Udaleku irekietan izena emateko epea maiatzaren 2an zabalduko dute
Uztailean izango dira udalaren Gazteria eta Kirol Departamentuak antolatzen dituen udalekuak Maiatzaren 2an irekiko dute udaleku irekietan izena emateko epea, haurrentzat zein begiraleentzat. Udalekuak, berriz, uztailaren 2tik 27ra izango dira aurten, 09:30etik 13:00etara, eta astelehenetik ostiralera, eta beti bezala, Pasaiako Udalaren Gazteria eta Kirol Departamentuak antolatu ditu. Plazak mugatuak dira; guztira, 360 eskainiko dituzte. Eskaria eskaintza baino handiagoa izatekotan, zozketa bidez erabakiko dute plazen adjudikazioa. Antolatzaileek zehaztu dutenez, udalekuetan jarduera asko egingo dituzte plaza lortzen dutenek: jolasak, kirola, tailerrak, herriko kultura eta ingurunea ezagutzeko irteerak, mozorroak, txotxongiloak, dantza, antzerkia, ipuinak… Gehienez 10-12 haur hartuko dituzte talde bakoitzean, eta talde bakoitzeko begirale bana izango dute txikiek. 2001 eta 2009 urte bitartean Matrikulak 68,10 euro balio du eta ordainketa haurraren izenean egin behar da, ordainagirian izen-abizenak zehaztuta. Izena ematerakoan, matrikula orriarekin batera, ordainagiria eta haurraren osasun txartelaren kopia aurkeztu behar dira. Haur Hezkuntzako haurren kasuan, berriz, nortasun agiriaren edo familia-liburuaren kopia aurkeztu behar da. Udaleku irekietan 2001 eta 2009 urteen bitartean jaiotako haurrek eman dezakete izena. Begiraleak Udalekuetan begirale izan nahi dutenek gutxienez 18 urte eduki behar dituzte, eta hautagaiek azterketa bat egin beharko dute. Azterketa gainditzen dutenei merituak baloratuko dizkiete. Hautaketa proba Urtxintxa Eskolak egingo du, maiatzaren 11n. Lanerako hautatuko dituzten [...]
udalekuetako haurrak
Uztailean izango dira udalaren Gazteria eta Kirol Departamentuak antolatzen dituen udalekuak
Maiatzaren 2an irekiko dute udaleku irekietan izena emateko epea, haurrentzat zein begiraleentzat. Udalekuak, berriz, uztailaren 2tik 27ra izango dira aurten, 09:30etik 13:00etara, eta astelehenetik ostiralera, eta beti bezala, Pasaiako Udalaren Gazteria eta Kirol Departamentuak antolatu ditu.
Plazak mugatuak dira; guztira, 360 eskainiko dituzte. Eskaria eskaintza baino handiagoa izatekotan, zozketa bidez erabakiko dute plazen adjudikazioa.
Antolatzaileek zehaztu dutenez, udalekuetan jarduera asko egingo dituzte plaza lortzen dutenek: jolasak, kirola, tailerrak, herriko kultura eta ingurunea ezagutzeko irteerak, mozorroak, txotxongiloak, dantza, antzerkia, ipuinak…
Gehienez 10-12 haur hartuko dituzte talde bakoitzean, eta talde bakoitzeko begirale bana izango dute txikiek.
2001 eta 2009 urte bitartean
Matrikulak 68,10 euro balio du eta ordainketa haurraren izenean egin behar da, ordainagirian izen-abizenak zehaztuta.
Izena ematerakoan, matrikula orriarekin batera, ordainagiria eta haurraren osasun txartelaren kopia aurkeztu behar dira.
Haur Hezkuntzako haurren kasuan, berriz, nortasun agiriaren edo familia-liburuaren kopia aurkeztu behar da.
Udaleku irekietan 2001 eta 2009 urteen bitartean jaiotako haurrek eman dezakete izena.
Begiraleak
Udalekuetan begirale izan nahi dutenek gutxienez 18 urte eduki behar dituzte, eta hautagaiek azterketa bat egin beharko dute. Azterketa gainditzen dutenei merituak baloratuko dizkiete.
Hautaketa proba Urtxintxa Eskolak egingo du, maiatzaren 11n. Lanerako hautatuko dituzten begiraleek prestakuntza ikastaro batean parte hartu beharko dute, udalekuetarako beharrezkoak izango dituzten programazio ereduez, metodo pedagogikoez eta antzeko baliabideez gutxieneko heziketa izateko.
Ikastaroa derrigorrezkoa izango da udalekuetan lanean hasiko diren begirale guztientzako, eta ekainaren 1ean, 2an eta 3an izango da.
Hautaketa prozesuaren ondorioz sortuko den begiraleen zerrenda, Pasaiako Udalak beste egitarau edo behar batzuetarako erabili ahal izango duela ohartarazi dute udalekuen antolatzaileek.
