
2-0 irabazi dio Pasaiak Hondarribiari, eta Trintxerpek, berriz, 5-1 galdu du Aloña Mendiren kontra. Zuri-gorriak gogor eutsi diote sailkapeneko bigarren postuari. Zuri-urdinak, aldiz, hamabigarrenean dira.

Liburuaren Eguna dela eta, gaur, Trintxerpeko Karmengo Ama ikastetxean ipuinak kontatu dituzte hainbat hizkuntzatan. Gurasoen eta boluntarioen laguntzaz euskaraz ez ezik, gazteleraz, portugesez eta ingelesez irakurri dituzte ipuinak, bai Haur Hezkuntzan baita Lehen Hezkuntzako haurrentzako ere. Haurrak adinaren arabera banatu, eta ipuin zirkuitutik zehar pasatzen joan dira, ipuinak hizkuntz ezberdinetan entzunez.

Hilaren 26an 75 urte beteko dira Gernika bonbardatu zutela, eta Errenteriako Udalak ere antolatu ditu egun hori oroitzeko ekitaldiak. Dagoeneko ekintza bat martxan dago: Gernika 1937-2012 erakusketa. Xenpelar Etxean jarri dituzte Picassoren koadroan oinarritutako 30 egur taila. Ostegunean, berriz, bonbardaketaren urteurrenean, Gernika, bonbardaketa dokumentala emango dute Errenteria Hiria Kulturgunean. 18:30ean hasiko dira proiektatzen. Maiatzean sartuta, 2an eta 10ean 1937, gogoaren bidezidorretatik ikuskizuna emango du Kukai dantza konpainiak. Ikuskizun hori ikasleentzako bakarrik izango da. Bi egunetan 09:30ean izango da Errenteria Hiria Kulturgunean.

Futbola Erregional Preferentea Touring-Ostadar 0-0 Tolosa B-Beti Ona 1-2 Saskibaloia Gipuzkoako txapelketa. Senior emakumeak. A-2. Laugarren taldea. Cafes Aitona B-Oiarso 52-46 Gipuzkoako txapelketa. Senior emakumeak. A-2. Laugarren taldea. Oiarso-Ca...

Larunbat arratsean, kontzertu berezia eman zuen Oiartzungo Flauta Taldeak. Kide ohiak omendu zituzten Killirikupen, 19:30etik aurrera. Eguraldiak lagundu ez arren, jende dezente bildu zen emanaldiaz gozatzera. Kontzertuaren atsedenaldi batean, Juan Mari Barrenetxeak, aurkezle lanetan, taldeko kide ohien ibilbidearen errepasoa egin zuen. Hauek omendu zituzten: Nahia Aguado, Juncal Aldareguia, Edur Ansa, Izar Azpiroz, Olaia Azpiroz, Irene Barrenetxea, Ane Beldarrain, Amaia Bergaretxe, Amaia Burgos, Lide Cenzano, Ane Esteban, Ane Narbarte eta Aintzane Rezola. Opari txiki bat ere eman zieten. Batzuek ezin zuten bertan egon, eta gurasoek jaso zuten oparia. Kontzertua bukatu ondoren, denek batera argazkia atera zuten (taldeko egungo kideek, eta kide ohiek).

Frantziako Alderdi Sozialistak (PS) lortu zituen atzo boto gehien Frantziako Estatuko presidentzia hauteskundeetako lehen itzulian Hendaian eta Biriatun. Hendaian 2.225 bozka lortu zituen PSko zerrendaburu Francois Hollandek (%35,42), eta UMPko Nicolas...

Oiartzungo gazteak Kataxulo gaztetxearen seigarren urteurrena ospatzeko jai eguna dute gaurkoa. 13:00etan ekin diote ospakizunari, gaztetxean bertan egin duten ekitaldiarekin. Ondoren bazkarian bildu dira eta orain jolasak egiten dihardute. 19:00ak inguruan irtengo dira herriko kaleak girotzera, elektrotxarangarekin batera, eta gauerako kontzertuak daude iragarrita.

Preso politikoen eskubideen defentsa bere gain hartuta, Herrira herri bilgunea sortu dute Euskal Herrian, eta Irunen gaur goizean egin dute bilgunearen aurkezpena. “Garai berriak, lan egiteko modu berriak eta filosofia berriak, beti ere azken helburua garbi edukita, preso politikoen eskubideen defentsa eta gure herrira benetako bakea ekartzearen nahia”, dute helburu.

Telleriko Ikasle eta Gurasoen Elkartea “Tapoi Solidarioak” biltzen dihardu, eta laguntza eman nahi duten herritar orori ekarpena erraztu asmoz, tapoiak Telepizzan utz daitezkeela iragarri dute. Interneteko helbide bat ere zabaldu dute, info...

Asteazkenean ospatzen da San Marko Eguna eta erromeria hurrengo igandean izango da, hilaren 29an. Aurten berritasun ugari iragarri dituzte erromeria egunerako, nabarmentzekoak, haur eta gurasoentzako Euskal Olinpiar Jokoak eta Ze Esatek taldearen kontzertua. Horrez gain, Independentistak Sareak deitutako martxa (10:30ean abiatuko da Xenpelarretik); San Markoko Krossa (11:30ean); herri bazkaria, Iñaki Labakaren kontzertua bazkal ostean, eta txokolate jatea (17:00etan). Ze Esatek taldearen kontzertua 18:30ean hasiko da.

Antxoko Herrirak jakinarazi berri duenez, aurki, ostiraleko mobilizazioei buruzko proposamena kaleratuko dute, azaldu dutenez, mobilizazioak “gure aldarrikapenekin bat egiten duten guztion neurrira egin” asmoz. proposamena jaso eta iritzia eman nahi duten guztientzat ondoko helbidea zabaldu dute:pasaiantxokoherrira@gmail.com. Ostiralean, hilabeterako azken ostiraletan egin ohi den legez, kartelada izango da Antxon, 20:00etan, Gure Zumarditik abiatuta.

Habaneren doinuak lagunduta eman zioten atzo azken agurra Luxiano Eizagirre iheslariari. Donibanen itsasoratu zituzten haren errautsak.

Nazioarteko Preso Politikeon Egunaren harira, asteazkenean Mousa Abu Marya palestinarrak herria bisitatuko du, eta hitzaldi bat emango du Xenpelar Etxean, 19:30etik aurrera. Oarsoaldeko Askapenak antolatu du ekitaldi hori. Erakundetik jakinarazi dutene...

Ttur-ttur Euskaltzaleon Bilguneak hamar urte betetzen ditu aurten, euskararen alde lanean. Hori ospatzeko, urte osorako egitaraua prestatzen ari da: film emanaldia, argazki erakusketa, Udazken Jaia… Horrez gain, irudi berria du. Betikoa moldatu, eta hamargarren urteurrena dela gogoraraziko die, hala, herritarrei. Urte osoan erabiliko dute. Bestalde, Facebook kontua (Ttur-ttur Euskaltzaleon Bilgunea) sortu dute, herritarrei eurei buruzko informazioa eta ekintzen berri emateko.

Iragan ostegunaz geroztik Herbeheretako 25 ikasle daude Lizeoko Batxilergoko lehenengo mailako beste hainbeste ikasleen etxeetan. Astebete emango dute Pasaian, datorren ostegunera arte, Pasaia-Lezo Lizeoak Roermond hiriko Bisschoppelijk College Broekhin institutoarekin elkarlanean antolaturiko eskola trukearen barruan. Ekimena ez da berria. Aurtengoa ikastola berarekin gauzatzen den zortzigarren elkartrukea da. Pasaia-Lezo Lizeoko ikasleek martxoan izan ziren Roermonden. Pasaian emango duten astean, ekimenez beteriko egitarauaz gozatuko dute ikasle herbeheretarrek, beti ere Lizeoko ikasleen laguntzarekin. Atzo, esaterako, Donostia ezagutzeko aukera izan zuten: Ondarreta, Kontxa, Haizeen Orrazia, Igeldo, San Telmo Museoa… Gaur, berriz, Larrunera joateko asmoa zuten, baita Donibane Lohizune eta Hendaiara ere; Bihar, ordea, beren sendi euskaldunekin igarotzeko eguna izango dute. Datorren astean, bien bitartean, badia, Olite edota Iruñea ezagutuko dituzte, eta, era berean, arraunean aritzeko, esku pilotan jokatzeko nahiz hemengo jaki goxoak dastatzeko parada izango dutela jakinarazi dute Lizeoko iturriek. Txangoak baino gehiago Irteerez gain, ikasle herberehetarrek eskolak ere jasoko dituzte egonaldian, Lizeoko hainbat irakasleren eskutik. Hala nola, euskarari buruzkoa edota fisikaren ingurukoa. Asteazkena, halaber, egonaldiaren puntu gorena iritsiko da: kultur ekitaldia edo cultural evening delakoa. Egun horretan, ikasle herbeheretarrek haien kultura, hizkuntza eta ohiturei buruzko saioa eskainiko diete trukean parte hartzen ari diren ikasle eta sendi euskaldunei. Eta, esan [...]

Primeran dabil Touring aurten, eta zaleak ez diote huts egingo. Gaur Amulletako Danbor Kofradiako lagunak joan zaizkio partidara, taldearen elastikoak soinean, eta dianaren doinuak lagun, taldea animatzera. Ostadarren kontra jokatzen ari da Touring, Fanderian. Touring Preferenteko liderra da 65 punturekin, eta Ostadar du kontrario zuzenena, bigarren postuan, 62 punturekin.

Andaluziarrak eta Andaluzia zaleak; denak batu dira gaur Xabier Olaskoaga plazako karpan. Apirileko Feria ospatzen ari dira, eta eguerdian haurrei sevillako dantzak ikasteko tailerra izan da. Jende asko animatu da hango jaki eta edariak dastatzen. Feria bihar arte luzatuko da.

16:30ean hasiko da gaur Don Boscon Pasaia eta Hondarribia arteko partida. Zaleen berotasunarekin, hiru puntuak lortzeko gogotsu zelairatuko dira zuri-gorriak. Trintxerpek bihar jokatzen du, Oñatin, Aloña Mendiren kontra.