“Urtean zehar jarraitu gaituztenez gain, jende gehiago batzea espero dugu”
Zilarrezko Mailara igotzeko urrats batera dago Ereintza eskubaloia, eta helburu hori lortzeko ari da taldea prestatzen Alex Nogues entrenatzailea (Errenteria, 1969). Hilaren 12an jokatuko dute Galtzarabordako kiroldegian lehen partida, eta hori irabazi beharko dute arazorik ez izateko. Igoera faserako sailkatu zarete, baina gutxigatik… Azkenean emaitzengatik izan da. Karanbola batzuk egon dira, eta azken partida irabazi genuen, agian lehenengoa irabazita sailkatu ahal izan genuenean. Ia kanpoan egotetik sailkatzera pasatu zineten. Nola bizi zenuten? Asteburu osoan zehar zirrara gorabehera handiak izan genituen. Lehen partidan segoviarrekin espero genuen punturen bat ateratzea, baina azken momentuan galdu genuen, eta behera erori ginen. Bigarren jardunaldian katalanekin gauza bera: zerbait positiboa ateratzetik zazpiko aldeaz galtzera. Bat-batean galiziarrek irabazi egin zieten segoviarrei eta berriro animoak gora egin zuten aukerak bazirelako. Igandean gure partida irabazita gehiago puztu ziren. Eta beste partidan, berriz, azken momentuan La Rocak erasotu eta gola sartu zuen, gure sailkapena lortuz. Igoera fasea Galtzarabordako kiroldegian jokatuko duzue, hori aldeko duzue… Lehen faserako sailkatu ginenean, taldea udalarekin, aldundiarekin eta beste erakundeekin harremanetan jarri zen, faseetako bat etxera ekartzeko. Azkenean, bigarren fasea errazago izango zelakoan, haren alde egin zuten, beti ere sailkatzen baginen. Azkenean, guk bezala La Rocako katalanek ere aurkeztu zuen eskaera, eta astelehen arratsaldean eman zigun [...]
Zilarrezko Mailara igotzeko urrats batera dago Ereintza eskubaloia, eta helburu hori lortzeko ari da taldea prestatzen Alex Nogues entrenatzailea (Errenteria, 1969). Hilaren 12an jokatuko dute Galtzarabordako kiroldegian lehen partida, eta hori irabazi beharko dute arazorik ez izateko.
Igoera faserako sailkatu zarete, baina gutxigatik…
Azkenean emaitzengatik izan da. Karanbola batzuk egon dira, eta azken partida irabazi genuen, agian lehenengoa irabazita sailkatu ahal izan genuenean.
Ia kanpoan egotetik sailkatzera pasatu zineten. Nola bizi zenuten?
Asteburu osoan zehar zirrara gorabehera handiak izan genituen. Lehen partidan segoviarrekin espero genuen punturen bat ateratzea, baina azken momentuan galdu genuen, eta behera erori ginen. Bigarren jardunaldian katalanekin gauza bera: zerbait positiboa ateratzetik zazpiko aldeaz galtzera. Bat-batean galiziarrek irabazi egin zieten segoviarrei eta berriro animoak gora egin zuten aukerak bazirelako. Igandean gure partida irabazita gehiago puztu ziren. Eta beste partidan, berriz, azken momentuan La Rocak erasotu eta gola sartu zuen, gure sailkapena lortuz.
Igoera fasea Galtzarabordako kiroldegian jokatuko duzue, hori aldeko duzue…
Lehen faserako sailkatu ginenean, taldea udalarekin, aldundiarekin eta beste erakundeekin harremanetan jarri zen, faseetako bat etxera ekartzeko. Azkenean, bigarren fasea errazago izango zelakoan, haren alde egin zuten, beti ere sailkatzen baginen. Azkenean, guk bezala La Rocako katalanek ere aurkeztu zuen eskaera, eta astelehen arratsaldean eman zigun berri ona Espainiako Federazioak.
Zeintzuk izango dira zuen arerioak?
Finalaurreko gurutzatua jokatuko dugu. Ziurrenik, hilaren 12an (larunbata), 18:00etan Ereintzak beste taldeko lehenaren kontra —PAN Moguer— jokatuko du, eta 20:00etan, gure taldeko lehenak, La Rocak, besteko bigarrenaren kontra —Zarautz—. Igandean, berriz, 10:30ean, bi galtzaileek jokatuko lukete, eta 12:45an, berriz, finala garaileek. Finala jokatzen dutenak sailkatuta daude, lau taldeetatik hiru igotzen direlako.
Nola ikusten dituzu beste taldeak?
Pan Moguer eta La Roca, gu eta Zarautz baino puntu bat gorago daudela uste dut. Pan Moguer aurreko denboraldian Zilarrezko Mailan egon zen. Taldea mantendu du, eta kalitatea eta esperientzia dauka. La Rocak aurten hiru puntu baino ez ditu galdu, eta kalitate handiko taldea dauka: Asobal ligan egon diren jokalariak ere baditu.
Garrantzitsuena lehen partida irabaztea da.
Lehenengoa irabazita, badakizu sailkatuta zaudela, eta bestela, hurrengo egunean dena daukazu jokoan. Gerorako ezer ez uztea litzateke onena.
Aurreko fasearen ondoren, nola ikusten duzu taldea azkenerako?
Sailkapena lortuta, jendea gogo askorekin dago, eta dena ematera irtengo gara. Gainera, aurten talde lehiakorra eta azken faseak jokatzeko beharrezko egitura ekonomikoa lortu dugu, eta balantza orekatuta dagoela uste dut.
Jarraitzaileen babesa garrantzitsua izango da.
Ligan zehar partida garrantzitsuak tokatu izan zaizkigu, adibidez, Zarautzen kontra fasera sartu ahal izateko, eta jarraitzaileen babesa garrantzitsua izan zen, kiroldegia betetzeraino. Orain, askoz handiagoa izatea espero dugu, jokoan duguna gehiago delako eta Errenteriarentzat kirol mailan lorpen handia delako. Horregatik, urtean zehar jarraitu gaituztenez gain, jende gehiago batzea ere espero dugu.
Taldea kontzientziatuta dago? Posible ikusten du igoera?
Bai. Badakite zaila dela, taldeak gogorrak direlako. Horrez gain, partida horietan urduritasuna handia da, denbora gutxi izaten da akatsak zuzentzeko… baina bai, pozik daude, sartuta daude, eta guztiaren bila aterako dira.