XXX. Eliz Musikaren Zikloaren barruan lau kontzertu izango dira
XXX. Eliz Musikaren Zikloa antolatu du Eskifaiak. Denera lau kontzertuko programazioa prestatu du. Hilaren 24, 25 31 eta apirilaren 1ean izango dira musika emanaldiak, denak 20:00etatik aurrera, herriko eliz nagusian. Hilaren 24an Loinatz abesbatzaren ...
XXX. Eliz Musikaren Zikloa antolatu du Eskifaiak. Denera lau kontzertuko programazioa prestatu du. Hilaren 24, 25 31 eta apirilaren 1ean izango dira musika emanaldiak, denak 20:00etatik aurrera, herriko eliz nagusian.
Hilaren 24an Loinatz abesbatzaren txanda izango da. Hilaren 25ean, berriz, Haizea Muñoz sopranoak eta Ana Belen Garcia organo jotzaileak emango dute saioa.
Hilaren azken egunean Luanco (Asturias, Espainia) herriko Leon de Oro abesbatzaren kantuez gozatzeko aukera izango dute hondarribiarrek, eta emanaldien zikloa ixteko, apirilaren 1ean Xatz eta Eskifaia abesbatzek, hainbat musika jotzailerekin, kontzertu handia emango dute.
Egun horretan Maite Ocak zuzenduko du Xatz, eta eskifaiaren zuzendaria Gorka Aierbe izango da. Biek ala biek «egitarau interesgarria» hautatu dutela jakinarazi dute antolatzaileek
