160 ikaslek parte hartuko dute eskola jardunaldietan
Aurreko urteetako arrakasta ikusita, aurten ere Eskola Jardunaldi Gastronomikoak antolatu dituzte, hirugarrenez. Hala, ostirala bitartean herriko bost ikastetxetako 160 ikasle sartuko dira sukaldaritzaren munduan. Parte hartuko duten ikastetxeak Lang...
Aurreko urteetako arrakasta ikusita, aurten ere Eskola Jardunaldi Gastronomikoak antolatu dituzte, hirugarrenez. Hala, ostirala bitartean herriko bost ikastetxetako 160 ikasle sartuko dira sukaldaritzaren munduan. Parte hartuko duten ikastetxeak Langaitz, Beraun Berri, Gurutzearen Alabak, Orereta Ikastola eta Koldo Mitxelena dira.
Aurten Niessen elkartea batu zaio ekimenari. Beraz, Euskaldarrak elkarteaz gain, Niessen elkarteko sutondoan ere ibiliko dira ikasleak, gastronomiaren nondik norakoak ikasten.
Udalarekin batera antolatu dute elkarteek ekimena, eta Kultura Sailak jakinarazi duenez, Euskaldarrak elkartean honako irakasleak izango dituzte 10 eta 12 urte arteko haurrek: Javier Aramendia okin eta gozogilea, Landareko talogileak, Aitor Zabala eztigilea, Elena Arzak eta Igor Zalakain sukaldariak, eta Yoli Troitiño cocktelgilea.
Niessen elkartean, berriz, odolkiak egiten irakatsiko diete hango bazkideek. Goizez izango dituzte eskolak.
