Independentistak sareak Argazki Berdea ateratzera deitu du
Deialdi bikoitza egin du Independentistak sareak. Batetik, bihar, 12:00etan, Argazki Berdea aterako dute Morrontxo eta Torrekua dorreen artean, eta bertan parte hartzera animatu ditu herritarrak. Bestetik, berriz, hurrengo igandean, apirilaren 8an, Iru...
Deialdi bikoitza egin du Independentistak sareak. Batetik, bihar, 12:00etan, Argazki Berdea aterako dute Morrontxo eta Torrekua dorreen artean, eta bertan parte hartzera animatu ditu herritarrak.
Bestetik, berriz, hurrengo igandean, apirilaren 8an, Iruñean egingo den Aberri Egunera joatera deitu du. Autobusa 09:30ean aterako da Zumarditik (Panier), eta 19:00etan bueltatuko da. Tiketak Arkaitza, Landare, Sindikato eta Reyna tabernetan salgai daudela jakinarazi du. Horrez gain, bazkarirako tiketak ere badaudela jakinarazi du. Bi bide utzi ditu eskuratzeko, posta elektronikoz info[a bildua]independentistak.net-en eta 943 56 18 53 telefono zenbakira deituta.
