
Sindikatuaren iritziz, trafikoaren datuak «ezin kezkagarriagoak» dira, eta gainbehera, «etengabea» 3,2 milioi tona mugitu zituen iaz Pasaiako portuak, eta 2010eko datuekin aldaratuz gero, trafikoak %18an egin zuen behera. LABen iritziz, datuak «ezin kezkagarriagoak dira». Sindikatuaren arabera, 2003an sei milioi tona mugitu zituen portuak, eta ordutik, trafikoaren gainbehera «etengabea» izan dela dio. Haatik, Portu Agintaritzak «portua txiki» geratu dela defendatu eta kanpoko kaiaren eskean dabilela salatu du sindikatu abertzaleak, eta horren aitzakiapean egungo portuaren jarduera «itotzen dihardutela» iritzi dio LABek. «Tamainaren aitzakiarik ez du balio», salatu du sindikatuak, «gurea baino txikiagoak diren portuetan, Marin eta Villagarcia de Arousa kasu, edukiontzietan, milaka tona mugitzen dira; hemen, aldiz, deus ere» kexu dira. LABen ustez, Santurtzin sartzen diren baporeen %75 sar daitezke Pasaian. Murrizketak Bien bitartean, portuko langileen lan baldintzek okerrera egin dutela salatu du LABek, eta soldatetan eta eskubideetan «gero eta murrizketa gehiago pairatzen» ari direla gaineratu. «Portua hondamendira eramaten ari den zuzendaritza bera, Madrileko dekretuen itzalpean, langileon soldatak murrizten ari da, behin-behineko kontratuak eteten, eta enpresa akordioak desegin ditu». Norabide aldaketa Gauzak horrela, azpiegituraren gidaritzan «erabateko norabide aldaketa» izan behar dela uste du LABek. «Gezur eta manipulazioen erantzuleak agintetik baztertu», eta portua «instituzio, industria sare, langile eta inguruko biztanleen esku» uzteko eskatu [...]

Fermiñene etxean apuntatu behar da; 180.000 eurotik gora balio dute bi eta hiru logelako etxebizitzek Udalak jarri du martxan etxebitza tasatuen esleitze prozedura. Altzibarko Olalde eremuan 42 etxebizitza tasatu eraikiko dituzte, eta zozketa bidez esleituko dituzte. Maiatzaren 10era arte eman daiteke zozketarako izena. Lau baldintza bete behar dituzte izena eman nahi dutenek: adinez nagusiak edo emantzipatuak izatea; etxebizitzarik ez izatea; Oiartzunen erroldatuta egotea 2012ko urtarrilaren 1az gerotzik, edo azken 15 urteetan gutxienezko 5 urtez egon izana, edota Oiartzunen etenik gabe lanean aritu izana azken 10 urteetan; eta 2010. urtean titular izango diren guztien artean 12.000 euro eta 50.700 euro bitarteko diru sarrera haztatuak izatea. Hirugarren baldintzaren kasuan, errolda baldintza betetzen dutenek lehentasuna edukiko dute, azken 10 urteetan herrian lanean aritu direnen aurretik (entregatu beharreko dokumentuak, hemen). Izena eman nahi dutenek, Etxebizitza Bulegora jo behar dute: Fermiñene etxera, 943 49 10 00 telefono zenbakira, edota etxebizitza@oiartzun.org helbide elektronikora. Informazio gehiago badago udalaren webgunean ere: www.oiartzun.org. Zozketaren bidez 42 etxebizitza esleituko dituzte. Horietatik hamasei bi logelakoak dira, eta 24 hirukoak. Beste bi, mugikortasun urri iraunkorreko gaixotasuna duten pertsonentzat izango dira. Etxebizitzek garajea eta trastelekua izango dute. Bi logelakoek, batez beste, 180.000 euroko prezioa izango dute (BEZa gehitu behar zaie). Hiru logelakoek, berriz, [...]

Taiwanen egiten dituzte Guok flautak; hilaren 6tik dira Oiartzungo flauta jotzaileak enpresaren ikur Oiartzun Oiartzungo Flauta Taldeari esker, taldea, eta herria bera ere ezagutuko dute mundu guztiko musikariek. Izan ere, herriko taldea Guo flauta etxearen irudi izateko aukeratu dute. Joan den hilaren 6tik dira Oiartzungo musikariak flauten irudi. Guo tresna horiek entzutetsuak dira musikaren munduan. Taiwanen egiten dituzte. Munduan zehar, bederatzi musikari ziren, orain arte, enpresaren irudi. Oiartzuarrek, lehen taldea izatea lortu dute, eta Espainiako Estatuan ez dago halakorik lortu duen bakarkako musikaririk ere. Iñaki Gurrutxaga flauta taldearen zuzendariak nabarmendu duenez, gogorra izan da taldea aukeratu arteko bidea, «hainbat eta hainbat baldintza bete behar baitira». Baina azkenean izendapena lortu dute. Oso albiste garrantzitsua dela gogorarazi du: «Taldearentzat oso pozgarria da, noski, mundu mailan ezagutuko gaituztelako, eta gainera, herria bera ere mundu guztian ezagutuko dute». Plaka Valladoliden Bestalde, pasa den asteburuan Mota del Marques (Valladolid, Gaztela Leon, Espainia) herrian izan zen Gurrutxaga, Oiartzungo Flauta Taldearen izenean plaka bat eskaintzeko. Martxoaren 17an eta 18an bertan izan ziren oiartzuarrak, kontzertua ematen. Kontzertu hori, herri hartako gizarte zentro berrian egin zuten lehenengoa izan zen. Hala, plaka horrekin, momentu hura gogoraraziko dute aurrerantzean Mota del Marquesen.Gizarte zentroko areto nagusian jarri zuten asteburuan, herriko hainbat eta [...]

Don Boscoko ikasleek ikasi ez ezik praktikak ere euskaraz egitea sustatu nahi dute. Hala, gaur goizean hitzarmena sinatu dute ikastetxean bertan ekimenaren bultzatzaileek: Julen Mendoza Errenteriako alkateak, Luis Mari Carrasco Don Boscoko zuzendariord...

Hondarribiko Eskifaia Abesbatzak bigarren saria lortu zuen igandean, Ejea de los Caballeros (Zaragoza, Espainia) hirian egin zuten abesbatzen lehiaketan. Gorka Aierbek zuzentzen duen taldea ez zen eskualdeko partaide bakarra izan, Irungo Ametsa Gazte Abesbatza ere bertan izan zen. Beste bederatzi koruren aurka egin zuten lehia, eta Eskifaiak saria lortu zuen, lehiaketako bigarrena, irabazle nagusi izan zen Bartzelonako Ars In Nova Cor taldearen atzetik eta hirugarren izan zen Malina de Segurako (Murtzia, Espainia) Diatessaron abesbatzaren aurretik. Eskifaiakoak «oso pozik» bueltatu dira Zaragozan lortutako sariarekin. «Gure saioa egin ondoren, ez ginen oso sentsazio onekin atera. Ez genuen uste saria lortzeko modukoa izango zenik, baina gero, epaimahaiak bere balorazioa egin eta bigarren sailkatu ginen. Sorpresa izan da, agian norberak bere buruari asko exijitzen diogulako, eta gure muga non dagoen jakin eta ustez eman ezin ahal izan dugulako», esan zuen Ejea de los Caballerosen 28 kantarirekin aritu den Eskifaia abesbatzaren zuzendari Gorka Aierbek: «Koruak gogor lan egin du Ejeako lehiaketa prestatzeko». Laugarrena Zaragozan Ez da hau Eskifaiako hondarribiarrek Aragoiko herri horretako abesbatza lehiaketan lortzen duten lehenengo saria. 1980ko hamarkadaren hasieran,Javi Bustoren zuzendari zela, Ejea de los Caballerosen ere lehenengo saria lortu zuten hiriko abeslariek. Eta 2002 eta 2008 urteetan ere hirugarren saria lortu zuten [...]

Gaurko Kirolez blai! saioan, Euskal Herriko Itzulia eta klasikak izango dituzte hizpide Oiartzun Irratian. Gonbidatu hauek izango dira bertan, 13:15ean: Mikel Astarloza Euskalteleko txirrindulari sanpedrotarra; Arkaitz Iza BTT probetan parte hartzen du...

Alain Ducasse Frantziako sukaldariak Hondarribia bisitatu zuen asteburuan. Bixente Muñozen sukaldaritzak erakarrita egin zuen bisita, eta Gran Sol jatetxeko sukaldaritza tradizionala ezagutzeko aukera izan zuen ospe handiko sukaldari horrek. Ducasse hogei Michelin izar lortu dituen sukaldari bakarra da eta munduko hainbat tokitan ditu jatetxeak: Frantziako Estatuan, Britainia Handian Japonian eta Ameriketako Estatu Batuetan, besteak beste.

Haurrek txotxongiloekin gozatu ahal izango dute datozen bi ostiraletan. Izan ere, urtero bezala, aurten ere Lezoko Udalak txotxongilo emanaldiak antolatu ditu. Etzi, Kontakatillu antzerki taldearen txanda izango da. Katillukadak antzezlana aurkeztuko dute Gezala Auditoriumean, 17:00etatik aurrera. Ez da sarrerarik ordaindu behar emanaldiaz gozatzeko. Antzezlan horrek Katillu izeneko bertsolari ohiaren istorioa kontatzen du. Azken hogeita hamar urteetan txotxongiloekin batera aritu da ipuinak kontatzen, baita tortilla patata egiten ere. Antzezlanak txotxongiloak manipulatzeko bost teknika erakusten ditu, lau ipuin laburretan zehar. Guztira, 55 minutuko luzera izango du Kontakatillu konpainiaren lanak. Arkaitz Estiballes eta Uxue Alberdi bertsolariek zein Kukubiltxo antzerki taldeak parte hartu dute antzezlana idazteko orduan, besteak beste. ‘Bikokote’, bigarrena Hurrengo asteko ostiralean, hilaren 27an, Ttinbili Ttanbala antzerki taldearen txanda izango da. Bere lanik berriena oholtzaratuko dute Gezala Auditoriumean: Bikokote. Obra horrek txotxongiloak zein aktoreak batzen ditu. Bi baleagizon dira (Ibai Esoain eta Hodei Unzueta aktoreak) lanaren oinarria, eta istripua izaten dute. Uharte huts batera iristen dira, eta bizimodu bakartia arintze aldera, bi koko hartu eta txotxongilo bilakatzen dituzte. Hori da izenburuaren arrazoia, bikoteak bi koko erabiltzen dituelako. Gainera, munduaren berri izango dute uharte horretan, itsasoak bertaraino eramaten dituen objektuen bidez. Etzikoa bezala, antzezlana 17:00etan hasiko da. Doan izango da, eta 50 [...]

Berria taldearen aldeko Zure ziztada behar dugu kanpainaren barruan bilera egingo dute gaur Zuloaga Etxean, 19:30ean hasita. Informazio kanpainia herrian zabaltzeko ideiak jaso nahi dituzte, besteak beste. Berria egunkaria eta eskualdetako Hitzek osatz...

Zuparrobi mendiaren gailurrean banatuko dituzte sariak, eta Leitzan bazkalduko dute Igandean ospatuko du Itsastarrak-ek Finalistaren Eguna, mendizaleen taldeak antolatutako lehiaketetan lortutakoak saritzeko eguna. Aurten Leitzatik (Nafarroa) abiatuko da ibilaldia, eta Aritz mendilerroa zeharkatuz, Zuparrobi mendiraino igoko dira. Eguraldiak baimentzen badu, sariak gailurrean banatuko dituztela iragarri dute, 12:00etan. Bazkaria, berriz, Leitzako Musunzar jatetxean izango da. Izena emateko ondorengo telefono zenbakietara dei daitekeela ohartarazi dute Trintxerpeko mendizaleek: 943 39 07 26, 943 39 60 55 edo 943 39 60 29.

Ereintza eskubaloi taldea Zilarrezko Mailara igotzeko faserako sailkatu da, eta orain, noren kontra jokatuko duen zain dago. Herenegun bukatu zen fase horretarako izena emateko epea. Larunbatean jokatu zuen ligako azken partida Colindresen kontra, etxe...

Andaluziako kulturak beteko du hiru egunez Xabier Olaskoaga Plaza. Izan ere, Apirileko Feria antolatu dute bertan, etzitik hasita, bosgarren aldiz. Concha Rociera eta Aljarafe, Errenterian dauden Andaluziako bi elkarteek, txandaka antolatzen dute Apiri...

10:00etan aterako dira Kausoroko parkinetik; ‘Gipuzkoa ezagutzeko sei plan’ liburuxkan jaso dute ibilaldia Gipuzkoako Foru Aldundiak irteera antolatu du iganderako, hilaren 22rako, Aiako Harrian barrena. Nahi duen orok parte har dezake. 10:00etan a...

Ostegunetan musika izan ohi da protagonista De Cyne Reynan, eta oraingoan, Javier Ruiz musikari donostiarraren bisita jasoko dute. Askotariko doinuak jotzen ditu: Latinoameriketako musika, pop, rock… Kontzertu horretan, gainera, Manu Larramendi e...

Irungo Ogasuneko ustezko iruzurraren inguruko epaiketak jarraipena du gaur Donostiako Lurralde Auzitegian, auzitegiko presidente Iñaki Subijana buru duen epaimahaiak Jose Maria Bravo Irungo bulegoko zuzendari ohiaren defentsak epaiketa bertan behera ...

Aiton Borda Lezoko erretiratuen elkarteko kideek hitzaldia antolatu dute gaur arratsalderako. Bertan osasun gaiak izango dituzte hizpide. Zehazki, Alzheimerra eta buruko infartuak (iktusak) izango dira gaur arratsaldean jorratuko dituzten osasunari lotutako gaiak. Garunak osasuntsu iraun dezan prebentzioa beharrezkoa dela nabarmendu du herriko erretiratuen elkarteak, eta hitzaldian horri buruzko hainbat argibide emango dituzte. Horiek guztiak jakin nahi dituztenak, Donibane kaleko Kultura Aretora hurbildu besterik ez dute egin behar, arratsaldeko lautan. Bi bidaia Bestalde, gogorarazi dute bi txango egingo dituztela. Alde batetik, gaur zortzi Bilbora joango dira, Guggenheim museoa eta Alondegia ikustera, besteak beste. Bilboko Montenegro jatetxean bazkalduko dute. Ekainaren 23tik 30era Benidormera (Alacant, Herrialde Katalanak) joango dira herriko erretiratuak, autobusez. Izena eman eta informazio gehiago nahi dutenak elkartearen bulegotik pasatu daitezke, asteartetik ostiralera. Ordutegia 11:00etatik 12:30era da. Aiton Bordak gogorarazi duenez, autobusa bete arte egongo da izena emateko aukera.

Bost alderdiek estrategia nazionalerako konpromisoaren eskema adosturik daukate, eta haren berri emango dute apirilaren 28an, Ficoba erakustazokan. Atzo Baionan egindako prentsaurreko batean eman zuten deialdiaren berri. Ezker abertzaleko kide den Xabi...

Etzi, ostiralarekin, Kasual Friday-a egingo dute Olaberriako Bitamine Faktorian. Hiru orduz kultur jarduera batez gozatzeko aukera izango da, eta zenbait edari eta pintxo dastatzeko ere (5 euro ordainduta edari bat eta nahi adina janari). Antolatzailee...

Irungo Lakaxita gaztetxeak zazpi urte beteko ditu asteburuan, eta ezer aldatu ez dela aldarrikatzeko bideari ekin zioten bezala ospatuko dute, Jaion batekin. Izan ere, 2004an Gazte Asanbladak antolatutako hirugarren jai ibiltaria baliatu zuten Anakako ...