Saroizigarrenea baserriko maizterrak kaleratzearen kontra dago udala
Hondarribiko Udaleko Udalbatzak ostiral goizean egindako ezohiko eta presazko bilkuran, aho batez onartu zuen eguneko aztergaian zuen puntu bakarra: Arkoll auzoko Saroizigarrenea baserriko maizterrak kaleratzearen kontrako aitorpena egitea erabaki zuten alderdi guztiek. Gurrutxet familiako hiru belaunaldi bizi izan dira maizter gisa Saroizigarronea baserrian. Irungo Lehen Auzialdiko Epaitegiak emandako epaiaren arabera, familia hau baserritik kaleratzeko zorian dago. «Jurisdikzio organoaren irizpidearekiko errespetu osoa izanik, eta bere erabakiari men eginez, gure iritzia eman nahi genuke, alegia, gure ustez ahalegin berezia egin zitekeela, eta egin daitekeela, auzitan dabiltzan alderdiak akordio batera iristeko», esan dute udal ordezkariek. Arrazoi juridikoak alde batera utzita, gaian «alderdi sozial berezi bat» badagoela esan dute alderdietako kideek: «Bertan bizi eta lan egiten duenak burutzen duen lurra eta mendiaren zaintza, Hondarribia osoaren onurarako da. Kaleratze honek nekazaritza ustiapenaren galera eta lurraren eta baserriaren beraren zaintza bertan behera geratzea eragin lezake, baita familiaren beraren diru euskarriaren galera ere. Hori guztia Hondarribiko berezko ondarea izanik». Hondarribiko ondarea Hala, ondorengoa ebatzi zuten ezohiko osoko bilkuran: bi alderdiei akordio batera iristeko deia egitea, «bientzat bidezkoa eta ona den akordio batera, batez ere jabetzari ahalik eta ahalegin handiena egitea eskatuz, Gurrutxet familia baserriaren alde eta lurra lantzeko egiten ari den lana kontuan har dezan, izan ere, [...]
Hondarribiko Udaleko Udalbatzak ostiral goizean egindako ezohiko eta presazko bilkuran, aho batez onartu zuen eguneko aztergaian zuen puntu bakarra: Arkoll auzoko Saroizigarrenea baserriko maizterrak kaleratzearen kontrako aitorpena egitea erabaki zuten alderdi guztiek.
Gurrutxet familiako hiru belaunaldi bizi izan dira maizter gisa Saroizigarronea baserrian. Irungo Lehen Auzialdiko Epaitegiak emandako epaiaren arabera, familia hau baserritik kaleratzeko zorian dago. «Jurisdikzio organoaren irizpidearekiko errespetu osoa izanik, eta bere erabakiari men eginez, gure iritzia eman nahi genuke, alegia, gure ustez ahalegin berezia egin zitekeela, eta egin daitekeela, auzitan dabiltzan alderdiak akordio batera iristeko», esan dute udal ordezkariek.
Arrazoi juridikoak alde batera utzita, gaian «alderdi sozial berezi bat» badagoela esan dute alderdietako kideek: «Bertan bizi eta lan egiten duenak burutzen duen lurra eta mendiaren zaintza, Hondarribia osoaren onurarako da. Kaleratze honek nekazaritza ustiapenaren galera eta lurraren eta baserriaren beraren zaintza bertan behera geratzea eragin lezake, baita familiaren beraren diru euskarriaren galera ere. Hori guztia Hondarribiko berezko ondarea izanik».
Hondarribiko ondarea
Hala, ondorengoa ebatzi zuten ezohiko osoko bilkuran: bi alderdiei akordio batera iristeko deia egitea, «bientzat bidezkoa eta ona den akordio batera, batez ere jabetzari ahalik eta ahalegin handiena egitea eskatuz, Gurrutxet familia baserriaren alde eta lurra lantzeko egiten ari den lana kontuan har dezan, izan ere, arazo juridikoak alde batera utzita, hiriko ondarea da», argitu zuten.
Baserriari lotuta
«Baserria nire bizitza da, ez daukat dirurik, ezta ondasunik ere, baina lurra maite dut», esan du Mari Karmen Gurrutxetek, baserriko biztanleak. Bere bizitzeko estiloa defendatzeko prest dago: «Ni hontaz bizi naiz, nire bizitza osoa baserriari eman diot. Baserria nirea izango balitz bezala zaindu dut».
Ostiral goizean egin zuten ezohiko eta presazko bilkura.
