Munduko sukaldirik onenak Euskal Herrian daudela diote zenbaitek, eta horrenbestez, jatetxe onenak ere gurean daudela uler daiteke. Uste berekoa da Restaurant aldizkaria. Andoni Luis Adurizek zuzentzen duen Errenteria-Oreretako Mugaritz jatetxeak munduko hirugarren onena izaten jarraitzen duela erabaki du. Aldizkari horrek munduko 50 jatetxe onenak izendatzen ditu. Mugaritzen aurretik Danimarkako jatetxe bat eta Kataluniako beste bat geratu dira: Kopenhageko Noma eta Gironako El Celler de Can Roca. Herenegun gauean eman zioten sari hori Adurizi Londresen egindako gala batean. Beste euskal herritar bat ere bazegoen han, Juan Mari Arzak. Berak zuzentzen duen Donostiako jatetxea zortzigarren tokian geratu da zerrenda horretan. El Bulli eta jatetxe onenak Adurizek saria jaso aurretik munduko jatetxe onenak Ferran Adriaren El Bulliren eraginpean daudela adierazi zuen: “El Bullik egin duen ekarpen handiena egungo gastronomiaren pentsamoldea aldatzea izan da”. Gaineratu zuenez, tresna berriak eman dizkie sukaldari garaikideei, “baina garrantzitsuena tresna horiekin zer egin jakitea da”. Hain zuzen, Aduriz bera Adriarekin lan egindakoa da, 1993tik 1994ra Kataluniako jatetxeko lantaldeko kide izan baitzen. Restaurant-en izendapenek sona handia daukate, eta Oscar sariekin alderatu daitezke, baina goi mailako sukaldaritzaren arloan. Mugaritz, hain zuzen, aurretik ere zerrenda horretan agertu izan da, eta iaz lortu zuen lehen aldiz hirugarren tokia. Lehen hamarren artean jartzea, berriz, [...]
Egunotan euria besterik ez du bota, baina atzo goizean, behintzat, atseden hartzea erabaki zuen, Dantzari Txiki Egunaren mesedetan. Horrenbestez, giro eguzkitsuan egin ahal izan zuten bai dantzarien desfilea eta baita emanaldia ere. Ereintza elkarte antolatzaileak 400 dantzari gonbidatu zituen ekimenera, eta 10:30ean elkartu ziren Koldo Mitxelena plazan. Euskal Herriko txoko askotatik etorritako hamar talde bildu ziren: Gipuzkoa, Lapurdi, Nafarroa… Talde bakoitzak bere dantzari jantzia zeraman soinean, eta kolore barietate handiz margotu zituzten herriko kaleak dantza egiten zuten bitartean. Ezer egin aurretik, baina, indarrak hartu behar ziren, eta Koldo Mitxelena plazan bertan hamaiketakoa egin zuten. Gero, taldeka ilaran jarri, eta trikitilari eta txistularien doinuekin atera ziren Erdialdeko kaleak zeharkatzera. Alaberga auzoraino iritsi ziren gurasoen txalo artean, eta hortik, berriro, Erdialdera jo zuten, Biteri kaletik. Xenpelar kalera iritsitakoan, geldialdia egin zuten, eta han, agurrarekin hasi eta beste zenbait dantza egin zituzten. Hurrengo eta azken helmuga, berriz, Zumardia zen. Han zuten programatuta emanaldi nagusia. Egunotan euriagatik plastikoz tapatuta egon den oholtzaren gainean euren gaitasuna erakutsi zuten, eta askotariko dantzak egin zituzten ikusleen gozamenerako. Ehunka guraso zeuden biribilean haurrak inguratzen argazkiak eta bideoak ateratzen ari ziren bitartean. Banan-banan pasatu ziren talde guztiak, eta guztiek euren egitekoak egin zituztenean, txalo zaparrada artean agurtu zituzten ikusleek. [...]
Iñigo Cabacasi gertatutakoa presente dagoenean, Errenterian, beste Iñigo bat inolako arrazoirik gabe modu basatian jipoitu zuten lau ertzainek apirilaren 14ko gauean. Antza denez, gau horretan norbait txikitzeko gogoa zeukaten (ze ausartak lau baten ...
Aitzol Gogortza gaixo dagoen preso oreretarraren egoera salatu du Herrira bilguneak. Trastorno obsesibo konpultsiboa du, eta bere egoera “larria” dela esan du. Mediku batek azaldu duenez, baldintza normaletan gaixotasuna ongi eraman daitek...
Lakaxita gaztetxeak kontzertu bikoitza antolatu du etzi gauerako. Sacco hirukote irundarra izango da taulara igotzen lehena. Talde berria da baina beste talde batzuetan eskarmentua daukaten musikariek osatzen dute, Lisabö eta Küm, esaterako. Ondoren ...
KZgunean Gmail ikastaroa antolatu dute arratsalderako. 16:00etatik 18:00etara izango da, Madalensoron duten gunean. Doakoa da.
Etxean jokatu eta irabazi. Oriok irabazi du Gipuzkoako Trainerilla Ligaren hirugarren jardunaldia, Seniorren Mailan, eta San Pedro izan da bigarrena. San Juan seigarrena izan da, Zumaia eta Zarautzen atzetik. Emakumeen estropada Getariak irabazi du eta...
Hileroko azken ostiraletako kartelada probestuta, “euskal preso politikoen salbuespen egoerarekin amaitzea” helburu duen Herrira herri mugimenduaren Hondarribiko taldearen aurkezpena egin zuten aurreko ostiralean San Pedro kalean. Ehun bat pertsona izan ziren ekitaldian. Ordu erdiz, kartelak eskuetan, gogoan izan zituzten euskal presoak eta iheslariak, eta Urko Labeaga izan zuten bereziki gogoan, joan den astean kartzelaz mugitu zuten herriko euskal presoa. Hondarribitik urrunago eraman dute, Asturiasko Villabonako kartzelatik Murtziakora. Herriraren hitzetan “bereziki kezkagarria da” espetxe arduradunen erabakia, “kontuan izanda alaba txikia duela Urkok, eta orain aita ikustera joateko egin beharko duen bidaia bakoitza 1.700 kilometrokoa izango dela”. Elkarretaratzearen ondoren egin zuten herri bilgunearen aurkezpena. Taldeko arduradunak oholtzara igo eta handik azaldu zuten “Euskal Herri osoan eraiki den mugimendu herrikoia eta anitza” dela Herrira. Euren aldarrikapen guztiak egungo legedia aplikatuz lor daitezkeela azaldu zuten, eta honako eskaerak egin zituzten, besteak beste: “Euskal presoak Euskal Herrira ekartzea; Espainiako zein Frantziako estatuetan bizi osorako espetxe zigorrarekin amaitzea; zigorraren bi heren eta hiru laurdenak bete dituzten presoak eta gaixotasun larriak dituztenak askatzea”. Espainiako eta Frantziako gobernuei dei egin zieten “hasi den aro berrian gatazka konpontzeko modu positiboan eragiteko”. Aurkezpena egin ondoren, pintxo jana egin zuten San Pedro kalean elkartutako lagunek eta, ondoren, hileko azken ostiralero egiten [...]
Hileroko azken ostiraletako kartelada probestuta, “euskal preso politikoen salbuespen egoerarekin amaitzea” helburu duen Herrira herri mugimenduaren Hondarribiko taldearen aurkezpena egin zuten aurreko ostiralean Hondarribiko San Pedro kalean. Hondarribiko aurkezpenaren ondoren, Behe Bidasoa osora zabaldu da Herrira plataforma. Irungo taldea aurkeztu zuten lehendabizi komunikabideen aurrean, hilaren 21ean, eta joan den ostiralean egin zuten lehen deialdia. Zabaltza plazan dozenaka irundar elkartu ziren Herrirak egindako aldarrikapenekin bat egiteko. Irungo herri bilguneko arduradunen esanetan, hilabeteak pasatu dituzte taldea prestatzen, euskal preso politikoen eskubideen alde Bilbon urtarrilaren 7an egin zen manifestazioa abiapuntutzat hartuz: “Gure herrian inoiz egin den manifestazio jendetsuenetakoa izanik, aurrera egiteko garaia dela eta herriak bide horretan parte hartu nahi duela ikusi genuen. Horrela sortu da Herrira. Irungo bilgunea talde zabala da, askotariko pertsonek eta hainbat sentsibilitatekoek osatua, baina helburu bakar batek elkartzen ditu; hots, euskal presoen salbuespen neurriekin bukatzea”. Joan zen ostegunean, berriz, Behe Bidasoko eskuin ibarreko biztanleentzat izan zen hitzordua, Urruñako Posta etxean egin zen eskualdeko aurkezpenean. Urruña —eta Pausuko— herritarrez gain, Hendaia, Biriatu, Ziburu eta Donibane Lohizuneko bizilagunak elkartu ditu eskualdeko bilgune horrek.
Sara Carracelas Txapelketa egingo dutela eta, Galtzarabordako Kiroldegiko igerilekua etzidamu, eguerditik aurrera, itxita egongo dela jakinarazi du udalak. Hori dela eta, bazkideek eta gainontzeko erabiltzaileek Fanderiako igerilekua erabili ahal izang...
Gazte Izanak Erretiratuen Elkarteak meza antolatu du biharko, 2011n hildako bazkideen omenez. 12:30ean izango da, San Esteban elizan.
Duela zortzi urte, 2004. urteko otsailean, aldundiak Oreretako Plan Orokorra onartu zuen, hainbat eragile politikoren eta sozialen ezezkoa jaso zuen plana, hain zuzen. Balantzea egiteko garaia da, beraz, plan orokorra indarrean egoteko epea gainditu baita. Besteak beste, aipatu zortzi urteetan egiteko, aurreikusten ziren etxebizitzen kopurua zehazten zuen plan horrek, lau urteko bi tartetan gauzatzeko aukera emanez, eta guztira, 2.932 etxebizitza egitea agintzen zuen. Etxebizitza horiek mota hauetakoak ziren: - Babes Ofizialeko Etxebizitzak: 1.479. - Etxebizitza Libreak: 1.453. - Familia bakarreko Etxebizitza Libreak: 284. -Etxebizitzak, guztira: 2.932. Etxebizitza gaiaren inguruan zehaztapen bi: Plan Orokorreko Babes Ofizialeko etxebizitzek eta etxebizitza libreek ia portzentaje berdina dutela, bata; eta etxebizitza hutsen kopurua handiegia dela, bestea. Horiek ez al zuten aipatu eragileen jarrera justifikatzen? Baina, helburuari lotuz, zein izan da planaren emaitza? Izandako emaitzak ezin ditugunez epeka aztertu, lekua mugatua delako, datu orokorrez hitz egingo dugu. Planaren iraupenaren barruan dagoen egoera honakoa da: - Babes Ofizialeko Etxebizitzak: planean, 1.479; eginak 459; egiten 0 (%31). - Etxebizitza Libreak: planean, 1.169; eginak, 420; egiten, bederatzi (%36). - Familia bakarreko Etxebizitza Libreak: planean, 284; eginak, 91; egiten 0. (%32) - Etxebizitzak, guztira: planean, 2.932; eginak 970 eta egiten bederatzi (%33,1). Datu horiek planaren emaitza kaskarren isla dira. Etxebizitzaren [...]
Erlaitz Mendi Elkarteak antolatuta, Erlaitz-Aiako Harria mendi lasterketa egingo dute igandean. Aurkezpenean antolatzaileek esan zuten “Euskal Herriko maratoi erdi gogorrena” dela. Izena eman duten 350 korrikalariek 23 kilometroko ibilbidea...
Arrasaten jokatutako Gipuzkoako Eskola Txapelketan parte hartu dute EATeko atletek, zehazki, Alebin eta Gazte mailakoek. Honako emaitzak lortu dituzte: Alebinak Oier Castillo: lasterka 9,47 segundoko denbora 60 metrotan eta pilota jaurtiketan 400 gram...
FUTBOLA Bigarren B Maila Mirandes-Real Union 2-2 Erregional Ohorezko Maila Behobia-Beti Gazte 0-1 Urola-Real Union B 4-3 Erregional Preferente Maila Dunboa Eguzki-Allerru 2-1 Lengokoak-Mariño 1-0 ESKUBALOIA Zilarrezk...
Gaurtik hasita, Gaztelutxo eta Zamalbide lotzen dituen U-33 hiri barruko autobus lineak, Zamalbideko kaskoraino luzatuko du zerbitzua. Orain arte, geldialdia bidegurutzean egiten zuen autobusak, kaskoraino iritsi gabe. Zerbitzu hori mikrobusak egingo d...
Hilaren 14an abiatuko dira hiri autobusen linea berrituak, eguzkia ateratzen bada, hori bai. Bihar hasi behar ziren martxan linea horiek, baina azken hilabeteko etenik gabeko euriak ez du utzi Jenaro Etxeandia inguruko lanak bukatzen. Lan horiek bukatzea ezinbestekoa da zerbitzua abian jartzeko, bertan bat egingo baitute linea guztiek, zerbitzuaren intermodalitatea bermatuz. San Juan-Etxeandia plaza berriko hiritartze lanek dirauten bitartean, Jenaro Etxeandian bide bat prestatu dute autobusentzako soilik, bertan norabidez alda dezaten; bide hori da datozen egunotan asfaltatuko dutena. Gainera, Bixera zegoen lekuan geltoki luze bat egokitu dute; hori izango da linea guztiek partekatuko duten aldageltokia. Aurreko astean Irungo Udaleko Mugikortasun ordezkari Cristina Labordak adierazi bezala, Jenaro Etxeandiako hiritartze lanak bukatuta daude, baina bertako errepidea asfaltatu eta margotu behar dute langileek oraindik. “Bidea prest dago dagoeneko, baina bi egun behar dituzte langileek, euririk gabekoak, errepidea asfaltatu ahal izateko”, argitu zuen Labordak. Esan zuenez, bertatik autobusak soilik pasatuko direnez garrantzitsua da asfaltoa jarri aurretik lurra ondo lehortzea, eta horretarako euririk gabe bi egun behar direla uste dute teknikariek. Eta baldintza hori ez da apirila osoan bete. Eguzkia ateraz gero, hilaren 14an jarriko dituzte martxan lineak. Intermodalitateaz Martxoko ohiko osoko bilkuran onartu zituzten autobus linea berriak, bi hilabetez luzatu ziren negoziazioen ondoren. Leon [...]
Asteburuan Hondarribian Erdi Aroko V. Nazioarteko Pintxo Lehiaketa egingo dute, eta Erdi Aroko Hiri Eta Hiribilduen Sareko partaide diren hamabi hirietatik, hamar hiritako sukaldariek parte hartuko dute. Gorka Irisarri San Nikolas kantinako sukaldariak ordezkatuko du Hondarribia lehiaketan; horretan parte hartzeko baldintza bakarra Erdi Aroan existitzen ziren produktuak erabilita egindako pintxoak aurkeztea da. Irisarrik, martxoan hirian egin zen kanporaketan lortu zuen Hondarribia ordezkatzeko saria. «Jai eta kultur giroko asteburua antolatu dugu lehiaketaren inguruan, eta Ostalarien Elkarteak, Merkatarien Elkarteak eta Klink Elkarteak parte hartu dute zuzenean. Lehiaketa Klink elkartean egingo da, eta guztiei egindako lana eskertu nahi diet», adierazi du Txomin Sagarzazu Kultura eta Turismo arloko zuzendariak: «Guztion artean lehen mailako lehiaketa egin dezakegu eta asteburu berezia antola dezakegu». Alde Zaharrean eta Portuan Honakoak dira ekimenean parte hartuko duten establezimenduak: Batzokia, Etxeberria, Danontzat, Antxina, La Cantina de San Nikolas, Txantxangorri, Enbata, Gran Sol, Goxodenda eta Hondar. Hala, gastronomia ibilbide berezia prestatu dute: Damarri plazatik hasi, Alde Zaharrera igo, eta ondoren Portura jaitsi. Lehiatuko diren sukaldarien pintxo proposamenak dastatzeko aukera izango dute bide horrtean herritarrek, 2,5 euroan. «Lehiaketa larunbat goizean izango da Klink elkartean, hala, sareko hiri guztiei elkarte gastronomiko euskaldun bat ezagutzeko aukera emango diegu». Erdi Aroko Hiri eta Hiribilduen Sareak antolatzen [...]
Duela 35 urte, Fernando Artolak Bordari-k lagundutako Otzaski eskultore eta margolari elkartea sortu zuten. Orain arte, galeria Arma plazan izan badute ere, lokala lekuz aldatu dute, Damarri kalera. Bertan, datorren astelehenean, JJ de Garayren margo e...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
