Grebaren atarian mobilizazioetan parte hartzeko deiak ugaritu dira
Batzarretan jasotako datuen arabera, grebak eragin handia izango du, sektore publikoan nahiz pribatuan Greba Orokorraren gertutasuna nabari da. Hilaren 29an kalera irteteko deialdiak ugaritu egin dira azken ordutan, eta lantegi eta bestelako lantokietan batzarrak egin ahala, gero eta gehiago dira greba egingo dutela iragarri duten enpresak. Sektore publikoan nahiz pribatuan izango du eragina grebak, sindikatuetatik zabaltzen ari diren datuen arabera. Atzo goizean, esaterako, batzarra egin zuten Arizabalon Pasaiako udaleko ordezkariek, eta ondoren elkarretaratzea, udaleko langile guztiei grebara batu daitezen eskatzeko. Batzarrean lan erreformaren ondorioak izan zituzten hizpide, eta arreta berezia jarri zuten erreformak sektore publikoan izango duen eraginean. Irungo Udala Irungo Udalean, bestalde, astelehenean egin zuten batzarra, eta bertako enpresa batzordeak langileak greba egitea erabaki dutela jakinarazi du. Udalean ordezkaritza duten alderdiei ere zuzendu dira: «Udal honetako alderdiei erreformarekiko duten jarrera publikoki argitu dezaten eskatzen diegu». Irunen egingo den manifestaziora joateko ere eskatu diete. Hondarribiko eta Lezoko udalek ere greba egingo dutela iragarri dute, baita Hondarribiko udal kiroldegiko langileek ere. «Burujabetza» Oreretako ezker abertzaleak ere kalera irteteko deia luzatu du etzirako «beste eredu sozial, ekonomiko eta politiko bat beharrezkoa dela» erakusteko. «Espainiako Gobernuaren politika ekonomikoari aurre egin eta gizartea kolpatzen ari den krisi ekonomikoa gainditzeko burujabetza politiko eta ekonomikoa aldarrikatzeko [...]
martxoaren 29ko GREBA OROKORRA
Batzarretan jasotako datuen arabera, grebak eragin handia izango du, sektore publikoan nahiz pribatuan
Greba Orokorraren gertutasuna nabari da. Hilaren 29an kalera irteteko deialdiak ugaritu egin dira azken ordutan, eta lantegi eta bestelako lantokietan batzarrak egin ahala, gero eta gehiago dira greba egingo dutela iragarri duten enpresak. Sektore publikoan nahiz pribatuan izango du eragina grebak, sindikatuetatik zabaltzen ari diren datuen arabera.
Atzo goizean, esaterako, batzarra egin zuten Arizabalon Pasaiako udaleko ordezkariek, eta ondoren elkarretaratzea, udaleko langile guztiei grebara batu daitezen eskatzeko. Batzarrean lan erreformaren ondorioak izan zituzten hizpide, eta arreta berezia jarri zuten erreformak sektore publikoan izango duen eraginean.
Irungo Udala
Irungo Udalean, bestalde, astelehenean egin zuten batzarra, eta bertako enpresa batzordeak langileak greba egitea erabaki dutela jakinarazi du. Udalean ordezkaritza duten alderdiei ere zuzendu dira: «Udal honetako alderdiei erreformarekiko duten jarrera publikoki argitu dezaten eskatzen diegu». Irunen egingo den manifestaziora joateko ere eskatu diete.
Hondarribiko eta Lezoko udalek ere greba egingo dutela iragarri dute, baita Hondarribiko udal kiroldegiko langileek ere.
«Burujabetza»
Oreretako ezker abertzaleak ere kalera irteteko deia luzatu du etzirako «beste eredu sozial, ekonomiko eta politiko bat beharrezkoa dela» erakusteko. «Espainiako Gobernuaren politika ekonomikoari aurre egin eta gizartea kolpatzen ari den krisi ekonomikoa gainditzeko burujabetza politiko eta ekonomikoa aldarrikatzeko kalera irtetea» eskatu dute. «Justizia sozialean oinarritutako eredu sozio-ekonomiko alternatibo baten eraikuntzaren alde aurrerapausoak egin behar direla» iritzi dio ezker abertzaleak.
«Bidezkoa eta beharrezkoa»
EBrentzako greba «bidezkoa eta beharrezkoa» da, «langileen eskubideen kontra azken hamarkadatan jazo den erasorik larrienetakoa» delako eta lan erreformak «hiritar guztien ongizatea erasotzen duelako». Parte hartze aktiboa eskatu dute, erantzuna jendetsua izatekotan erreforma geldiarazi daitekeela uste dutelako.
Deialdiak
Pasaia
Trintxerpe. Portuko langileak deituta, 07:30ean batzarra eta elkarretaratzea, eta jarraian manifestazioa Trintxerperaino.
Antxo. 08:00etan pikete informatiboak barrutian zehar; 10:00etan manifestazioa
Gure Zumarditik abiatuta eta 18:00etan elkarretaratzea.
Oiartzun
06:00. Eskualdeko deialdia Alcampoko aparkalekuan biltzeko. Pikete informatiboak handik abiatuko dira inguruko industriaguneetara.
Errenteria-Orereta
09:30. Xenpelar plazan biltzeko deialdia.
11:00. Bizikleta martxa abiatuko du zumarditik Donostiarantz.
18:00. Batzarra.
19:00. Manifestazioa.
Irun
06:00. Gabiria industriagunean biltzeko deia.
10:00. Manifestazioa San Juan plazatik abiatuta.
19:00. Manifestazioa Zabaltza plazatik.
