Eskualdeko batelek hiru domina lortu dituzte Espainiako Txapelketan
Lehengo asteburuan jokatu zuten Moañan (Pontevedra, Galizia) Espainiako Batelen Txapelketa, eta Oarsoaldeko batelek paper txukuna egin zuten bertan. Izan ere, hiru domina lortu zituzten, bi Hibaikak eta bestea sanjuandarrek.
Batel arrosa gizonen Senior Mailan hirugarrena izan zen, Tiranen eta Urdaibairen atzetik, hurrenez hurren. Bi lehenengoen arteko lehia ehunenekoengatik erabaki zen, eta sanjuandarrek lau segundo gehiago behar izan zituzten.
Hibaikak, berriz, emakumeen Senior Mailan lortu zuen zilarrezko domina. Etxekoak izan ziren garaile, Samertolameu taldeko batelekoak, hain zuzen ere. Errenteriarrek galiziarrek baino ia lau segundo gehiago behar izan zituzten ibilbideko luzeak bukatzeko.
Mutilen Kadete Mailan, berriz, hirugarren postua lortu zuten errenteriarrek. Galiziako bi batel izan zituzten aurretik: Tiran eta Cabo da Cruz.
Bi arraun elkarte horietako beste hainbat batelarik ere hartu zuten parte Moañan. Hibaikakoek emakumeen Promesa Mailan hartu zuten parte, eta bederatzigarrenak izan ziren sailkapenean. Sanjuandarrak, berriz, laugarrenak izan ziren emakumeen Senior Mailan.
Trintxerpek ere bidali zuen ordezkaritza. Hala, seigarrenak izan ziren mutilen zein nesken Gazte Mailako probetan.
Batel arrosa gizonen Senior Mailan hirugarrena izan zen, Tiranen eta Urdaibairen atzetik, hurrenez hurren. Bi lehenengoen arteko lehia ehunenekoengatik erabaki zen, eta sanjuandarrek lau segundo gehiago behar izan zituzten.
Hibaikak, berriz, emakumeen Senior Mailan lortu zuen zilarrezko domina. Etxekoak izan ziren garaile, Samertolameu taldeko batelekoak, hain zuzen ere. Errenteriarrek galiziarrek baino ia lau segundo gehiago behar izan zituzten ibilbideko luzeak bukatzeko.
Mutilen Kadete Mailan, berriz, hirugarren postua lortu zuten errenteriarrek. Galiziako bi batel izan zituzten aurretik: Tiran eta Cabo da Cruz.
Bi arraun elkarte horietako beste hainbat batelarik ere hartu zuten parte Moañan. Hibaikakoek emakumeen Promesa Mailan hartu zuten parte, eta bederatzigarrenak izan ziren sailkapenean. Sanjuandarrak, berriz, laugarrenak izan ziren emakumeen Senior Mailan.
Trintxerpek ere bidali zuen ordezkaritza. Hala, seigarrenak izan ziren mutilen zein nesken Gazte Mailako probetan. 
