesa, hitza eta kalea irakur zitezkeen. Oreretako Herrira bilguneko kide batek hartu zuen hitza ondoren.
Presoekin, erbesteratuekin eta iheslariekin zer gertatuko den galdetuta, “atzerriak” bidaltzen duen mezua argia dela salatu zuen: “Belauniko nahi ditugu,umiliatuak nahi ditugu, errendituak ala hilak. Hori da mezua. Ez dago erantzunik atzerritik, eskarnio hutsa ez bada. Horren aurrean,ordea, herri honek zerbait erakutsi badu amore ez duela ematen da”. Horrenbestez, “berdinketa” apurtzeko garaia dela eta ezin dela “ezein soluzio ustekaberen” zain egon gaineratu zuen Herrirako kideak: “Preso, erbesteratu eta iheslariak guk ekarriko ditugu, guk ekarri behar ditugu. Bakoitzak duenetik emanaz”.
Horren harira, deia egin zien herritarrei, Oreretako Herrira bilgunearekin “bat egin” eta guztien artean euskal preso, erbesteratu eta iheslariak etxeratzeko.
Ekitaldiaren unerik hunkigarriena, senideak oholtza gainera igo zirenean bizi zen. Txalo zaparrada artean hartu zituzten bertaratu zirenek, Kalera borrokalari kanta abesten zuten bitartean, eta aulki hutsak irudikatzen zituenen oroimenak, atzealdeko pantaila hartzen zuen bitartean.
Herritarren parte hartzea ezinbestekoa dela esan du Oreretako Herrira bilguneak
Oreretako Herrirak herritar guztiei egin die bilgunean parte hartzeko deia: “Denok gara inportanteak, guztion artean ekarriko baititugu preso eta iheslariak etxera”. Lau lantaldek osatzen dute bilgunea, komunikazioa, ekimenak, harremanak eta sostengua, eta lanerako prest direnak, “eskuak zabalik” hartuko dituztela gaineratu dute Herrirako kideek. Horretarako komunikazioa@herriraorereta.org, ekimenak@herriraorereta.org, harremanak@herriraorereta.org, edo sostengua@herriraorereta.org helbideetara mezua bidali behar dute interesdunek.
