Zaleak omenduko ditu Bidasoa Irunek bihar, ateak irekiz
Bidasoa Irunek bihar arratsaldean Badajozen kontra jokatuko duten partidarako ateak irekiko dituzte. Bidasoa Eskubaloi Taldeko Zuzendari Batzordearen azken bileran hartu zuten erabakia, “bazkideei eta zaleei denboraldi osoan erakutsiko fideltasun...
Bidasoa Irunek bihar arratsaldean Badajozen kontra jokatuko duten partidarako ateak irekiko dituzte. Bidasoa Eskubaloi Taldeko Zuzendari Batzordearen azken bileran hartu zuten erabakia, “bazkideei eta zaleei denboraldi osoan erakutsiko fideltasunagatik eskerrak emateko”. 18:00etan hasiko da norgehiagoka. Aurten 50 urte beteko dira Bidasoa taldea sortu zenetik, eta urteurren ekitaldien hasiera ere egingo dute bihar. Gainera, Euskadiko Federazioak oroigarri bat emango dio Jon Azkue jokalariari, denboraldiko Gazte Mailako jokalari onena izendatu bait dute.
Janari bilketa
Biharko partida probestuz Toki Alai Bigarren Hezkuntzako ikastetxeko Hiritartasuneko Hezkuntza eta Giza Eskubideak irakasgaiko ikasleek oinarrizko betebeharrak asetzeko produktuak jasoko dituzte, bai jatekoak, baita garbiketakoak. Horretarako mahai bat jarriko dute kiroldegian. Bildutako produktuak Gipuzkoako Elikagaien Bankura eramango dituzte, erakunde horrek banatu ditzan. Bidasoa Taldeak bat egin du ikasleen egitasmoarekin.
