
Oiartzun Irratiko Kirolez blai! saioan pilotaz ariko dira gaur, 13:15etik aurrera, FM107an: Euskal Herriko VIII. Pala Txapelketari buruz ariko da Joxe Migel Lopez esataria Martxel Toledorekin, eta Eskuz Binakako Txapelketaren gainean Abel Barriola eta ...

30-32 galdu zuten arrosek lehengo igandean. Partidaren azken txanpan markagailuan aurreratzea lortu zuen arren, epaileen erabaki eztabaidagarriek jokalariak urduritu eta garaipenak ihes egin zien beste behin.

Bakalau elkarteak antolaturik, irish folk gaua antolatu dute ostiralerako, hilaren 16rako, Pausuko Xaia ostatuan. Joan Baro abeslari eta musikari katalana izanen da gonbidatua. Komeni da telefonoz erreserbatzea, lekua ziurtatzeko.

Herenegun jokatu zuten Errenteriako kaleetan Gazte Mailako XXIX. Errenteria Hiria Txirrindularitza Saria. Mutiletan Cristian Torres nagusitu zen, eta nesketan Irene San Sebastian. Beste bi sari ere banatu zituzten: Gaizka Castelruiz saritu zuten herrik...

Hilaren 17an egingo dute Donostian Euskaraz Bizi Eguna, Euskal Herrian Euskarazek (EHE) antolatuta, “euskaraz bizitzearen aldeko hautuari behar den bultzada emateko”. Egitarau oparoa prest dute antolatzaileek, goizez eta arratsaldez jaiaz gozatzeko. Trinitate plazan ekimen ugari egingo dituzte, eta arratsalderako, Euskalduna naiz eta harro nago! lelopean nazio manifestazio “koloretsua” prestatu dute. Eguerdian, Konstituzio plazan herri bazkaria, eta ilunabarrean, kontzertuak iragarri dituzte. Praktika burujabea hautatu Oreretako Euskal Herrian Euskarazek egun horretarako deia luzatu du, “Euskal Herri euskaldun eta burujabe baten alde” egiteko, eta herritar guztiak animatu ditu Donostiara joatera. Datorren larunbatekoa, “euskaldunok sasi artetik salto egin eta garenaz harro gaudela erakusteko eguna” izango dela gaineratu zuen Oreretako EHEk pasa den larunbatean, hainbat herritar eta eragilerekin batera egindako agerraldian. Euskal komunitatea hizkuntza komunitate minorizatua dela ere gogorarazi zuen: “Euskal Herrian bizi garen hiru milioi biztanleetatik laurdenak baino ez dakigu euskaraz, eta euskal hiztun guztiak gara gaztelaniaz edo frantsesez elebidun, mendeetako asimilazio prozesuaren ondorioz”. Praktika burujabearen aldeko hautua indartu beharra nabarmendu zuten, bestalde, EHEko kideek “erdararen hegemoniarekin” amaitu eta euskaraz bizi den herria bilakatzeko. Horretarako, ezinbestekotzat jo zuten norbanakoen “determinazioa” eta baita euskaldun komunitatearena ere, “dimentsio kolektiboa ezin dugulako ahaztu”. Euskaraz bizitzearen aldeko hautua egitea nahikoa ez dela eta, euskarak bere lurralde osoan “lehentasunezko [...]

FUTBOLA Ohorezko Erregional Maila. Oiartzun-Hondarribia: 0-1. Estatuko Bigarren Maila. Pauldarrak-Oiartzun: 0-2. ARETO FUTBOLA Gipuzkoako Lehen Maila. Oiartzun-Egintza: 4-1. Bigarren Maila. Idiazabal-Power Rangers: 5-4. Hirugarren Maila. Hirukide-...

Eremuari eman zaion erabilera desegokiagatik degradatuta dago; beste eremu industrialetan gauza bera egin nahi du Lanbarren txukuntzen hasi da udala: «Eremuan egindako erabilera okerrak —kamioiak eta erremolkeak edozein gisara aparkatzeko erabili dute tokia garraiolari askok—, ingurua hondatu du eta jarduera ekonomiko berriak martxan jartzea oztopatu du». Udala gaizki utzitako kamioi horiek guztiak Lanbarrendik erretiratzen hasi da, eremua txukuntzen hasteko lehendabiziko neurri gisa. Horretarako, kamioientzako zepoak erosi ditu eta isunak jartzen hasi da. Behin kamioiak erretiratuta, konponketak egingo ditu eremua txukuntzeko: «Argiteri-altzariak konpondu, hondatuta dauden arketak aldatu…». Zazpi hilabeteko epean eremua berriz ere txukun egongo dela espero du udalak. Enpresekin lankidetzan Lanbarren txukuntzeko ezinbestekoa da bertan jarduera ekonomikoa duten enpresekin lankidetza, udalaren iritziz. Udalak jada egitasmoa aurkeztu die Lanbarrengo eremu logistikoan dauden enpresei (22tik 17rekin bildu da), haien ekarpenak ere jaso asmoz. Honela, Lanbarrengo eremuko enpresen zortzi ordezkarirekin lantaldea osatu du udalak. Udalak zenbait proposamen aurkeztu dizkie bertako enpresei, egoera hobetzeko: «Ingurua kamioiak aparkatzeko egokitzea eta enpresa bakoitzari bina plaza uztea, beste 30 plaza alokairu arrazional batean eskaintzea edota inguruan sartzen diren garraiolariak kontrolatzea». Enpresek neurri horietako batzuk begi onez ikusi dituzte eta beste batzuk egokitzeko proposamenak egin dituzte. Lanbarrengo eremu industrialean dauden enpresekin ere antzeko zerbait egingo du udalak: «Hauen [...]

Antxoko alkateorde Izaskun Biurrrunek herritarrak hartzen ditu asteazkenero Azokan, baina biharko dei berezia egin du alkateordeak, eta batzar informatibora deitu ditu herritar guztia. Antxoko mugikortasunari eragingo dioten hainbat aldaketa eta Luzu...

«Krisi garaiek kontsumitzaileen aukerak murriztu» dituztelako, herriko ostalariek Hondarribiko Pintxo 2.0 ekimena martxan jarriko jarriko dute bihartik aurrera. Portuko hamar tabernak eta Amuteko batek parte hartuko dute ekimenean. «Moda bat dela badakigu, baina Hondarribiko kasuan, bi euroren truke pintxoa eta tragoska eskaintzeaz gain, kalitatea zaindu nahi dugu. Maila handiko lokal eta sukaldariak daude Hondarribian», azaldu zuen ostiralean Ion Bergara Enbata tabernako arduradun eta ekimeneko partaideak. Asteazken eta ostegunero Hondarribiko Pintxo 2.0 ekimena asteazken eta ostegunero egingo dute, eta bertako tabernariek eta Hondarribiko Ostalaritza Elkarteak sustatuta sortu dute. Astero izango da eskaintza berezia —jaiegunetan eta jai bezperatan izan ezik—, eguerdian eta gauean, ekainaren 21a arte. «Bezeroak erakarri eta bertako ostalaritza dinamizatu nahi dugu, baina hondarribiarrei zuzenduta dago bereziki, pintxo berriak eskainiko baititugu astero, ardo edo bestelako edariekin lagunduta», azaldu zuen Bergarak. «Pintxo-poteak arrakasta izango duela uste dugu, eta jendea astegunetan gugana hurbiltzea espero dugu», adierazi zuen ostiralean Enbata tabernako jabeak. 11 parte hartzaile Hiru hilabetez Hondarribiko Pintxo 2.0 ekimenean parte hartuko duten hamaika tabernak honakoak dira: San Pedro kaleko Ardoka, Goxodenda, Ignacio, Itxaropena, Lekuona, Txantxangorri eta Yola Berri; Zuloaga kaleko Hondar; Almirante Alonso kaleko Kai Zaharra eta Amute auzoko Casa Manolo. Ekimenaren bultzatzaileek nabarmendu dutenez, ez dira izan Hondarribian ekimena martxan [...]

Aretxabaleta zailaren kontra meritu handiko garaipena lortu zuen Pasaiak larunbatean, 3-2. Lehen zatian 0-2 irabazten jarri ziren Aretxabaletakoak, baina bigarrenean, bi minututan partida berdintzea lortu zuten, Ander Famoso eta Asier Agirreren golei...

Asteazkenero egin ohi duen legez Azokan herritarrak hartu ordez, gaurko batzar informatibo berezia deitu du Antxoko alkateorde Izaskun Biurrunek. Luzuriagari eta barrutiko mugikortasunari eragingo dioten hainbat aldaketen berri emango du alkateordeak. ...

Cosi FanTutte operaren atariko lirikoa Itsas Etxean izango da igandean. Sarrerek hiru euroko prezioa dute, eta Itsas Etxean bertan eskuratu ahal izango dira, ekitaldia hasi baino ordubete lehenagotik.

Baiona Euskal Kostaldea Eskualdeko Orkestrako (BEKEO) Accordes.com taldeak zinemaren unibertsotik ibilbide musikala eginen du bihar arratsaldean Hendaiako Varietes aretoan. Besteak beste, Charles Chaplin, Nino Rota edota Michel Legranden zinemagintza hautatu ditu Accordes.com-ek emanaldirako. Varieteseko lan taldeak lagundu du ikuskizuna prestatzen eta Gerard Suzarte programazio buruak muntaturiko artxibo irudiak proiektatuko dituzte musikarien jardunarekin batera. Maurice Ravel Kontserbatorioko sei irakaslek osatzen dute Accordes.com taldea, denak BEKEOko bakarlariak. Ohiko kontzertuetatik urrundu eta emanaldi berezietarako sortu zuten seikotea, eta lagunarteko giroa sortzen dute zuzenekoetan. Edozein estilo lantzen dute eta, beraiek diotenez, “adierazpen askatasun osoz eta publikoarekiko egiazko topaketa lehenetsiz” aritzen dira. Joan zen ostiral eta larunbatean sarreren aurre-salmenta egin zuten Kontserbatorioan, baina bihar bertan txartelak erosteko aukera izanen da, Varieteseko lehiatilan, emanaldiaren aurretik. Sarreren prezioa 15 euroan jarri dute (12 murriztua, 6 gazteentzat, eta 5 euro Kontserbatorioko ikasleentzat). Accordes.com taldeko musikariak Jean-Michel Denis (biolina) Sandrine Guedras (alto) Yves Bouillier (biolontxeloa) Vincent Planes (pianoa) Marin Bea (kontrabaxua) Antoine Gastinel (perkusioak)

Emakumeen Eguneko ekitaldien haritik, larunbatean jakinarazi zituzten Mariasun Landa Sariaren irabazleen izenak. Karmele Mitxelena eta Maite Ruiz de Azua dira. Lehenengoak Sorkun musikariari buruzko lana idatzi du, eta bigarrenak, berriz, senide bat izan du protagonista: Julia Irazu amona. Xenpelar Etxean banatu zituzten sariak, eta bertan izan zen Mariasun Landa idazlea ere. Bere eskutik jaso zuten garaikurra irabazleek. Bi sari banatu zituzten. Emakumeei Begiradarik Onena saria Ruiz de Azuari eman zioten, Julia Irazu, una de aquellas maestras pioneras idazlanagatik. Lan horretan, XX. mendeko emakume baten bizitza erakusten du idazleak, bere amona izandakoarena, hain zuzen; irakaslea izan zen. Ildo horri jarraituz, beste emakume maistren bizitza eta bizimodua kontatzen ditu. Epaimahaiak nabarmendu du kazetaritza lana baino biografikoa dela, eta beste modu batera, kontatu gabe gera zitekeen istorio bat ezagutarazi duela. Mitxelenak, berriz, Emakumeen Begiradarik Onena saria irabazi du Dena duna lanagatik. Sorkun abeslariaren sorrera eta bilakaera kontatu ditu egileak. Epaimahaiak “ondo idatzita” dagoela eta “kazetaritza jantziari eskaintzen zaion zorroztasuna” nabarmendu ditu, eta “ikuspegi pertsonala” duela adierazi du, “bere iritzia eta gustua azalduz”. Azuak adierazi zuen “poz handia” dela herrian bertan saritzea, eta Elixabete Perez Gaztelu irakasleak sari banaketan esandako hitz batzuk izan zituen gogoan: “Inork ezagutzen ez bazaitu ez zara inor”. Horrez gain, [...]

Herrizaingo Sailak jakinarazi duenez, auto batek 29 urteko emakume bat harrapatu du gaur arratsaldean, Errenterian, zehazki, GI 636 errepidean, Don Boscoko bidegurutzean. Gaineratu duenez, hanka batean hartu du min emakumeak, eta Donostiako Ospitalera ...

Irun Iruten euskara elkarteak Asier Arantzabal eta Mila Gallastegik prestatutako Iran goiburuko ikus-entzunezkoaren emanaldia prestatu du biharko. Ospitale Zaharreko hitzaldi aretoan izango da, 19:30etik aurrera, eta denentzat irekia. Antolatzaileek es...

Xanistebanen harira, udalak argitaratzen duen Oiartzun urtekarirako lanak jasotzeko epea ireki du Kultura Sailak. Maiatzaren 1a izango da lanak aurkezteko azkeneko eguna, udaletxeko Kultura Sailean (Manuel Lekuona Bibliotekan) edo Urtekari Batzordeko k...

Stop Desahucios eta Apoyo Oarso taldeak antolatuta, larunbatean manifestazioa egingo dute herriko kaleetan kaleratzeen kontra, eta bihar aurkeztuko dute manifestazio hori. Era berean, Marquez familiari babesa agertuko diote protesta horretan. 18:00etan...