Orereta Ikastola EPLE 1 taldea eskolarteko finalerdietan sartu da
Gipuzkoako Eskolarteko Txapelketako finalerdian sartu da Orereta Ikastola EPLE 1 taldea. Joan den larunbatean Aiako taldea gailentzea lortu zuen final-laurdenetan, 4-2, eta horrek ahalbideratu dio finalerdietarako txartela lortzea. Berriz ere Antiguako...
Gipuzkoako Eskolarteko Txapelketako finalerdian sartu da Orereta Ikastola EPLE 1 taldea. Joan den larunbatean Aiako taldea gailentzea lortu zuen final-laurdenetan, 4-2, eta horrek ahalbideratu dio finalerdietarako txartela lortzea. Berriz ere Antiguako pilotalekuan jokatuko du, oraingoan Ikasberriren kontra. Bihar izango da lehia, 17:30tik aurrera.
EPLEko beste pilotari batek ere, Donibane Zangituk, partida garrantzitsua jokatuko du Elgeta Txapelketan. EPLEk jakinarazi duenez, txapelketa entzutetsua da, eta “taldearentzat urrats garrantzitsua da herriko pilotari batek halako txapelketa bat jokatzea”. Partida 20:30ean izango da Elgetako pilotalekuan.
Fanderiako frontoian bi partida izango dira asteburuan: gaur, 20:15ean, EPLEko kadeteak ariko dira, eta bihar, 09:30etik aurrera, kirol egokituko jaialdia izango da: Gipuzkoako Txapelketako finala eta erakustaldia.
