
Joseba Agudo absolbitu egin du Espainiako Auzitegi Nazionalak, froga faltagatik

Joseba Agudo absolbitu egin du Espainiako Auzitegi Nazionalak, froga faltagatik

Gozatu egin dute Astarloza Taldeko kideek Euskal Herriko Itzulian. Jaiegunak tarteko, San Pedroko txirrindulariaren lagunek ez dute aukera alferrik galdu, eta hiru etapatan izan dira, txirrindularitzaz gozatzen, eta Astarloza animatzen. Asteazkenean Arraten izan ziren, ostegunean Ibardinen, eta larunbatean Oñatiko erlojupekoan. Euskalteleko Samuel Sanchezek Itzulia irabazita, Astarloza eta bere lagunek, denek bukatu dute pozik Euskal Herriko Itzulia.

Iruñerriko Itzuliaren barruko hirugarren etapa osatuko dute, Labiotik irten eta Arlegin bukatuz Aste Santuko etenaldiaren ondoren Jaizkibel Mendizale Taldekoek berriro ekingo diote mendi irteerak egiteari. Lehenbizikoa etzi dute, eta Iruñerriko Itzul...

Aste Santuan bisita gidatuak izan dira Errenteria-Oreretan, eta antolatzaileek jakinarazi dutenez, 75 lagunek parte hartu dute. Bisita kulturalak egin dituztela, eta aztarnak eta historia berreskuratu dituztela zehaztu dute. Bisitak euskaraz zein gazte...

Kasino Zaharrak bidaia antolatu du ekainaren 1etik 11ra, Roses (Girona, Herrialde Katalanak) herrira. Izena emateko epea astelehenean irekiko dute,eta elkartearen bulegoan eman behar da. Pertsona bakoitzak bi erreserba egin ditzazke gehienez. Bulegoa astelehen, asteazken eta ostiraletan irekiko dute, 10:30etik 12:00etara. Bidaiaren prezioa 370 eurokoa da bi oheko gelan, eta 510 eurokoa ohe bakarrekoan. Autobusa, bazkaria eta egonaldia prezio horien barruan daude. Argazkilaritza ikastaroa Argazkilaritza digitalari buruzko ikastaroa hasiko dute hilaren 20an Kasino Zaharrean. Astean behin egingo dute eta hilabete bat iraungo du. Doan da, eta 17:30etik 18:30era egingo dute. Kamera digitala eraman behar da.

Heldu den igandean, hilaren 15ean, Hendaian Kantuz ekimeneko saio berri bat iraganen da Merkatu Zaharrean. 11:30ean hasiko da euskal kantu zaharren zaleen saioa. Ekimena herritar guztiei irekia da.

Espainiako Auzitegi Nazionalak Joseba Agudo abokatu oreretarra absolbitzeko erabakiaren aurrean, “pozik” azaldu da Eleak mugimendua, epaiketa hori inoiz ez zela egin behar pentsatu arren. Horrenbestez, Agudo bera eta bere senideak zoriondu ...

Larunbatean harrera omenaldia eginen diote Joseba Agudo abokatu oreretarrari Hendaiako Zugana Kanttu herriko ostatuan. 13:00etan hasiko da eta, antolatzaileek aureratu dutenez, “txalaparta, bertsoak, dantza eta pintxoak” izanen dira. Martxoaren 22an utzi zuten behin-behinean aske abokatua; Espainiako Auzitegi Nazionalak libre utzi zuen Agudo “froga faltagatik” eta absolbitu egin zuen ustez “erakunde terroristako kide” izateagatik bere kontra 2009ko urrian abiatu zuten prozesutik. Data horretan atxilotu zuten Agudo Hendaian, Oiartzunen zuen bulegoa Guardia Zibilak miatu ondoren. Javier Gomez Bermudez magistratuak zuzendu duen epaile taldeak egin duen sententziaren arabera, ez da frogatuta gelditu “ETAk ematen zituen aginduak” betetzen zituenik Agudok.

Muliateko babes ofizialeko etxebizitzen eskriturak egiten hasi ziren herenegun, eta hilaren 22ra arte sinatuko dituzte jabeek. «Pozik gaude etxebizitzen sustatzaile eta eraikitzaile Miguel Imaz enpresak, eta inguru hori hiritartzen ari den Azysa enpre...

Jaiak urruti daude oraindik, baina Pasaiako lau barrutietan hasi dira prestaketarako lehen zantzuak. Donibanen, Itsas Mendik, gaurko deitu du Santa Ana egunez Habanerak kantatzeko lehen entsegua. Arrantzaleen kofradian bilduko dira entseatzeko, 19:30etik aurrera. Antolatzaileek puntualitatea eskatu dute, eta baita lehengo urteko partiturak eramateko.

Heldu den larunbat arratsaldean Letxunborroko etorbidea trafikora itxiko dute, bertan egingo duten txirrindularitza lehiaketa batengatik. Puiana eta Ibis hoteleko biribilguneen artean moztuko dute bidea, eta Errotako errepidetik desbideratuko dute trafikoa. Udaletik aurreratu dutenez, aldaketak behar bezala seinalatuko dituzte eta udaltzainak izango dira bertan, trafikoa arautzeko. Irungo Txirrindularitza Elkarteak antolatutako proba da, Kimu eta Haur mailetakoa. 16:00etan hasiko da eta ordu pare bat iraungo duela uste dute.

Eguraldiak lagundu ez duen arren, eskualdeko eskaintzek leku askotako jendea erakarri dute, inguruaz gozatzeko. Martxoaren 30etik hilaren 9ra, Hondarribiko Arma plazako eta kirol portuko, nahiz Irungo Luis Marianoko turismo bulegoek 25.360 kontsulta jaso dituzte: iaz baino 10.000 pertsona gehiago hurbildu dira eskualdera. Eguraldi txarraren ondorioz Aste Santuko ekitaldi nagusia —Ostiral Santuko Hondarribiko prozesioa— bertan behera gelditu bazen ere, oso itxaropentsuak dira datuak. Gainera, turismo bulegoek GPS gailuak erabiltzeko aukera eman diete bisitariei, eta horrela, sakelako telefonoekin ibilaldi gidatuak egin dituzte turistek. Hala, iazko datuekin alderatuta, bisita horien kopurua bikoiztu egin da: 105 egin dituzte guztira. Horrez gain, Irungo Oiasso museoak jaso dituen bisitak boskoiztu egin dira 2011ko Aste Santuarekin alderatuz gero. Museoan gehien ibili diren egunak ostirala, larunbata eta igandea izan dira. Leku askotako bisitariak izan dira Bidasoan: Katalunia, Madril, Valentzia, Galizia eta Frantzia, besteak beste. Hotelek aurreikusitakoa bete dute.

CCOO sindikatuak amiantoari buruzko hitzaldia antolatu du gaur arratsalderako, Irungo egoitzan. Sindikatuko Euskadiko Lan Osasuneko arduradun den Jesus Uzkudun izango da hizlaria. Sarrera librea da.

Tip Tap Clap dantza elkarteak, urtero bezala, masterclass-a antolatu du datorren asteko astebururako. Ikasturte honetan Ruben Sanchez Garcia (Lleida, Herrialde Katalanak; 1978) dantzariak emango ditu eskolak. Hilaren 20tik 22ra izango da ikastaroa. Oro...

Ibai Daboz Bidelan-Kirolgi taldeko txirrindulari lezoarrak afizionatu mailako lehenengo garaipena eskuratu zuen astelehenean Pitillasen (Nafarroa) egindako Pazkoko Zirkuituan. Zazpi txirrindularirekin batera ihes egin zuen lezoarrak. Pitillaseko helmug...

Hendaiako Gazte Informazio Bulegoak (GIB) udako lanetarako prestatze egun berezia antolatuko du hilaren 24an, asteartearekin. Hendaiako Herriko Etxeak eta Donibane-Lohizuneko Enplegu agentziak elkarlanean prestatu dute ekintza. Goizean, curriculum-ak egiteko tailerrak eginen dituzte eta, arratsaldez, lan-elkarrizketak prestatzen ikasiko da. Tokia mugartua denez, ezinbestekoa da aldez aurretik GIBen izena ematea. Hiru moduetara izan daiteke: telefonoz (0559 20 41 41 zenbakira deituta), posta elektronikoz, edo bulegoan bertan (goizez, asteartetik larunbatera 09:30etik 12:30era; eta arratsaldez, asteartetik ostiralera 14:30etik 18:30era). Bestalde, sasoiko lan eskaintzak biltzen dituen Udako Lanak ekintza apirilaren 17an hasiko da Gazte Informazio Bulegoan.

Lezoko Udalak Jaizkibel mendian egin dituen baso lanak txalotu ditu Oarsoaldeko Eguzkik. Talde ekologistak Natura 2000 Sarearen barruan dagoen eremuan egin dituzten lan horiek data zehatz batean egin dituztela nabarmendu du: “Nahita piztutako sutea egin eta bi urtera egin dituzte lan horiek. 500 hektarea erre zituen Jaizkibelgo iparraldeko magalean, abeltzain ezagunen mesedetan”. Pinudietan egindako soiltze lanak txalotu dituzte ekologistek: “Egin duten entresaka berezi horretan pinuak moztu dituzte, eta bertako zuhaitzak mantendu dituzte (haritzak, ametzak, lizarrak, urkiak…). Zuhaitz horiek pinuek zein beste zurgintza landaketek okupatutako eremua eskatzen ari ziren orain dela urte batzuk”. Lanen emaitzarekin pozik daude Oarsoaldeko Eguzkiko kideak, “baso natural indartsu bat egin delako”. Horrez gain, bizirik gabeko egur kopurua ere nabarmendu dute, flora eta faunako hainbat espezieentzako babesleku eta elikagai moduan balio duelako. “Horrez gain”, esan dute, “materia organiko hori ongarria izango da hamarkadatan zehar suteek eta pinuek kaltetu duten lurrarentzat”. Horrela, Lezoko Udalak egin dituen ekintzak eredu moduan hartzeko eskatu diete bai Gipuzkoako Foru Aldundiari bai gainontzeko udalei. “Gure basoen birgaitze integrala egiteko ahal diren baliabide guztiak jartzeko eskatzen diegu, biodibertsitatea zaintzeko egiten diren hainbat ekintza oker ekidinez”. Gaur egun pinudi “gehiegi” daudela uste du Eguzkik. “Insignis pinuak zein beste hainbat zuhaitz exotiko hondamendi ekonomikoa dira erakundeentzako, [...]

Heldu den igandean eginen dute seigarren Arte Erronka Zokoburuko Mendi Zolan kulturgunean. Aurten berrikuntza batekin dator; izan ere, Ipar Euskal Herriko eta Akitaniako gazteekin batera, Alsaziako gazte batzuek ere parte hartuko dute ekimenean. Hala, 80tik gora gazte elkartuko dira aurtengo saiorako. 2012ko ekitaldirako hautatutako gaia “ezberdintasuna” izan da. Igandean izanen da aurtengo Arte Erronka. 16:00etatik aurrera adierazpen artistiko anitzez osaturiko ikusgarria sortuko dute ia bat-batean. Herriko Etxeko Kultura zerbitzutik adierazi dutenez, “gazteek musika, dantza eta antzerkia, besteak beste uztartuko dituzte” igandeko erronkan. Horregatik, Kultura arlotik dei egin diete herritarrei “kopuru handian etor daitezen gazte horien babestera eta txalotzera”.

Oiartzungo Euskara Batzordearen bilera prestatu du udalak hilaren 19rako (osteguna). 17:30ean hasiko da, Manuel Lekuona Bibliotekako ganbaran. Denera, hamasei gai izango dituzte aztertzeko batzordekideek. Hainbat esparrutan euskararen erabilera, ezagut...